Andhra News: ప్రభుత్వ ఉద్యోగివా.. వైకాపా కార్యకర్తవా?

మందస, న్యూస్‌టుడే: ‘నువ్వు ప్రభుత్వ ఉద్యోగివా.. వైకాపా కార్యకర్తవా’ అంటూ మందస మండల అసిస్టెంట్‌ ప్రాజెక్టు మేనేజరు (ఏపీఎం) జి.ప్రసాదరావును గ్రామస్థులు, డ్వాక్రా మహిళలు నిలదీశారు. జిల్లుండ పంచాయతీ గ్రామాల్లో వచ్చే నెల 2న ‘గడప గడపకు మన ప్రభుత్వం’ కార్యక్రమం జరగనుంది. ఇందుకు సన్నద్ధం కావాలంటూ డిమిరియా గ్రామంలో శనివారం డ్వాక్రా మహిళలతో ఏపీఎం సమావేశం నిర్వహించారు. కార్యక్రమంలో అనుసరించాల్సిన విధానాన్ని వివరిస్తూ.. ‘జై జగన్‌.. జై అప్పలరాజు’ అని నినాదాలు చేశారు. దీంతో కొందరు డ్వాక్రా మహిళలతోపాటు గ్రామస్థులు నిలదీశారు. తప్పయిపోయిందంటూ ప్రసాదరావు అక్కడి నుంచి జారుకున్నారు.