పాక్‌తో పోరులో తీవ్ర ఒత్తిడి: భువి

కొలంబో: పాకిస్థాన్‌తో ఎప్పుడు మ్యాచ్‌ జరిగినా తీవ్రమైన ఒత్తిడి ఉంటుందని టీమ్‌ఇండియా పేసర్‌ భువనేశ్వర్‌ కుమార్‌ అన్నాడు. టీ20 ప్రపంచకప్‌కు చాలా సమయం ఉందని.. మెగా టోర్నీ గురించి ఇప్పుడు ఆలోచించట్లేదని తెలిపాడు. ‘‘పాక్‌తో తలపడటం ఎల్లప్పుడూ ఉత్తేజకరమే. అత్యంత తీవ్రతతో జరిగే ఆ మ్యాచ్‌లో తీవ్రమైన ఒత్తిడి ఉంటుంది. అయితే ఆ మ్యాచ్‌ గురించి మేం ఆలోచించట్లేదు. టీ20 ప్రపంచకప్‌కు ముందు చాలా క్రికెట్‌ ఉంది. శ్రీలంకలో సిరీస్‌, ఇంగ్లాండ్‌లో టెస్టు మ్యాచ్‌లు, ఐపీఎల్‌ తర్వాతే ప్రపంచకప్‌. ఐపీఎల్‌ ముగియగానే ప్రపంచకప్‌ గురించి ఆలోచిస్తాం’’ అని భువి చెప్పాడు.