‘తెలంగాణ ప్రతిష్ఠ ఇనుమడించేలా సచివాలయం’

మీడియాతో మంత్రి జగదీశ్వర్‌ రెడ్డి

హైదరాబాద్‌: తెలంగాణ ప్రతిష్ఠ ఇనుమడించేలా నూతన సచివాలయ నిర్మాణం ఉంటుందని మంత్రి జగదీశ్వర్‌ రెడ్డి అన్నారు. నూతన సచివాలయంపై ప్రతిపక్షాలు చేస్తున్న విమర్శలపై ప్రగతిభవన్‌లో ఆయన స్పందించారు. ‘‘సీఎం కేసీఆర్‌ పాలనపై ప్రజలకు విశ్వాసం ఉంది. నూతన సచివాలయం, ప్రగతిభవన్‌పై ప్రతిపక్షనేతలు అనవసరంగా విమర్శలు గుప్పిస్తున్నారు. ప్రతిపక్షాల విమర్శలను ప్రజలు ఇప్పటికే తిప్పికొట్టారు. ఏ పథకమైనా వద్దనడమే ప్రతిపక్షాలకు అలవాటుగా మారింది. 24 గంటల ఉచిత విద్యుత్తు ఇస్తామంటే వద్దని ధర్నాలు చేశారు. అన్నీ వద్దంటున్నందునే ప్రజలు మిమ్మల్ని వద్దని చెబుతున్నారు’’అని జగదీశ్వర్‌ రెడ్డి ఎద్దేవా చేశారు.