IPL 2022: ఐపీఎల్‌ మెగా టోర్నీలో 55 మ్యాచ్‌లు ముంబయిలోనే!

ముంబయి: ఐపీఎల్‌ 2022 మెగా వేలం పూర్తయిన నేపథ్యంలో ఇప్పుడు అందరి దృష్టీ ఆ టోర్నీపైనే నెలకొంది. బీసీసీఐ ఇంకా అధికారికంగా టోర్నమెంట్‌ షెడ్యూలు విడుదల చేయనప్పటికీ లీగ్‌ మ్యాచ్‌లకు ముంబయి, పుణేలు వేదికలుగా ఖరారైనట్లు తెలుస్తోంది. ముంబయిలోని వాంఖడే స్టేడియం, బ్రబోర్న్‌ స్టేడియం, డీవై పాటిల్‌ స్టేడియాల్లో మొత్తం 55 మ్యాచ్‌లు.. పుణేలోని ఎంసీఏ ఇంటర్నేషనల్‌ స్టేడియంలో 15 మ్యాచ్‌లు నిర్వహించనున్నట్లు సమాచారం. మార్చి 26న టోర్నీ మొదలయ్యే అవకాశముంది. మే 29న జరిగే ఫైనల్‌తో టోర్నీ ముగుస్తుంది. ప్లేఆఫ్స్‌ వేదికలు ఇంకా ఖరారు కాలేదు. షెడ్యూలుపై గురువారం జరిగే ఐపీఎల్‌ పాలకవర్గ సమావేశంలో తుది నిర్ణయం తీసుకునే అవకాశముంది. రెండు కొత్త ఫ్రాంఛైజీల చేరికతో ఐపీఎల్‌ జట్ల సంఖ్య పదికి పెరిగిన సంగతి తెలిసిందే.