భేషైన పీసీ యాప్స్
కొత్త పీసీని కొన్నప్పుడు.. విండోస్ను రీఇన్స్టాల్ చేసినప్పుడు అందరూ ముందుగా చేసే పని యాప్స్ను ఇన్స్టాల్ చేయటం. అద్భుతమైన విండోస్ పోగ్రామ్లు చాలానే ఉన్నాయి.
కొత్త పీసీని కొన్నప్పుడు.. విండోస్ను రీఇన్స్టాల్ చేసినప్పుడు అందరూ ముందుగా చేసే పని యాప్స్ను ఇన్స్టాల్ చేయటం. అద్భుతమైన విండోస్ పోగ్రామ్లు చాలానే ఉన్నాయి. వీటిల్లో విండోస్ 10, విండోస్ 11కు తప్పనిసరి సాఫ్ట్వేర్లు ఏంటనేవి తెలుసుకొని ఉండటం మంచిది. ఇంటర్నెట్ బ్రౌజింగ్ కోసం గూగుల్ క్రోమ్, క్లౌడ్ స్టోరేజీ కోసం గూగుల్ డ్రైవ్ వంటి వాటి గురించి ప్రత్యేకించి చెప్పాల్సిన పనిలేదు. వీటితో పాటు మన రోజువారీ అవసరాలకు ఉపయోగపడే మరికొన్ని యాప్స్ గురించి తెలుసుకుందాం.
ఆఫీస్ సూట్: లీబ్రాఫీస్
డాక్యుమెంట్లు, స్ప్రెడ్షీట్లు, ప్రజెంటేషన్ల వంటివి అనగానే ముందుగా గుర్తుచ్చేది మైక్రోసాఫ్ట్ ఆఫీస్. దీన్ని డబ్బులు చెల్లించి కొనుక్కోవాల్సిందే. మరి ఉచితంగా ఆఫీస్ సూట్ను వాడుకోవాలంటే? లీబ్రాఫీస్ చక్కని మార్గం. ఇది పూర్తిగా ఉచితం. మైక్రోసాఫ్ట్ వర్డ్, ఎక్సెల్, పవర్పాయింట్, యాక్సెస్ వంటి వాటికి మంచి ప్రత్యామ్నాయం. చూడటానికి ఎంఎస్ ఆఫీస్ కన్నా కాస్త భిన్నంగా ఉండొచ్చు గానీ త్వరగానే అలవడుతుంది. ఒకప్పుడు ఎంఎస్ ఆఫీస్కు ఓపెన్ ఆఫీస్ ప్రత్యామ్నాయంగా బాగా ఆదరణ పొందింది. ప్రస్తుతం దీన్ని పెద్దగా వాడటం లేదు. ఒకవేళ లీబ్రాఫీస్ వద్దనుకుంటే ఫ్రీఆఫీస్ను ప్రయత్నించొచ్చు. వర్డ్ ఆన్లైన్, గూగుల్ డాక్స్లనూ వాడుకోవచ్చు.
ఇమేజ్ ఎడిటర్: పెయింట్.నెట్
ఫొటోలను ఆకర్షణీయంగా కనిపించేలా చేయటానికి, సున్నితమైన అంశాలను మసకగా చేయటానికి, పాత ఫొటోలను కొత్తగా తీర్చిదిద్దటానికి ఇమేజ్ ఎడిటింగ్ ప్రోగ్రామ్ను ఇన్స్టాల్ చేసుకోవటం తప్పనిసరి. ఇలాంటి పనులకు ఫొటోషాప్నే ప్రామాణికంగా పరిగణిస్తుంటారు. కానీ ఉచిత టూల్స్ చాలానే అందుబాటులో ఉన్నాయి. వీటిల్లో పెయింట్.నెట్ ఒకటి. మైక్రోసాఫ్ట్ పెయింట్ కన్నా ఇది మెరుగైంది. వాడుకోవటమూ తేలికే. ఫొటోలోని భాగాలను ఇట్టే బ్లర్ చేసుకోవచ్చు. ఆటో-లెవెల్ ఫీచర్తో ఫొటోలను మరింత ఆకర్షణీయంగా మలచుకోవచ్చు. టెక్స్ట్, ఆకారాలను జోడించుకోవచ్చు. ప్లగిన్స్తో ఇంకాస్త ఎక్కువ ఫీచర్లను వాడుకోవచ్చు. పెయింట్.నెట్ మరీ ప్రాథమిక స్థాయిలో ఉందనిపిస్తే జీఐఎంపీని ప్రయత్నించొచ్చు. ఇదింకాస్త అధునాతమైంది. ఇదీ ఉచితంగానే అందుబాటులో ఉంటుంది.
స్క్రీన్షాట్స్: షేర్ఎక్స్
విండోస్ మీద స్క్రీన్షాట్ తీసుకోవటం చాలావాటికి ఉపయోగపడుతుంది. ఇందుకోసం స్నిప్పింగ్ టూల్, స్నిప్ అండ్ స్కెచ్ యాప్స్ ఉన్నాయి గానీ వీటిల్లో ఫీచర్లు తక్కువ. అదే షేర్ఎక్స్లోనైతే బోలెడన్ని క్యాప్చర్ పద్ధతులు ఉంటాయి. దీనిలోని బిల్టిన్ ఎడిటర్ ఫీచర్ స్క్రీన్షాట్ తీసుకున్నాక దానంతటదే మెరుగులు దిద్దుతుంది. కలర్ గ్రాబర్, రూలర్ వంటి ఫీచర్లనూ వాడుకోవచ్చు. ఒకవేళ షేర్ఎక్స్ వద్దనుకుంటే పిక్పిక్ యాప్ను ప్రయత్నించొచ్చు. చూడటానికి మామూలుగా కనిపించినా ఫీచర్ల విషయంలో రాజీ పడదు.
మెసేజింగ్: రాంబాక్స్
వాట్సప్, ఫేస్బుక్, మెసెంజర్, స్కైప్, టెలిగ్రామ్, గ్రూప్మీ, డిస్కార్డ్.. ఇలా చెప్పుకొంటూ పోతే ఎన్నో మెసేజింగ్ యాప్లు. ఎన్నెన్నో నోటిఫికేషన్లు. అన్నీ చూడాలంటే ఒకో యాప్ తెరచుకుంటూ పోవాల్సిందే. మరి అన్నీ ఒకేచోట ఉంటే? రాంబాక్స్ అలాంటి అవకాశమే కల్పిస్తుంది. విండోలో అన్నింటినీ ఒకే చోట గుదిగుచ్చి ట్యాబ్ల వారీగా చూపిస్తుంది.
సెక్యూరిటీ: మాల్వేర్బైట్స్ యాంటీ-మాల్వేర్
విండోస్ 10, విండోస్ 11లలో డిఫాల్ట్గానే విండోస్ డిఫెండర్ ఉంటుంది. ఇది యాంటీవైరస్గా బాగా ఉపయోగపడుతుంది. అయితే దీనికి అదనంగా మరో సెక్యూరిటీ ప్రోగ్రామ్ను ఇన్స్టాల్ చేసుకోవటం ఎంతైనా మంచిది. ఈ విషయంలో మాల్వేర్బైట్స్ మంచి ఎంపిక. యాంటీ వైరస్ ప్రోగ్రామ్ పట్టుకోలేని మాల్వేర్లను దీని ఉచిత వర్షన్తోనే స్కాన్ చేసుకోవచ్చు. మరిన్ని ఫీచర్లు కావాలనుకుంటే ప్రీమియం వర్షన్కు అప్డేట్ కావొచ్చు.
మీడియా ప్లేయర్: వీఎల్సీ
యూట్యూబ్ విస్తృతితో ఇప్పుడు పీసీల్లో వీడియోలను చూడటానికి ఎవరూ పెద్దగా ఆసక్తి చూపటం లేదు. కానీ డెస్క్టాప్లో మంచి వీడియో ప్లేయర్ను ఇన్స్టాల్ చేసుకుంటే ఎప్పటికైనా ఉపయోగపడుతుంది. పీసీలోని వీడియోలను చూడటానికిది తప్పనిసరి. చాలామంది కొత్త పీసీలో అప్పటికప్పుడు వీడియో ప్లేయర్ను ఇన్స్టాల్ చేసుకోవటానికి ఇష్టపడకపోవచ్చు గానీ ఏదో ఒకరోజు దీని అవసరం రావొచ్చు. ఇందుకోసం వీఎల్సీ మీడియా ప్లేయర్ మంచి ఎంపిక. బోలెడన్ని ఫీచర్లు దీని సొంతం. ఎలాంటి వీడియో, ఆడియో ఫైల్నైనా ప్లే చేస్తుంది.
పాస్వర్డ్ మేనేజర్: బిట్వార్డెన్
ప్రతీ ఖాతాకు కఠినమైన పాస్వర్డ్లను సృష్టించుకోవటం, వాటిని గుర్తుంచుకోవటం ఎవరికైనా అసాధ్యమే. ఇలాంటప్పుడే పాస్వర్డ్ మేనేజర్ అవసరం గుర్తుకొస్తుంది. ఇది సురక్షితం. పటిష్ట పాస్వర్డ్లను సృష్టిస్తుంది. ఒకే పాస్వర్డ్ కింద వాటిని లాక్ చేసేస్తుంది. ఈ ఒక్కదాన్ని గుర్తుంచుకుంటే చాలు. ఉచిత పాస్వర్డ్ మేనేజర్ కావాలంటే బిట్వార్డెన్ మంచి ఎంపిక. డెస్క్టాప్ యాప్తో పాటు బ్రౌజర్లో దీని ఎక్స్టెన్షన్ను ఇన్స్టాల్ చేసుకుంటే మరింత సులభంగా పాస్వర్డ్లను రక్షించుకోవచ్చు, వాడుకోవచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
స్క్రీన్ లాక్ అయినా జెమినీతో పనులు
గూగుల్ జెమినీ ఏఐ అసిస్టెంట్ను ఇప్పుడు లాక్ చేసిన ఆండ్రాయిడ్ ఫోన్ల మీదా వాడుకోవచ్చు. ఇష్టమైన ఆదేశాలు జారీచేయొచ్చు. అలారమ్స్ పెట్టుకోవటం, మ్యూజిక్ ప్లే చేయటం వంటి పనులెన్నో చేసుకోవచ్చు. -
ఐఫోన్లో కృత్రిమ గొంతు
యాపిల్ ఇటీవల పర్సనల్ వాయిస్ ఫీచర్ను పరిచయం చేసింది. మన గొంతు మాదిరిగానే అనిపించే కృత్రిమ గొంతుతో స్నేహితులు, కుటుంబసభ్యులతో మాట్లాడటానికి వీలు కల్పించటం దీని ప్రత్యేకత. -
కొత్తగా పోకో ఎం6 5జీ ఫోన్లు
మనదేశంలో కొత్త 4జీబీ ర్యామ్, 64జీబీ స్టోరేజీతో పోకో ఎం6 5జీ ఫోన్లు అందుబాటులోకి వచ్చాయి. మొదట్లో 4జీబీ ర్యామ్, 128 జీబీ స్టోరేజీ.. 6జీబీ ర్యామ్, 128 జీబీ స్టోరేజీ.. 8జీబీ ర్యామ్, 256 జీబీ స్టోరేజీతో వీటిని ప్రవేశపెట్టారు. -
త్వరలో నథింగ్ 2ఏ ప్లస్
ఈ సంవత్సరం ఆరంభంలో వచ్చిన నథింగ్ ఫోన్ 2ఏ కోవలో మరో కొత్త వేరియంట్ రాబోతోంది. నథింగ్ ఫోన్ 2ఏ ప్లస్ రూపంలో త్వరలోనే మార్కెట్లో అందుబాటులోకి వస్తోంది. -
ఐఫోన్ను కంటితోనే కదిలించండి
తాజా ఐఓఎస్ 18 బీటా యూజర్లకు కొత్తగా ‘ఐ ట్రాకింగ్’ సదుపాయం అందుబాటులోకి వచ్చింది. పేరుకు తగ్గట్టుగానే దీని సాయంతో కళ్లతోనే ఐఫోన్ను నియంత్రించొచ్చు. -
ఇంటికి కావాలో కెమెరా..
గ్రామాలు, పట్టణాలు, నగరాలనే తేడా లేకుండా భద్రత కోసం సీసీటీవీ కెమెరాల నిఘా తప్పనిసరైంది. వీటిల్లో తీగతో కూడినవి, తీగలు లేనివి.. రెండు రకాలున్నాయి. వీటికి బయటి నుంచి విద్యుత్తు సరఫరా తప్పనిసరి. -
యాపిల్ ఇంటెలిజెన్స్ వచ్చేంతవరకూ ఆగాలా?
ఇంటెలిజెన్స్ అనే సొంత ఏఐ పరిజ్ఞానాన్ని తీసుకొస్తున్నట్టు యాపిల్ సంస్థ ఇటీవల ప్రకటించిన సంగతి తెలిసిందే. అయితే ఇది అందుబాటులోకి రావటానికి ఇంకా చాలా నెలలు వేచి చూడాల్సిందే. -
ఐఫోన్ మాయలు
వచ్చే ఐఓఎస్ 18, ఐప్యాడ్ఓఎస్ 18, మ్యాక్ఓఎస్ సుకోయాతో బోలెడన్ని కొత్త ఫీచర్లు రానున్నట్టు యాపిల్ సంస్థ వార్షిక డెవలపర్ సమావేశంలో (డబ్ల్యూడబ్ల్యూడీసీ) ప్రకటించారు. -
పీసీ జోష్
డెస్క్టాప్, ల్యాప్టాప్ వంటి పీసీలతో గొప్ప ప్రయోజనం బోలెడన్ని అప్లికేషన్లు అందుబాటులో ఉండటం. గేమింగ్, గ్రాఫిక్ డిజైన్, వీడియో ఎడిటింగ్, వ్యాపార అవసరాలు.. ఇలా ఎలాంటి పనులకైనా సాయం చేయటానికి సిద్ధంగా ఉంటాయి. -
ఆనాటి పాత ఫోన్లే ముద్దు
ఇప్పుడు ఎవరిచేతిలో చూసినా అధునాతన టెక్ పరికరాలే కనిపిస్తున్నాయి కదా. అయితే స్మార్ట్ఫోన్లు అధికంగా వాడటం మానసిక సమస్యలు పెరగటానికి కారణమవుతోందని వరల్డ్ ఎకనమిక్ ఫోరమ్ తాజా నివేదిక పేర్కొంటోంది. -
ఫోన్ టైపింగ్ వేగంగా
కీబోర్డుల్లో మైక్రోసాఫ్ట్ స్విఫ్ట్కీ ప్రత్యేకతే వేరు. ఉచితంగా లభించే దీన్ని ఆండ్రాయిడ్, ఐఓఎస్ పరికరాలు రెండింటిలోనూ వాడుకోవచ్చు. వేగంగా టైప్ చేయటానికి తోడ్పడే కృత్రిమ మేధ (ఏఐ) సపోర్టుతో కూడిన ఇందులో ఫీచర్లూ చాలానే ఉన్నాయి. -
జీబోర్డు మాయ
ఆండ్రాయిడ్ ఫోన్లయినా, ఐఓఎస్ ఫోన్లయినా ఎక్కువమంది గూగుల్ కీబోర్డు వాడుతుంటారు. తేలికగా టైప్ చేయటానికి, ఇతరత్రా అవసరాలకు వన్ హ్యాండెడ్ మోడ్ దగ్గరి నుంచి ప్రత్యేక ఎమోజీలు పంపటం వరకూ ఇందులో బోలెడన్ని ఫీచర్లున్నాయి. వీటిని ఎలా ఉపయోగించుకోవాలో చూద్దాం. -
ఐఫోన్లో సొంత రింగ్టోన్
ఐఫోన్లో హోం స్క్రీన్ మీద వాల్పేపర్ మార్చుకోవటం, లాక్ స్క్రీన్, విడ్జెట్స్ జత చేయటం వంటివి తప్పితే ఫీచర్లను ఇష్టమైనట్టుగా మార్చుకునే అవకాశం తక్కువ. షార్ట్కట్స్ యాప్తో ఐకన్లను మార్చుకోవచ్చు గానీ అదో పెద్ద ప్రయాస. అయితే ఇష్టమైన రింగ్టోన్ను పెట్టుకునే అవకాశముంది. -
ఐఫోన్తో సొంత డొమైన్
సొంత డొమైన్ కొనుక్కోవాలని అనుకుంటున్నారా? ఫోన్ ద్వారానే కొనుక్కోవచ్చు. చేతిలో ఐఫోన్, ఐక్లౌడ్ సబ్స్క్రిప్షన్ ఉంటే చాలు. సొంత డొమైన్ పొందొచ్చు. -
వావ్.. మైక్రోసాఫ్ట్ డిజైనర్
కృత్రిమ మేధ (ఏఐ) సాయంతో ఫొటోలు, బొమ్మలు చిత్రించాలని అనుకుంటున్నారా? అయితే మైక్రోసాఫ్ట్ డిజైనర్(https://designer.microsoft.com/) టూల్ను ప్రయత్నించి చూడండి. -
పీసీ వేగంగా స్టార్ట్
కొత్త విండోస్ పీసీ కొద్ది సెకండ్లలోనే బూటప్ అవుతుంది. కానీ క్రమంగా నెమ్మదిస్తూ వస్తుంది. మరి పీసీ త్వరగా స్టార్టయ్యేలా చేయాలంటే? ఇందుకు కొన్ని ట్రిక్కులు లేకపోలేదు. -
స్మార్ట్ఫోనే రిమోట్
టెలివిజన్లలో ఇప్పుడు స్మార్ట్ టీవీల హవా నడుస్తోంది. టీవీ కార్యక్రమాలే కాకుండా ఓటీటీలు, యూట్యూబ్, అంతర్జాల వీక్షణ వంటి వాటికివి ఎంతగానో ఉపయోగపడుతున్నాయి. -
పీసీ షట్డౌన్ తేలికగా..
కంప్యూటర్ను షట్డౌన్ చేయటం పెద్ద పనేమీ కాదు. కానీ కొన్నిసార్లు చాలా త్వరగా షట్డౌన్ చేయాల్సి రావొచ్చు. అప్పుడు కీబోర్డు మీటలు కలిపి నొక్కే పద్ధతులు బాగా ఉపయోగపడతాయి. అలాంటి కొన్ని చిట్కాలు చూద్దాం. -
వెబ్క్యామే స్కానర్
డెస్క్టాప్ ఉంది గానీ స్కానర్ లేదా? పోనీ వెబ్క్యామ్ అయినా ఉందా? అయితే దీన్నే స్కానర్లా వాడుకుంటే సరి. మ్యాక్లోనైతే- ఫొటో బూత్ను ఓపెన్ చేసి, డాక్యుమెంట్ను వెబ్క్యామ్ ముందుకు తీసుకురావాలి. -
ఐఓఎస్ 17.5 పబ్లిక్ బీటా వచ్చింది
ఐఓఎస్ 17.5 పబ్లిక్ బీటా అందుబాటులోకి వచ్చింది. అంటే డెవలపర్ అకౌంట్ లేకపోయినా తాజా ఫీచర్లు, అప్డేట్లను ఎవరైనా ప్రయత్నించొచ్చన్నమాట. ఐఓఎస్ 17.5 స్టేబుల్ వర్షన్ ఇప్పుడప్పుడే వచ్చే అవకాశం కనిపించటం లేదు. -
బహుబలి కెమెరా
అమెరికాలోని ఎస్ఎల్ఏసీ నేషనల్ యాక్సిలేటర్ లేబరేటరీ శాస్త్రవేత్తలు, ఇంజినీర్లు ప్రపంచంలోనే అత్యంత శక్తిమంత కెమెరాను రూపొందించారు.