రోహిత్‌ తాపీగా ఉంటాడు

కోల్‌కతా: రోహిత్‌ శర్మ కాస్త తాపీగా ఉండే కెప్టెనని బీసీసీఐ అధ్యక్షుడు సౌరభ్‌ గంగూలీ అన్నాడు. ‘‘రోహిత్‌ కెప్టెన్‌గా కాస్త తాపీగా ఉంటాడు. ఏ సమయంలోనైనా ప్రశాంతంగా, జాగ్రత్తగా వ్యవహరిస్తాడు. ఎప్పుడూ ప్రత్యర్థుల ముఖాల్లోకి చూస్తూ దూకుడుగా ఉండడు. గత కొన్నేళ్లలో టీమ్‌ఇండియాకు గొప్ప కెప్టెన్లు వచ్చారు. సంధి కాలంలో జట్టును ధోని అద్భుతంగా నడిపించాడు. భారత జట్టుకే కాదు.. తన ఫ్రాంఛైజీకీ అతడు అసాధారణ విజయాలు అందించాడు. విరాట్‌ కోహ్లికి కూడా కెప్టెన్‌గా అద్భుత రికార్డు ఉంది. అతడు భిన్నమైన కెప్టెన్‌. ప్రతి ఒక్కరికీ భిన్నమైన శైలి ఉంటుంది. అంతిమంగా ఎన్ని విజయాలు సాధించారన్నదే ముఖ్యం’’ అని గంగూలీ అన్నాడు.