Andhra News: రూ.48వేల కోట్ల అవినీతి జరిగిందనడం అర్థంలేని ఆరోపణ: బుగ్గన

అమరావతి: ఆంధ్రప్రదేశ్‌లో రూ.48 వేల కోట్ల అవినీతి జరిగిందని తెదేపా నేత యనమల ఆరోపించడం అర్థంలేని ఆరోపణ అని ఆర్థిక శాఖ మంత్రి బుగ్గన రాజేంద్రనాథ్‌రెడ్డి అన్నారు. యనమల సహా తెదేపా నేతలు చేస్తున్న ఆ ఆరోపణలు పూర్తి అవాస్తవాలని పేర్కొన్నారు. సీఎఫ్‌ఎంఎస్‌లో స్పెషల్‌ బిల్లులు అంటూ ఏవీ ఉండవని స్పష్టం చేశారు. ఈ మేరకు సీఎఫ్‌ఎంఎస్‌ స్పెషల్‌ బిల్స్‌ అనేది లేదని ఏజీకి వివరణ ఇచ్చినట్లు చెప్పారు. వేస్‌ అండ్‌ మీన్స్‌ అనేది తాత్కాలిక అప్పు మాత్రమేనని బుగ్గన వివరించారు. తాత్కాలిక అప్పును అదే ఏడాది పూర్తిగా చెల్లిస్తారని పేర్కొన్నారు. 2020-21లో రాష్ట్ర ప్రభుత్వానికి రూ.30 వేల కోట్ల ఆదాయం తగ్గిందని, ఆదాయం బాగా తగ్గినా సంక్షేమ పథకాలు ఏవీ ఆపలేదని తెలిపారు.