వరుణ్‌... హిరాణీ.. ‘మేడ్‌ ఇన్‌ ఇండియా’?

ప్రముఖ దర్శకుడు, నిర్మాత రాజ్‌కుమార్‌ హిరాణీ, బాలీవుడ్‌ యువ కథానాయకుడు వరుణ్‌ధావన్‌ కలయికలో సినిమాకు సన్నాహాలు జరుగుతున్నాయని కొన్ని రోజులుగా బాలీవుడ్‌లో వినిపిస్తోంది. కానీ   సినిమాకు సంబంధించిన విశేషాలేవీ  బయటకు రాలేదు. తాజాగా ఈ ఇద్దరి కలయికలో సినిమా ఓకే అయినట్టు తెలుస్తోంది. ఈ సినిమాకి ‘మేడ్‌ ఇన్‌ ఇండియా’ అనే పేరుని అనుకుంటున్నట్టు సమాచారం. నిజ జీవిత కథతో తెరకెక్కనున్న ఈ చిత్రానికి హిరాణీ వద్ద సహాయ దర్శకుడిగా పనిచేసిన కరణ్‌ నర్వేకర్‌ దర్శకత్వం వహించనున్నారట. పరిస్థితులు అన్నీ అనుకూలిస్తే ఈ చిత్రం ఈ ఏడాది ద్వితీయార్ధంలో సెట్స్‌పైకి వెళ్లనుంది.