సురభి రజత గురి

తిరువనంతపురం: కుమార్‌ సురేంద్ర సింగ్‌ స్మారక జాతీయ స్థాయి షూటింగ్‌ ఛాంపియన్‌షిప్స్‌లో తెలంగాణ షూటర్‌ సురభి భరద్వాజ్‌ మెరిసింది. మహిళల 50 మీటర్ల రైఫిల్‌ ప్రోన్‌ విభాగంలో ఆమె రజతం సొంతం చేసుకుంది. 622.7 స్కోరుతో ఆమె రెండో స్థానాన్ని దక్కించుకుంది. ప్రియ (ఏఆర్‌ఎమ్‌యు) 624.5 స్కోరుతో పసిడి గెలుచుకుంది. మీనా కుమారి (హరియాణా- 621.7) కాంస్యం ఖాతాలో వేసుకుంది.

దీప్తికి మరో రజతం

విషి (ఫ్రాన్స్‌): ఫ్రాన్స్‌లో జరుగుతున్న వర్చుస్‌ గ్లోబల్‌ గేమ్స్‌లో తెలంగాణ అథ్లెట్‌ జీవంజి దీప్తి మరో రజతాన్ని కైవసం చేసుకుంది. ఇప్పటికే మహిళల 400 మీటర్ల (టీ20) పరుగులో వెండి పతకం గెలిచిన ఆమె.. శుక్రవారం 200 మీటర్ల పరుగులోనూ అదే ప్రదర్శన పునరావృతం చేసింది. 25.27 సెకన్లలో రేసు ముగించిన దీప్తి రెండో స్థానాన్ని దక్కించుకుంది. షులియర్‌ (ఉక్రెయిన్‌- 25.17సె), ఫెలిక్స్‌ బార్బోసా (బ్రెజిల్‌- 26.43సె) వరుసగా స్వర్ణ, కాంస్య పతకాలు నెగ్గారు.