హిందీ ‘వేద’ ఆగయా!

హృతిక్‌ రోషన్‌, సైఫ్‌ అలీఖాన్‌ ప్రధాన పాత్రల్లో తెరకెక్కుతోన్న చిత్రం ‘విక్రమ్‌ వేద’. తమిళంలో ఇదే పేరుతో తెరకెక్కిన చిత్రానికి దర్శకత్వం వహించిన పుష్కర్‌, గాయత్రి హిందీ చిత్రానికి దర్శకత్వం వహిస్తున్నారు. సోమవారం హృతిక్‌ రోషన్‌ పుట్టినరోజు. ఈ సందర్భంగా ఈ సినిమాలోని హృతిక్‌ పాత్ర వేదకు సంబంధించిన లుక్‌ను విడుదల చేసింది చిత్రబృందం. ఇటీవలే లక్నోలో కీలక సన్నివేశాలను తెరకెక్కించారు. ఓ గ్యాంగ్‌స్టర్‌, పోలీస్‌ అధికారి మధ్య జరిగే కథతో తెరకెక్కిన యాక్షన్‌, క్రైమ్‌, థ్రిల్లర్‌గా ఈ చిత్రం రూపొందుతోంది. ఈ ఏడాది సెప్టెంబరు 30న ప్రేక్షకుల ముందుకు తీసుకురావడానికి సన్నాహాలు చేస్తున్నారు.