YSRCP: ఫ్యాను గుర్తుకు ఓటెయ్యకపోతే పింఛన్లు ఆగిపోతాయి: వైకాపా ఎమ్మెల్యే

అన్నవరం, న్యూస్‌టుడే: ‘‘ఎన్నికలు వచ్చినప్పుడు ఫ్యాను గుర్తుకు ఓటెయ్యాలి.. వెయ్యకపోతే పింఛన్లు ఆగిపోతాయ’’ని కాకినాడ జిల్లా ప్రత్తిపాడు నియోజకవర్గ వైకాపా ఇన్‌ఛార్జి, శాసనసభ్యుడు పర్వత పూర్ణచంద్రప్రసాద్‌ వ్యాఖ్యానించారు. ఈ వ్యాఖ్యల వీడియో సామాజిక మాధ్యమాల్లో వైరల్‌ అయ్యింది. అన్నవరంలో ‘గడప గడపకు మన ప్రభుత్వం’ లో ఆయన గురువారం పాల్గొన్నారు. పలువురి ఇళ్లకు వెళ్లి వారికి ప్రభుత్వం అందించిన లబ్ధిని వివరించారు. ఈ సందర్భంగా మహిళలతో మాట్లాడుతూ పైవిధంగా వ్యాఖ్యానించారు. మీకు ఇళ్ల స్థలాలు, పింఛన్లు వంటివన్నీ జగన్‌ ప్రభుత్వంలో వైఎస్‌ఆర్‌ పార్టీ ఇచ్చిందన్నారు.