Sudheer Babu: రామోజీ ఫిల్మ్‌సిటీలో సుధీర్‌బాబు.. యాక్షన్‌ షురూ

సుధీర్‌బాబు కథానాయకుడిగా హర్ష వర్ధన్‌ ఓ చిత్రాన్ని తెరకెక్కిస్తున్నారు. నారాయణ్‌ దాస్‌.కె నారంగ్‌, పుస్కూర్‌ రామ్‌ మోహన్‌రావు నిర్మిస్తున్నారు. చైతన్‌ భరద్వాజ్‌ స్వరాలందిస్తున్నారు. ఇటీవలే పూజా కార్యక్రమాలతో లాంఛనంగా మొదలైన ఈ సినిమా రెగ్యులర్‌ చిత్రీకరణ సోమవారం నుంచి రామోజీ ఫిల్మ్‌ సిటీలో ప్రారంభమైంది. ఈ విషయాన్ని చిత్ర బృందం సామాజిక మాధ్యమాల ద్వారా తెలియజేసింది. ఈ సందర్భంగా సెట్లోని ఓ వర్కింగ్‌ స్టిల్‌ను విడుదల చేశారు. ఇందులో సుధీర్‌బాబు ఓ సరికొత్త లుక్‌తో ఆకట్టుకునేలా కనిపించారు. తొలి షెడ్యూల్‌లో భాగంగా ప్రస్తుతం సుధీర్‌తో పాటు మిగిలిన ప్రధాన తారాగణంపై కీలక సన్నివేశాలు చిత్రీకరిస్తున్నట్లు చిత్ర బృందం తెలిపింది. ‘‘సుధీర్‌ నటిస్తున్న 15వ చిత్రమిది. ఇందులో ఆయన సవాల్‌తో కూడిన పాత్ర చేస్తున్నారు. విభిన్నమైన కథతో యాక్షన్‌ ఎంటర్‌టైనర్‌గా ఈ సినిమాని ముస్తాబు చేస్తున్నామ’’న్నారు చిత్ర నిర్మాతలు.ఈ సినిమాకి కళ: రాజీవ్‌, ఛాయాగ్రహణం: పీజీ విందా.