Published : 23 Aug 2020 14:46 IST

ఆస్ట్రేలియాలో తెలుగు విద్యార్థుల నిరసన

ఇంటర్నెట్‌డెస్క్‌: ఏపీ రాజధానిగా అమరావతినే కొనసాగించాలంటూ ఇప్పటికే రాష్ట్రంలో పలు ప్రాంతాల్లో ఉద్యమం జరుగుతోంది. ఈ ఉద్యమానికి అధికార వైకాపా మినహా దాదాపు అన్ని పార్టీలూ మద్దతిస్తున్నాయి. ఇతర దేశాల్లోని పలువురు ప్రవాసాంధ్రులు సైతం అమరావతి రైతుల పోరాటానికి మద్దతు తెలుపుతున్నారు. అనేక చోట్ల ప్రభుత్వ నిర్ణయానికి వ్యతిరేకంగా నిరసన తెలుపుతున్నారు. తాజాగా ఆస్ట్రేలియాలోని తెలుగు విద్యార్థులు నిరసన తెలిపారు. అమరావతి ఉద్యమం ప్రారంభమై 250 రోజులు పూర్తయిన సందర్భంగా కాన్‌బెర్రాలో పార్లమెంట్‌ హౌస్‌ ముందు జై అమరావతి నినాదాలు చేశారు. రాజధాని విషయంలో అభివృద్ధి చెందిన దేశాలను కాకుండా.. అభివృద్ధి చెందని ఆఫ్రికా దేశాలను నిదర్శనంగా తీసుకోవడాన్ని వారు తప్పుబట్టారు. రాజధానిని అమరావతిలోనే కొనసాగించాలని డిమాండ్‌ చేశారు.

Read latest Nri News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts