YSRCP: వచ్చే ఎన్నికల్లో పోటీచేయను: వైకాపా ఎమ్మెల్యే సుధాకర్
వచ్చే ఎన్నికల్లో తాను పోటీ చేయనని కోడుమూరు ఎమ్మెల్యే సుధాకర్ చెప్పారు. ఈ మాటలు విన్న కార్యకర్తలు ఆశ్చర్యపోయారు.
ప్రశ్నించిన నాయకుడికి ఎమ్మెల్యే జవాబు
కర్నూలు గ్రామీణ, న్యూస్టుడే: వచ్చే ఎన్నికల్లో తాను పోటీ చేయనని కోడుమూరు ఎమ్మెల్యే సుధాకర్ చెప్పారు. ఈ మాటలు విన్న కార్యకర్తలు ఆశ్చర్యపోయారు. కర్నూలు గ్రామీణ మండలం ఉల్చాలలో శనివారం ‘గడపగడపకు’ కార్యక్రమంలో భాగంగా పర్యటించగా వైకాపా మాజీ మండల అధ్యక్షుడు బుర్ర పెద్ద వెంకటేశ్నాయుడు ఆయన్ను తీవ్ర పదజాలంతో ప్రశ్నించారు. ‘మీరో నమ్మకద్రోహి. పార్టీ ఆవిర్భావం నుంచి పనిచేస్తున్న వాళ్లను పక్కనపెట్టారు. మీకు టిక్కెట్ రావడానికి కష్టపడిన వారిని మరిచిపోయారు. ఇతర పార్టీల నుంచి వచ్చిన రౌడీమూకలను అందలం ఎక్కించారు. ఇంతటి నమ్మక ద్రోహం చూడలేదు. తగిన మూల్యం చెల్లించుకోక తప్పద’ని ఎమ్మెల్యే సమక్షంలోనే హెచ్చరించారు. దీనికి సుధాకర్ స్పందిస్తూ రానున్న ఎన్నికల్లో పోటీ చేయనని తెలిపారు. గ్రామస్థుడు బోయ శివ మాట్లాడుతూ ‘గ్రామంలో కక్షపూరిత రాజకీయాలు పెరిగాయి. తెదేపా శ్రేణులపై దాడులు చేస్తున్నారు. వీటిపై ఫిర్యాదు చేసినా చర్యల్లేవు. మీ ఆదేశాలతో చేస్తున్న బెదిరింపులకు మేం భయపడం’ అని స్పష్టంచేశారు. ఈ సమయంలో వీడియో తీస్తున్న వ్యక్తుల సెల్ఫోన్లను పోలీసులు లాక్కొని, వాటిలోని ఫొటోలు, వీడియోలు తొలగించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్