Aishwarya Rajinikanth: మళ్లీ చాన్నాళ్లకు మెగాఫోన్‌?

రజనీకాంత్‌ కుమార్తె ఐశ్వర్య (Aishwarya Rajinikanth) చాన్నాళ్ల తర్వాత మళ్లీ మెగాఫోన్‌ పట్టడానికి ఏర్పాట్లు చేస్తున్నట్లు తెలుస్తోంది. ‘3’ సినిమాతో దర్శకురాలిగా మారిన ఆమె తర్వాత ‘వై రాజ్‌ వై’ అనే చిత్రాన్ని తీశారు. ఆ తర్వాత 2017లో ఓ డాక్యుమెంటరీని రూపొందించారు. మళ్లీ ఇన్నేళ్లకు దర్శకత్వం చేయడానికి కథను సిద్ధం చేసుకున్నట్లు తమిళ సినీ వర్గాలు చెబుతున్నాయి. లైకా సంస్థ ఈ చిత్రాన్ని నిర్మించనున్నట్లు సమాచారం. ఇందులో రజనీకాంత్‌ అతిథి పాత్రలో కనిపించనున్నారట. ధనుష్‌తో విడాకుల తర్వాత ఐశ్వర్య చేస్తున్న చిత్రం కావడంతో కోలీవుడ్‌లో ఈ సినిమాకు గురించి చర్చ నడుస్తోంది.