Allu arjun: అల్లూ వారి విల్లుకు.. తెలుగు వారి బాకీ చెల్లు: తనికెళ్ల భరణి

హైదరాబాద్‌: టాలీవుడ్‌లో చరిత్ర సృష్టిస్తూ ఉత్తమ నటుడిగా అల్లు అర్జున్ (Allu arjun) జాతీయ అవార్డును సొంతం చేసుకున్న సంగతి తెలిసిందే. దీంతో ఆయనకు రెండు రోజుల నుంచి ప్రశంసలు , శుభాకాంక్షలు వెల్లు వెత్తుతున్నాయి. ఇప్పటికే పలువురు ప్రముఖులు అభినందనలు తెలుపగా.. తాజాగా నటుడు తనికెళ్ల భరణి (Tanikella Bharani) తనదైన శైలిలో అల్లు అర్జున్‌కు విషెస్‌ చెప్పారు.

‘తగ్గక్కర్లా..’అంటూ ఓ వీడియోను పోస్ట్‌ చేసిన తనికెళ్ల భరణి ..‘అర్జునుడై గురిపెట్టెను అల్లూ తన విల్లు.. శతాబ్దాల తెలుగు వాళ్ల బాకీ ఇక చెల్లు’ అంటూ చిన్న కవిత రూపంలో అల్లు అర్జున్‌కు అభినందనలు తెలిపారు. ప్రస్తుతం ఈ వీడియో సోషల్ మీడియాలో అందరినీ ఆకర్షిస్తోంది. చాలా బాగా చెప్పారంటూ నెటిజన్లు కామెంట్స్‌ పెడుతున్నారు. ఇక మరోవైపు తనకు శుభాకాంక్షలు చెప్పిన వారందరికీ అల్లు అర్జున్ రిప్లై ఇస్తూ ధన్యవాదాలు చెబుతున్నారు.

సరికొత్త రికార్డు సృష్టించిన ‘జైలర్‌’.. తొలి ఇండియన్ సినిమాగా..

ఈ సందర్భంగా బన్నీని రామ్ చరణ్‌ (Ram charan), ఉపాసనలు (Upasana) ప్రత్యేకంగా అభినందించారు. అల్లు అర్జున్‌ ఇంటికి ఓ పుష్పగుచ్ఛాన్ని పంపిన రామ్ చరణ్‌ దంపతులు ఒక స్పెషల్‌ నోట్‌ను రాశారు. ‘‘నిన్ను చూస్తుంటే ఎంతో గర్వంగా ఉంది. నీకు ఇలాంటి ఎన్నో అవార్డులు రావాలి. వీటన్నింటికీ అర్హుడివి. కంగ్రాట్స్’’ అని ఆ నోట్‌లో పేర్కొన్నారు. దీనికి సంబంధించిన ఫొటోను అల్లు అర్జున్‌ తన ఇన్‌స్టా స్టోరీలో పోస్ట్‌ చేస్తూ.. ‘మీ అభినందనలు మనసుకు హత్తుకున్నాయి’ అని రాశారు.