Yuvagalam: చింతమనేని, తోట సీతారామలక్ష్మి సహా 52 మందిపై కేసులు నమోదు

భీమవరం: బేతపూడి ఘటనకు సంబంధించి పోలీసులు 3 ఎఫ్ఐఆర్‌లు నమోదు చేశారు. 38 మంది యువగళం వాలంటీర్లు, 14 మంది నాయకులు సహా 52 మందిపై కేసులు నమోదు చేశారు. చింతమనేని ప్రభాకర్‌, తోట సీతారామలక్ష్మి సహా 14 మంది నాయకులపైనా హత్యాయత్నం కేసులు నమోదయ్యాయి. అదుపులోకి తీసుకున్న వారిని పోలీసులు వివిధ కోర్టుల్లో హాజరు పరుస్తున్నారు. భీమవరం కోర్టులో హాజరుపరిచి మళ్లీ స్టేషన్‌కు తీసుకొచ్చిన పలువురు యువగళం వాలంటీర్ల చేత బలవంతంగా సంతకాలు సేకరించారు. మాజీ మంత్రులు దేవినేని ఉమా, కొల్లు రవీంద్ర భీమవరం పీఎస్‌కి చేరుకుని బలవంతపు సంతకాల సేకరణను అడ్డుకున్నారు.  ఈక్రమంలో పోలీసులు, నేతలకు మధ్య తీవ్ర వాగ్వాదం చోటు చేసుకుంది.