Published : 21 Jan 2022 01:49 IST

Akhilesh Yadav: యూపీలో రసవత్తర పోరు.. అఖిలేశ్‌ పోటీ ఇక్కడి నుంచే

లఖ్‌నవూ: త్వరలో అసెంబ్లీ ఎన్నికలు జరగనున్న ఉత్తర్‌ప్రదేశ్‌లో రాజకీయాలు రసవత్తరంగా మారుతున్నాయి. మొన్నటివరకు ఎన్నికల్లో పాల్గొనటం లేదని చెప్పిన సమాజ్‌వాదీ పార్టీ అధినేత అఖిలేశ్ యాదవ్‌.. మనసు మార్చుకుని ఎన్నికల బరిలోకి దిగుతున్నట్లు ప్రకటించారు. ఈ నేపథ్యంలో ఆయన ఏ స్థానం నుంచి పోటీ చేస్తారన్నది ఆసక్తికరంగా మారింది. ఆయన మెయిన్‌పురిలోని కర్హాల్‌ నియోజకవర్గం నుంచి పోటీ చేయనున్నట్లు ఆ పార్టీ ప్రకటించింది.

కర్హాల్‌లో సమాజ్‌వాదీ పార్టీ, అఖిలేశ్‌ కుటుంబానికి మంచి పట్టు ఉంది. 1993 నుంచి ఈ స్థానంలో ఎస్పీ అభ్యర్థులే విజయం సాధిస్తున్నారు. ఒక్క 2002-07లో మాత్రం భాజపా గెలుపొందింది. 2017లో జరిగిన అసెంబ్లీ ఎన్నికల్లో సోబరన్‌ సింగ్ యాదవ్‌ ఇక్కడ లక్షకుపైగా ఓట్లతో ఘన విజయం అందుకున్నారు. ఈ స్థానంలో భాజపా నుంచి పోటీ చేసిన రమా శక్యాకు 65వేల ఓట్లు వచ్చాయి. ఇక, మెయిన్‌పురి లోక్‌సభ నియోజకవర్గానికి అఖిలేశ్‌ తండ్రి, సమాజ్‌వాదీ వ్యవస్థాపకుడు ప్రాతినిధ్యం వహిస్తున్నారు. దీంతో ఈ స్థానం నుంచైతే గెలుపు ఖాయమని అఖిలేశ్‌ భావిస్తున్నట్లు తెలుస్తోంది.

అఖిలేశ్‌ అసెంబ్లీ ఎన్నికల్లో పోటీ చేస్తుండటం ఇదే తొలిసారి. ప్రస్తుతం అఖిలేశ్‌ యాదవ్ అజంగఢ్‌ నియోజకవర్గం నుంచి ఎంపీగా ఉన్నారు. గతంలో యూపీ ముఖ్యమంత్రిగా పనిచేసినప్పటికీ.. శాసన మండలి నుంచి ప్రాతినిధ్యం వహించారు. యూపీ సీఎం యోగి ఆదిత్యనాథ్ వచ్చే ఎన్ని్కల్లో పోటీ చేస్తుండటం.. అఖిలేశ్‌పై ఒత్తిడి పెంచినట్లు సమాచారం.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని