Lahoor 1947: రిపబ్లిక్‌ డేకి ‘లాహోర్‌ 1947’?

ప్రత్యేకమైన రోజున వారి చిత్రాల్ని విడుదల చేసేందుకు సన్నాహాలు చేసుకుంటున్నారు బాలీవుడ్‌ దర్శకనిర్మాతలు. ఇప్పుడదే పనిలో బిజీగా ఉంది ‘లాహోర్‌: 1947’ చిత్రబృందం.

గతేడాది ‘గదర్‌ 2’తో  విజయాన్ని అందుకున్న సన్నీ దేవోల్‌ ప్రధాన పాత్రలో నటిస్తున్న చిత్రమిది. ప్రీతి జింటా కథానాయిక. రాజ్‌కుమార్‌ సంతోషి తెరకెక్కిస్తున్న ఈ సినిమాని ప్రముఖ నటుడు ఆమిర్‌ ఖాన్‌ నిర్మిస్తున్నారు. దేశభక్తి నేపథ్యంతో రూపొందుతున్న ఈ సినిమాని వచ్చే ఏడాది రిపబ్లిక్‌ డే సందర్భంగా విడుదల చేసేందుకు చిత్రబృందం సిద్ధమవుతోందని సమాచారం. ‘ప్రస్తుతం చిత్రీకరణ దశలో ఉందీ సినిమా. జూన్‌లో చిత్రీకరణ పూర్తవుతుంది. భారీ యాక్షన్‌తో, భావోద్వేగాలతో ఈ చిత్రం తెరకెక్కనుంది. వచ్చే ఏడాది జనవరిలో గణతంత్ర దినోత్సవం సందర్భంగా ఈ చిత్రం విడుదల కానుంది’ అని సన్నిహిత వర్గాలు తెలిపాయి.