ఫైనల్లో ఉన్నతి

దిల్లీ: ఆసియా బ్యాడ్మింటన్‌ ఛాంపియన్‌షిప్‌లో మహిళల అండర్‌-17 విభాగంలో ఉన్నతి హుడా ఫైనల్‌కు దూసుకెళ్లింది. సెమీస్‌లో ఆమె 21-8, 21-17తో యొకోచి (జపాన్‌)పై నెగ్గి ఆదివారం సరున్‌రాక్‌ (థాయ్‌లాండ్‌)తో టైటిల్‌ పోరుకు సిద్ధమైంది. ఈ విభాగం సింగిల్స్‌లో ఫైనల్‌ చేరిన భారత తొలి మహిళా షట్లర్‌ ఉన్నతినే. అండర్‌-17 విభాగంలో పురుషుల డబుల్స్‌లో ఇంతకుముందు అర్జున్‌-చిరాగ్‌ శెట్టి (2013), కృష్ణ ప్రసాద్‌-సాత్విక్‌ సాయిరాజ్‌ స్వర్ణ పతకాలు సొంతం చేసుకున్నారు. అండర్‌-15 సింగిల్స్‌లో అనీష్‌ తుదిపోరులో అడుగుపెట్టాడు. సెమీస్‌లో అతడు 18-21, 21-12, 21-12తో లీయూ-జుయ్‌ (చైనీస్‌ తైపీ)ను ఓడించాడు. జ్ఞాన దత్తు 16-21, 21-19, 13-21తో లీయూ చేతిలో ఓడిపోయాడు. అండర్‌-17 బాలుర డబుల్స్‌ సెమీస్‌లో అర్ష్‌-సంస్కార్‌ 21-15, 21-19తో చిరుయ్‌-సివో హువా (చైనీస్‌ తైపీ)పై నెగ్గగా.. అండర్‌-15 బాలుర డబుల్స్‌ సెమీస్‌లో ఓడిన జైసన్‌-అతీష్‌ కాంస్యంతో సరిపెట్టుకున్నారు.