Somireddy: ప్రజల ఆస్తులను కాజేసే పరిస్థితికి వైకాపా నేతలు దిగజారిపోయారు

నెల్లూరు: వైకాపా నేతల ధనదాహానికి వ్యవస్థలు కూలుతున్నాయని తెదేపా సీనియర్‌ నేత సోమిరెడ్డి ఆరోపించారు. సర్వేపల్లిలో ప్రభుత్వ భూమి మాయం అవుతోందన్నారు. ఇదంతా ఎమ్మెల్యే, అధికారులకు తెలియకుండానే జరుగుతుందా? అని ప్రశ్నించారు. ప్రభుత్వ భూమి, ప్రజల ఆస్తులను కాజేసే పరిస్థితికి వైకాపా నేతలు దిగజారిపోయారని ఆక్షేపించారు. చిల్లకూరులో 250 ఎకరాల ప్రభుత్వ భూమి ధారదత్తం చేశారని ధ్వజమెత్తారు. నెల్లూరు కాకుటూరులో రూ.60 కోట్ల విలువైన భూమి ఎలా మాయమైందని ప్రశ్నించారు. వీటిపై ఆగస్టు 4న ఫిర్యాదు చేసినా ఇప్పటికీ కేసు నమోదు కాలేదన్నారు. తహసీల్దార్‌ ఫిర్యాదు చేసినా ఎందుకు కేసు పెట్టలేదని ప్రశ్నించారు.