Ranjith Reddy: భారాసకు చేవెళ్ల ఎంపీ రంజిత్‌రెడ్డి రాజీనామా

హైదరాబాద్: భారాసకు మరో షాక్‌ తగిలింది. ఆ పార్టీకి చేవెళ్ల ఎంపీ రంజిత్‌రెడ్డి రాజీనామా చేశారు. త్వరలో ఆయన కాంగ్రెస్‌లో చేరనున్నారు. ప్రస్తుత రాజకీయ పరిణామాల దృష్ట్యా భారాసకు రాజీనామా చేసినట్లు చెప్పారు. ‘‘చేవెళ్ల ప్రజలకు సేవ చేసే అవకాశాలు ఇచ్చిన కేసీఆర్‌, కేటీఆర్‌కు ధన్యవాదాలు. నా రాజీనామా ఆమోదించాలని విజ్ఞప్తి చేస్తున్నా. భారాసలో సహకరించిన ప్రతి ఒక్కరికీ కృతజ్ఞతలు’ అని రంజిత్‌రెడ్డి తెలిపారు.

లోక్‌సభ ఎన్నికల ముందు ముఖ్యనేతలు భారాసను వీడుతుండటం ఆ పార్టీని కలవరానికి గురిచేస్తోంది. ఇటీవల జహీరాబాద్‌ ఎంపీ బీబీ పాటిల్‌ రాజీనామా చేశారు. శనివారం ఆ పార్టీ నుంచి బయటకు వచ్చిన వర్ధన్నపేట మాజీ ఎమ్మెల్యే అరూరి రమేశ్.. ఆదివారం భాజపాలో చేరారు. వీరితో పాటు మరికొంత మంది గులాబీ పార్టీని వీడారు.