ఒత్తిడి తరుముతోంది.. స్మార్ట్ హుషార్!
ఒత్తిడి.. ఒత్తిడి.. ఒత్తిడి! వయసుతో నిమిత్తం లేకుండా ఇప్పుడు అందరూ ఎదుర్కొంటున్న అతి పెద్ద సమస్య. ఉద్యోగం, పని, ఆర్థిక పరమైన అంశాల మూలంగా మనదేశంలో 89% మంది మానసిక ఒత్తిడితో సతమతమవుతున్నారని ఆ మధ్య సిగ్నల్ టీటీకే హెల్త్ కేర్ ఇన్సూరెన్స్ నిర్వహించిన అధ్యయనం పేర్కొంటోంది.
* ఏదో సమావేశానికి వెళ్తున్నారు. ‘మీరు తీవ్ర మానసిక ఒత్తిడిలో ఉన్నారు’ అని యాప్ సందేశం పంపింది.
* గడువు లోపు పూర్తి చేయటానికి ఏకధాటిగా పని చేస్తున్నారు. అంతలో ‘మీ మనసంతా ఒత్తిడిలో మునిగిపోయింది. కాసేపు విరామం తీసుకోండి’ అంటూ ఓ నోటిఫికేషన్!
ఆయా సందేశాలను చూడగానే ఒకింత విశ్రాంతి తీసుకున్నారు. యాప్ సూచించినట్టుగా ఐదు నిమిషాలు ధ్యానం చేశారు. తిరిగి మామూలు స్థితికి వచ్చారు.
* ఊహించుకోవటానికే విచిత్రంగా ఉంది కదా. శరీరానికి ధరించే పరికరాలు ఇలాంటి సేవలే అందిస్తున్నాయి. నిరంతరం ఒంట్లో జరిగే మార్పులను గమనిస్తూ.. అవసరమైనప్పుడు ఒత్తిడిని తగ్గించటానికి మెసేజ్లతో హెచ్చరిస్తున్నాయి. ఆరోగ్యాన్ని కాపాడుకోవటానికి దారి చూపిస్తున్నాయి. అందుకే వీటికి రోజురోజుకీ ఆదరణా పెరుగుతోంది.
ఒత్తిడి.. ఒత్తిడి.. ఒత్తిడి! వయసుతో నిమిత్తం లేకుండా ఇప్పుడు అందరూ ఎదుర్కొంటున్న అతి పెద్ద సమస్య. ఉద్యోగం, పని, ఆర్థిక పరమైన అంశాల మూలంగా మనదేశంలో 89% మంది మానసిక ఒత్తిడితో సతమతమవుతున్నారని ఆ మధ్య సిగ్నల్ టీటీకే హెల్త్ కేర్ ఇన్సూరెన్స్ నిర్వహించిన అధ్యయనం పేర్కొంటోంది. ఒత్తిడిని ఎదుర్కొంటున్నవారి ప్రపంచ సగటు (86%) కన్నా ఇది ఎక్కువ. ప్రతి ఎనిమిది మందిలో ఒకరు ఒత్తిడిని ఎదుర్కోలేక తీవ్ర ఇబ్బంది పడుతున్నారనీ సర్వే తేల్చి చెప్పింది. వీరిలో మిలీనియల్స్ సంఖ్యే ఎక్కువ. ఇదేమీ కొత్త విషయం కాదు. కార్పొరేట్ ప్రపంచం చాలాకాలంగా ఎదుర్కొంటున్నదే. ఒత్తిడి నుంచి బయటపడటానికి నవతరం శరీరానికి ధరించే వాచ్లు, బ్యాండులు, రింగుల వంటి స్మార్ట్ పరికరాల సాయం తీసుకోవటమే కొత్త విషయం.
ఒత్తిడిని ఎలా పసిగడతాయి?
శరీరానికి ధరించే పరికరాలు మన లోపల పుట్టుకొస్తున్న ఒత్తిడిని ఎలా పసిగడతాయి? చాలామందికి కలిగే సంధేహమిది. దాదాపు అన్ని స్మార్ట్వాచ్లు, బ్యాండులు, రింగులు గుండె వేగం మధ్య తారతమ్యాల (హెచ్ఆర్వీ) ఆధారంగా పనిచేస్తాయి. అంటే ఒకసారి గుండె కొట్టుకున్నాక మరోసారి కొట్టుకోవటానికి మధ్య ఎంత సేపు పడుతోందని లెక్కించటం. ఇవి మిల్లీసెకండ్ల వ్యవధిలోనూ తేడాలను పసిగడతాయి. హెచ్ఆర్వీ తక్కువగా ఉండటం ఒత్తిడి, నిస్సత్తువకు సూచిక. అయితే కొన్నిసార్లు స్మార్ట్వాచ్లు ఒత్తిడి, ఉత్సుకతల మధ్య తేడాను గుర్తించలేవు. ఎందుకంటే రెండూ నాడీ వ్యవస్థ ప్రతిస్పందనను ప్రేరేపిస్తాయి. ఉదాహరణకు- మనం కదలకపోయినా గుండె వేగంగా కొట్టుకుంటుండొచ్చు. దీన్ని స్మార్ట్వాచ్ ఒత్తిడి ఎక్కువగా ఉన్నట్టుగానే భావిస్తుంది. ఎలెక్ట్రోడెర్మల్ యాక్టివిటీ (ఈడీఏ) సెన్సర్లతో కూడిన పరికరాలూ అందుబాటులోకి వచ్చాయి. మనం ఒత్తిడిలో ఉన్నప్పుడు రక్తనాళాలు విప్పారతాయి. అప్పుడు చర్మం ఉష్ణోగ్రత స్వల్పంగా.. 0.1 నుంచి 0.2 డిగ్రీల సెంటీగ్రేడ్ పెరుగుతుంది. దీని ఆధారంగా నిరంతరం ఒత్తిడి తీరుతెన్నులను గుర్తిస్తాయి. బ్లూటూత్ ద్వారా స్మార్ట్ఫోన్ యాప్తో అనుసంధానమై సమాచారాన్ని నమోదు చేస్తాయి.
కొన్ని పరికరాలు ఇవీ
ఫిట్బిట్ సెన్స్
ఇది ఈడీఏ సెన్సర్లతో పాటు హెచ్ఆర్వీతోనూ ఒత్తిడి స్థాయులను లెక్కిస్తుంది. ఫిట్బిట్ యాప్లో రోజూ స్ట్రెస్ మేనేజ్మెంట్ స్కోరును తెలుసుకోవచ్చు. తీవ్రతను బట్టి 1 నుంచి 100 నంబర్లను కేటాయిస్తుంది. ఎంత పెద్ద నంబరైతే అంత తక్కువ ఒత్తిడి ఉన్నట్టు లెక్క. ఫిట్బిట్ ప్రీమియం చందాదారులైతే స్లీప్ ప్యాటర్న్ వంటి కొన్ని ప్రత్యేక ఫీచర్లనూ వాడుకోవచ్చు. ఇందులో ‘రిఫ్లెక్షన్స్’ ఫీచర్ మరో ఆకర్షణ. ఎలా ఫీల్ అవుతున్నామని తెలిపే సదుపాయం ఇది. ‘వెరీ కామ్’ దగ్గర్నుంచి ‘వెరీ స్ట్రెస్డ్’ వరకు భావోద్వేగాల తీరును తెలుపుతుంది.
సామ్సంగ్ గెలాక్సీ వాచ్ 4
సామ్సంగ్ ప్రస్తుతం కొత్త, వేగంగా పనిచేసే చిప్తో కూడిన వాచ్లను తీసుకొస్తోంది. వీటిల్లో వినూత్న బయోయాక్టివ్ సెన్సర్నూ జోడించింది. ఇది శరీర ఎత్తు బరువుల నిష్పత్తితో పాటు అమెరికా నేషనల్ స్లీప్ ఫౌండేషన్ మార్గదర్శకాల మేరకు గురక తీరును.. అలాగే ఒత్తిడి స్థాయులనూ పసిగడుతుంది.
గార్మిన్ ఇన్స్టింక్ట్ సోలార్ 2
ఇది బయట ఎక్కువగా గడిపే వారి కోసం రూపొందించింది. వేడి, కుదుపులను తట్టుకునేలా సైనిక ప్రమాణాలకు అనుగుణంగా దీన్ని తయారుచేశారు. దీనిలోని స్ట్రెస్ లెవల్ ఫీచర్ గుండె వేగం మధ్య తేడాల ఆధారంగా పనిచేస్తుంది. ఇది 0 నుంచి 100 నంబర్లతో ఒత్తిడి స్థాయులను తెలియజేస్తుంది. 0-25 అయితే విశ్రాంతి దశలో ఉన్నట్టు. అదే 76-100 మధ్యలో ఉంటే ఒత్తిడి చాలా ఎక్కువగా ఉందనే. ఒత్తిడి చాలా ఎక్కువగా పెరిగినప్పుడు ప్రాణాయామం వంటి శ్వాస వ్యాయామాలను చేయాలనీ సూచిస్తుంది.
యాపిల్ వాచ్ సిరీస్ 7
యాపిల్కు చెందిన మైండ్ఫుల్నెస్ యాప్ను చాలామంది అపార్థం చేసుకుంటుంటారు. ఇది తరచూ గాఢంగా శ్వాస తీసుకోవాలని ఎందుకు సూచిస్తుందని ఆశ్చర్య పోతుంటారు. దీనికి సమాధానం మైండ్ఫుల్నెస్ యాప్లోనే ఉంది. రోజూ కాసేపు ప్రశాంతంగా కూర్చొని శ్వాస తీసుకుంటున్న తీరును నిశితంగా, ఏకాగ్రతతో గమనించాలని చెప్పటమే దీని ఉద్దేశం. అవసరాన్ని బట్టి ప్రత్యేక ధ్యాన పద్ధతులనూ సూచిస్తుంది. ప్రశాంతగా శ్వాస మీద దృష్టి పెట్టినప్పుడు గుండె వేగాన్ని కూడా తెలియజేస్తుంది. దీన్ని బట్టి ధ్యానంతో లభించే ప్రయోజనమేంటో ఎవరికివారే అర్థం చేసుకోవచ్చు.
ధ్యాన స్మార్ట్ రింగ్
దీన్ని హైదరాబాద్కు చెందిన టెక్నాలజీ కంపెనీ అవంతరి తయారుచేసింది. హెచ్ఆర్వీని విశ్లేషిస్తూ ధ్యాన సెషన్స్ను నిర్ణయిస్తుంది. అధునాతన ఆల్గోరిథమ్ల సాయంతో శ్వాస, ఏకాగ్రత, విశ్రాంతి వంటి వాటిని గుర్తించి మనం ఎంత బాగా ధ్యానం చేస్తున్నామో కూడా తెలియజేస్తుంది. ఒత్తిడి, ఆందోళన, కుంగుబాటు లక్షణాలను నియంత్రించుకోవటానికి తోడ్పడుతుంది. ధ్యాన 2 రింగ్ అయితే రోజులో ఎప్పుడెప్పుడు ఎంత ఒత్తిడికి గురవుతున్నారో కూడా తెలియజేస్తుంది. ఆ వెంటనే యాప్ ద్వారా నోటిఫికేషన్లు పంపిస్తుంది. మన స్వయంచాలిత నాడీ వ్యవస్థ రెండు భాగాలుగా ఉంటుంది. ఒత్తిడితో ఉన్నప్పుడు సింపాథెటిక్ నాడీ వ్యవస్థ.. విశ్రాంతిగా ఉన్నప్పుడు పారాసింపాథెటిక్ నాడీ వ్యవస్థ ప్రేరేపితమవుతాయి. ప్రస్తుత ఉరుకుల పరుగుల జీవితంలో చాలామందిలో సింపాథెటిక్ నాడీవ్యవస్థ నిరంతరం ప్రేరేపితమై ఉంటోంది అందుకే పడుకున్నప్పుడూ ఒత్తిడిలో ఉన్నట్టు భావిస్తుంటాం. పారాసింపథెటిక్ నాడీవ్యవస్థలో వేగస్ నాడి చాలా కీలకం. ధ్యాన రింగులోని టెక్నాలజీ ఈ నాడి పనితీరును పసిగడుతుంది. ఇది చురుకుగా ఉంటే బాగా విశ్రాంతిగా ఉన్నట్టు. మందగిస్తే ఒత్తిడితో బాధపడుతున్నట్టు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పీసీ వేగంగా స్టార్ట్
కొత్త విండోస్ పీసీ కొద్ది సెకండ్లలోనే బూటప్ అవుతుంది. కానీ క్రమంగా నెమ్మదిస్తూ వస్తుంది. మరి పీసీ త్వరగా స్టార్టయ్యేలా చేయాలంటే? ఇందుకు కొన్ని ట్రిక్కులు లేకపోలేదు. -
స్మార్ట్ఫోనే రిమోట్
టెలివిజన్లలో ఇప్పుడు స్మార్ట్ టీవీల హవా నడుస్తోంది. టీవీ కార్యక్రమాలే కాకుండా ఓటీటీలు, యూట్యూబ్, అంతర్జాల వీక్షణ వంటి వాటికివి ఎంతగానో ఉపయోగపడుతున్నాయి. -
పీసీ షట్డౌన్ తేలికగా..
కంప్యూటర్ను షట్డౌన్ చేయటం పెద్ద పనేమీ కాదు. కానీ కొన్నిసార్లు చాలా త్వరగా షట్డౌన్ చేయాల్సి రావొచ్చు. అప్పుడు కీబోర్డు మీటలు కలిపి నొక్కే పద్ధతులు బాగా ఉపయోగపడతాయి. అలాంటి కొన్ని చిట్కాలు చూద్దాం. -
వెబ్క్యామే స్కానర్
డెస్క్టాప్ ఉంది గానీ స్కానర్ లేదా? పోనీ వెబ్క్యామ్ అయినా ఉందా? అయితే దీన్నే స్కానర్లా వాడుకుంటే సరి. మ్యాక్లోనైతే- ఫొటో బూత్ను ఓపెన్ చేసి, డాక్యుమెంట్ను వెబ్క్యామ్ ముందుకు తీసుకురావాలి. -
ఐఓఎస్ 17.5 పబ్లిక్ బీటా వచ్చింది
ఐఓఎస్ 17.5 పబ్లిక్ బీటా అందుబాటులోకి వచ్చింది. అంటే డెవలపర్ అకౌంట్ లేకపోయినా తాజా ఫీచర్లు, అప్డేట్లను ఎవరైనా ప్రయత్నించొచ్చన్నమాట. ఐఓఎస్ 17.5 స్టేబుల్ వర్షన్ ఇప్పుడప్పుడే వచ్చే అవకాశం కనిపించటం లేదు. -
బహుబలి కెమెరా
అమెరికాలోని ఎస్ఎల్ఏసీ నేషనల్ యాక్సిలేటర్ లేబరేటరీ శాస్త్రవేత్తలు, ఇంజినీర్లు ప్రపంచంలోనే అత్యంత శక్తిమంత కెమెరాను రూపొందించారు. -
పిక్సెల్ ఫోన్లలో లుకప్ ఫీచర్
గూగుల్ పిక్సెల్ ఫోన్ వాడేవారికి శుభవార్త. తెలియని నంబర్ల నుంచి కాల్ చేసే వారిని గుర్తించే లుకప్ ఫీచర్ అందుబాటులోకి రానుంది. దీన్ని ఇంతకుముందు జపాన్లో పరిచయం చేశారు గానీ ఇతర ప్రాంతాల్లో విడుదల చేయలేదు. -
మొబైల్ రోబో
వినూత్న ఫీచర్లతో కూడిన కొత్త టూల్స్తో టెక్నాలజీ రంగం శరవేగంగా విస్తరిస్తోంది. అలాంటి టూల్ ఒకటి ఇటీవలే విడుదలైంది. దీని పేరు ఎల్ఓఓఐ. ఇదో చిన్న డెస్క్టాప్ రోబో. -
మిమిక్రీ ఇంజిన్!
ప్రముఖ కృత్రిమ మేధ కంపెనీ ఓపెన్ఏఐ తాజాగా వాయిస్ అసిస్టెంట్ రంగంలోకి అడుగుపెట్టింది. ఇందులో భాగంగా వాయిస్ ఇంజిన్ అనే వినూత్న టూల్ను పరిచయం చేసింది. -
కొత్త సర్ఫేస్ ల్యాప్టాప్లు
వాణిజ్య అవసరాలను దృష్టిలో పెట్టుకొని మైక్రోసాఫ్ట్ సంస్థ ఏఐ ఆధారిత సర్ఫేస్ ప్రొ 10, సర్ఫేస్ ల్యాప్టాప్ 6 పరికరాలను పరిచయం చేసింది. ఇంటెల్ కోర్ అల్ట్రా ప్రాసెసర్తో కూడిన ఇవి విండోస్ 11 ప్రొ మీద పనిచేస్తాయి. 5జీ కనెక్టివిటీ కూడా ఉంటుంది. -
జంతువుల రంగుల లోకాన్ని చూపించే కెమెరా
జంతువులు, పక్షులు, తేనెటీగలకు ఈ ప్రపంచం ఏ విధంగా కనిపిస్తుంది? మనం చూసే రంగులు వాటికీ కనిపిస్తాయా? చాలామందికి ఇలాంటి సందేహం వచ్చే ఉంటుంది. -
ఉంగరమే న్యూట్రిషనిస్ట్
సామ్సంగ్ ఇటీవల గెలాక్సీ రింగ్ను పరిచయం చేసిన సంగతి తెలిసిందే. ఇది రోజూ తినే ఆహారం విషయంలోనూ సూచనలు ఇవ్వగలదని చెబుతున్నారు. యూజర్ల శరీర ఎత్తు బరువుల నిష్పత్తి (బీఎంఐ) ఆధారంగా ఎన్ని కేలరీల శక్తినిచ్చే ఆహారం తినాలో సూచిస్తుంది. -
రియల్మీ నుంచి నార్జో 70 ప్రొ 5జీ ఫోన్లు
రియల్మీ సంస్థ నార్జో 70 ప్రొ 5జీ ఫోన్ను పరిచయం చేసింది. ఎయిర్ జెశ్చర్స్ శ్రేణిలో ఇదే తొలి ఫోనని కంపెనీ పేర్కొంటోంది. -
ఐఫోన్ కిటుకులు
ఐఫోన్లో ఎన్నో ఫీచర్లు. తెలియనివి ఎన్నెన్నో. తెలిసినా చప్పున గుర్తుకు రాకపోవచ్చు కూడా. కొత్తగా కొన్నవారైనా, తాజా వర్షన్కు అప్డేట్ చేసుకున్నవారైనా, చాలాకాలం నుంచి వాడుతున్నవారైనా.. వీటి గురించి తెలుసుకుంటే చిటికెలో పనులు పూర్తిచేసుకోవచ్చు. -
ఫొటో కటౌట్ చిటికెలో
ఫొటోలో వెనక దృశ్యాలను తొలగించి, కటౌట్ చేయటం పెద్ద పని. అడోబ్ ఫొటోషాప్, ఏఐ టూల్స్ వంటి అధునాతన సాధనాలు అవసరం. -
సెల్ సర్వీసు మొరాయిస్తే?
ఎప్పుడైనా సెల్ఫోన్ సర్వీసు సరిగా పనిచేయకపోతే ఫోన్ను ఎయిర్ప్లేన్ మోడ్లో పెట్టి, కాసేపు వేచి చూడాలి. తర్వాత ఫోన్ను యథాస్థితికి తేవాలి. దీంతో ఫోన్ సమీపంలోని సెల్ టవర్తో కనెక్ట్ అవుతుంది -
పాస్వర్డ్ మేనేజర్ భద్రమేనా?
భద్రత, బ్యాకప్ టూల్స్గా పాస్వర్డ్ మేనేజర్స్ ఉపయోగపడతాయి. వీటితో పాస్వర్డ్లను గుర్తుపెట్టుకోవటం, ప్రతీసారీ పాస్వర్డ్ను టైప్ చేయటం తప్పుతాయి. కానీ చాలామంది వీటిని వాడుకోరు. హ్యాకర్లు పాస్వర్డ్లను దొంగిలించే ప్రమాదముందని భావించటం దీనికి ఒక కారణం. అందువల్ల ఇవి మంచివేనా? అనే అనుమానం కలుగుతుంటుంది. -
ఐఫోన్కు మరింత భద్రత
యాపిల్ సంస్థ ఐఓఎస్ 17.3 బీటాతో ఐఫోన్ల కోసం గొప్ప భద్రత ఫీచర్ను పరిచయం చేసింది. దీని పేరు స్టోలెన్ డివైస్ ప్రొటెక్షన్. పేరుకు తగ్గట్టుగానే ఫోన్ను ఎవరైనా దొంగిలించినప్పుడు యాపిల్ ఖాతాను కాపాడుకోవటానికిది ఉపయోగపడుతుంది. బహిరంగ ప్రదేశాల్లో ఐఫోన్ దొంగతనాలు పెరిగిపోతున్న నేపథ్యంలో ఈ ఫీచర్ను ప్రవేశపెట్టారు. -
ఇక మొబైల్ ఫోనే టీవీ
రేడియో, ఫోన్లలోని రిసీవర్ ఆయా ఫ్రీక్వెన్సీలను గ్రహించి ఎఫ్ఎం రేడియో కార్యక్రమాలు ప్రసారం చేస్తాయి కదా. డీ2ఎం పరిజ్ఞానమూ దీన్నే పోలి ఉంటుంది. కాకపోతే ఇది వీడియోలను ప్రసారం చేస్తుంది. ఇంట్లో టీవీ కార్యక్రమాలను రోజూ చూస్తూనే ఉంటాం. మొబైల్ ఫోన్లో యూట్యూబ్లోనూ అప్పుడప్పుడు వీటిని వీక్షిస్తుంటాం. -
పాత ప్రింటర్ను అమ్ముతున్నారా?
ప్రింటర్తో ఎన్నెన్నో డాక్యుమెంట్లు ప్రింట్ చేస్తూనే ఉంటాం. అప్పుడప్పుడూ రహస్య సమాచారంతో కూడిన పత్రాలనూ ప్రింట్ చేస్తుంటాం. ఇవన్నీ వ్యక్తిగత సమాచారం రూపంలో నిక్షిప్తమై ఉంటాయి. -
నచ్చిన ఫొటోల స్లైడ్షో
ఇష్టమైన ఫొటోలను స్లైడ్ షోగా చూస్తుంటే చాలా సంతోషంగా ఉంటుంది కదా. విండోస్ పీసీ వాడేవారు తమకు తామే దీన్ని సృష్టించుకోవచ్చు. నచ్చిన వాల్పేపర్లు, ఫొటోలను ఒక ఫోల్డర్లో వేయాలి.
తాజా వార్తలు (Latest News)
-
టీ20ల్లో ‘యాంకర్’ పదానికి చోటే లేదు.. కోహ్లీ బ్యాటింగ్లో గేర్లు ఎక్కువే: మూడీ
-
డబ్బు తీసుకొని ఉద్యోగం ఇవ్వండి.. పని నచ్చకుంటే సొమ్ము మీకే!
-
దుస్తుల్లో 25 కిలోల బంగారం స్మగ్లింగ్ చేస్తూ.. చిక్కిన అఫ్గాన్ దౌత్యవేత్త..!
-
డేవిడ్ వార్నర్.. 70 శాతం ఇండియన్ - 30 శాతం ఆస్ట్రేలియన్: జేక్ ఫ్రేజర్
-
లైంగిక దౌర్జన్యం కేసు.. ప్రజ్వల్ రేవణ్ణ ఇంటికి సిట్
-
రింకుకు అందుకే చోటు దక్కలేదు.. బెస్ట్ టీమ్ సెలక్షన్: గంగూలీ