Satyadev: ప్రశ్నించే యువకుడి కథ

అవినీతి రాజకీయానికి కేరాఫ్‌ అయిన కొంతమంది నాయకుల్ని ప్రశ్నించిన ఓ యువకుడి కథే మా చిత్రం అంటున్నారు సి.కల్యాణ్‌. ఆయన నిర్మాణంలో సత్యదేవ్‌ కథానాయకుడిగా తెరకెక్కిన చిత్రం ‘గాడ్సే’. గోపి గణేష్‌ పట్టాభి     దర్శకత్వం వహిస్తున్నారు. ఈ చిత్రాన్ని జూన్‌ 17న విడుదల చేస్తున్నట్టు ప్రకటించింది చిత్రబృందం. ‘‘సత్యదేవ్‌ - గోపి గణేష్‌ కలయికలో వచ్చిన ‘బ్లఫ్‌మాస్టర్‌’ ప్రేక్షకుల మెప్పు పొందింది. అదే కలయికలో, మరో బలమైన కథతో ఈ చిత్రం తెరకెక్కింది. అవినీతితో నిండిపోయిన రాజకీయ వ్యవస్థని ఒంటి చేత్తో ఎదుర్కొనే యువకుడిగా శక్తివంతమైన పాత్రని పోషించారు సత్యదేవ్‌. ఐశ్వర్యలక్ష్మి ఇన్వెస్టిగేషన్‌ ఆఫీసర్‌గా కనిపిస్తారు. ‘గాడ్సే’ తప్పకుండా ప్రేక్షకుల్లో ఆలోచనల్ని రేకెత్తిస్తుంద’’న్నారు. బ్రహ్మాజీ, సిజ్జు మేనన్‌ తదితరులు కీలక పాత్రలు పోషించారు.