Pushpa: రష్యాలో విడుదలకు సిద్ధమవుతున్న పుష్ప..!

అల్లుఅర్జున్‌ హీరోగా సుకుమార్‌ తెరకెక్కించిన చిత్రం ‘పుష్ప: ది రైజ్‌’ ఎంతటి ఘన విజయం సాధించిందో అందరికీ తెలిసిందే. ఈ సినిమా విడుదలై నెలలు గడుస్తున్నా దీని జోరు తగ్గలేదు.

Published : 21 Sep 2022 12:38 IST

ఇంటర్నెట్‌ డెస్క్‌: అల్లుఅర్జున్‌ హీరోగా సుకుమార్‌ తెరకెక్కించిన చిత్రం ‘పుష్ప: ది రైజ్‌’ ఎంతటి ఘన విజయం సాధించిందో అందరికీ తెలిసిందే. ఈ సినిమా విడుదలై నెలలు గడుస్తున్నా దీని జోరు తగ్గలేదు. ఇటీవల ఈ సినిమాను మాస్కో ఇంటర్నేషనల్‌ ఫిల్మ్‌ ఫెస్టివల్‌లో ప్రదర్శించారు. ప్రపంచవ్యాప్తంగా బ్లాక్‌బాస్టర్‌గా నిలిచిన చిత్రాల కేటగిరిలో పుష్ప తెలుగు వర్షన్‌ సినిమాను ఇంగ్లిషు, రష్యన్‌ సబ్‌ టైటిల్స్‌తో ప్రదర్శించడం విశేషం. అతి త్వరలో ఈ సినిమా రష్యన్‌ డబ్బింగ్‌ వర్షన్‌ను కూడా విడుదల చేయనున్నారు. గతేడాది డిసెంబర్‌ 17న విడుదలైన ఈ సినిమాను మలయాళం, హిందీ, తమిళం, కన్నడ భాషల్లో డబ్‌ చేశారు. అల్లుఅర్జున్‌ పాపులర్‌ డాన్స్‌ నంబర్‌ అయిన ‘శ్రీవల్లి’ పాటతో పాటు సమంతా నటించిన ‘‘ఊ అంటావా ఊఊ అంటావా’’ పాటలు సోషల్‌మీడియాను హోరెత్తించాయి.

ఇటీవలే న్యూయార్క్‌ టైమ్‌ స్క్వేర్‌లో భారతదేశం తరపున హజరైన ఈ యంగ్‌ హీరో యాన్యువల్‌ డే పెరడ్‌లో పాల్గొన్న సంగతి తెలిసిందే. ఇక ప్రస్తుతం అల్లుఅర్జున్‌ ‘పుష్ప:ది రూల్‌’లో నటిస్తున్నారు. ఇటీవలే ఈ సినిమాకు సంబంధించిన పూజా కార్యక్రమాలు జరిగాయి.

Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని