Ambati: పోలవరం ఎప్పుడు పూర్తి చేస్తామో ఇప్పుడే చెప్పలేం: అంబటి

విజయవాడ: పోలవరం ఎప్పుడు పూర్తి చేస్తామో ఇప్పుడే చెప్పలేమని ఏపీ జలవనరుల శాఖ మంత్రి అంబటి రాంబాబు (Ambati Rambabu) వ్యాఖ్యానించారు. విజయవాడలో మీడియాతో ఆయన మాట్లాడారు. ప్రాజెక్టును త్వరగా పూర్తి చేస్తామని మాత్రం చెప్పగలమన్నారు. 

‘‘విభజన చట్టంలో పోలవరాన్ని తామే కడతామని కేంద్ర ప్రభుత్వం చెబితే.. ఎందుకు మేమే కడతామని తీసుకున్నారు? 2019 నాటికి పోలవరం 48.39 శాతం మాత్రమే పూర్తైంది. నాకు ప్రాజెక్టుల గురించి తెలియదు కానీ, తెలుసుకునే ప్రయత్నం చేస్తున్నా. 41.15 శాతం అనేది ప్రాజెక్టులో మొదటి దశ, మిగితాది తదుపరి దశ. ప్రస్తుతం మొదటి దశకు మాత్రమే కేంద్రం నిధులు మంజూరు చేసింది. అర్ అండ్ అర్, భూ సేకరణ అంతా కేంద్రం భరించాల్సిందే. ప్రాజెక్టులో క్రిటికల్ పనులన్నీ వైకాపా ప్రభుత్వం చేసినవే. దెబ్బతిన్న డయాఫ్రం వాల్‌ స్థానంలో కొత్తది కట్టాల్సిందే’’ అని అంబటి అన్నారు.