Mili: చలిలో ‘మిలీ’

శ్రీదేవి, బోనీ కపూర్‌ల ముద్దుల తనయ జాన్వీ కపూర్‌ (Janhvi Kapoor) రొటీన్‌ కథానాయిక పాత్రలకు భిన్నంగా వెళుతోంది. ఆమె నటించిన చిత్రం ‘మిలీ’ (Mili). తాజాగా ఈ సినిమాలో జాన్వీకి సంబంధించిన ఫస్ట్‌లుక్‌ పోస్టర్‌తో పాటు టీజర్‌ను చిత్రబృందం విడుదల చేసింది. మైనస్‌ 16 డిగ్రీల గడ్డకట్టుకుపోయే చలిలో ఇరుక్కుపోయిన జాన్వీ నోటిని ఉపయోగించి టేపులను చింపివేసే సన్నివేశంతో టీజర్‌ మొదలైంది. ఆమె ఫ్రీజర్‌ నుంచి బయటకు రావడానికి ప్రయత్నించడం, ఆమెను బంధిచినట్లు కనిపించడం ఆసక్తిని రేకిత్తిస్తున్నాయి. బోనీ కపూర్‌ నిర్మిస్తున్న ఈసినిమాకి ముత్తుకుట్టి జేవియర్‌ దర్శకత్వం వహిస్తున్నారు. నవంబరు 4న ఈ సినిమా ప్రేక్షకుల ముందుకు రానుంది.