AP News: పోలీసులపై గోరంట్ల బుచ్చయ్య చౌదరి తీవ్ర ఆగ్రహం

ఏలూరు: తెదేపా సీనియర్‌ నేత, రాజమహేంద్రవరం రూరల్‌ ఎమ్మెల్యే గోరంట్ల బుచ్చయ్య చౌదరిని పోలీసులు అడ్డుకున్నారు. తన వాహనంలో రాజమహేంద్రవరం నుంచి అమరావతి వెళ్తుండగా ఏలూరు సమీపంలో ఆపేయడంతో పోలీసులపై ఆయన తీవ్ర ఆగ్రహం వ్యక్తం చేశారు. శాంతిభద్రతల సమస్య ఉందని పోలీసులు చెప్పినా బుచ్చయ్య చౌదరి వినిపించుకోలేదు. అమరావతి సచివాలయంలో పనుల నిమిత్తం వెళ్తున్న తనను ఎందుకు అడ్డుకుంటున్నారని ప్రశ్నించారు. ప్రజాప్రతినిధిగా అక్కడికి వెళ్లే హక్కు తనకు ఉందని.. అడ్డుకునేందుకు మీరెవరని పోలీసులను ఆయన నిలదీశారు. దమ్ముంటే తనను అరెస్ట్‌ చేసుకోవాలని.. ఇక్కడే కూర్చొంటానన్నారు.