Rishabh Pant: కాలు పోగొట్టుకుంటానని భయపడ్డా: పంత్‌

దిల్లీ: కారు ప్రమాదం జరిగిన తర్వాత కాలు పోగొట్టుకుంటానేమోనని అని భయపడినట్లు  స్టార్‌ బ్యాటర్‌ రిషబ్‌ పంత్‌ వెల్లడించాడు. ‘‘కారు ప్రమాదానికి   గురై ఆసుపత్రిలో చేరిన తర్వాత నరాలు దెబ్బ తిన్నాయేమో అనుకున్నా. అదే జరిగితే కాలు తొలగించే అవకాశం ఉంటుంది. ఈ విషయం తలుచుకుంటే భయం వేసింది. ప్రమాదం తర్వాత కొందరు వచ్చి సాయం చేశారు. బాగా గాయాలైన విషయం గుర్తుంది. నా కాలు సరి చేయమని అక్కడ ఉన్న ఒకతన్ని అడిగాను. నా ఎస్‌యూవీ నుంచి వేరే కారుకు మార్చినట్టు మాత్రమే జ్ఞాపకముంది’’ అని పంత్‌ తెలిపాడు. పంత్‌ ప్రయాణిస్తున్న కారు ఘోర రోడ్డు ప్రమాదానికి గురైన తర్వాత సమీపంలో ఉన్న రజత్‌ కుమార్‌, నిషు కుమార్‌ అతడిని ఎస్‌యూవీలోంచి బయటకు లాగారు. ఆ తర్వాత ఆ వాహనం మంటలకు ఆహుతైంది.