ఆండ్రాయిడ్ ఫీచర్లు అదరహో!
ఆండ్రాయిడ్ ఫోన్లలో బోలెడన్ని మంచి ఫీచర్లున్నాయి. ఫోన్ను మరింత సమర్థంగా వాడుకోవటానికి తోడ్పడే వీటిల్లో కొన్నింటి గురించి చాలామందికి తెలియనే తెలియదు. మామూలు కాల్స్, మెసేజ్ల వంటి పనులనూ ఇవి ఇంకాస్త సులభం చేస్తాయి.
ఆండ్రాయిడ్ ఫోన్లలో బోలెడన్ని మంచి ఫీచర్లున్నాయి. ఫోన్ను మరింత సమర్థంగా వాడుకోవటానికి తోడ్పడే వీటిల్లో కొన్నింటి గురించి చాలామందికి తెలియనే తెలియదు. మామూలు కాల్స్, మెసేజ్ల వంటి పనులనూ ఇవి ఇంకాస్త సులభం చేస్తాయి. అలాంటి కొన్ని ఫీచర్లు ఇవిగో..
ఒక చేత్తోనే..
ఏమాటకామాటే చెప్పుకోవాలి. రోజురోజుకీ ఫోన్లు పెద్దగా అవుతున్నాయి. అరచేతిలో పట్టనంతగానూ తయారవుతున్నాయి. రెండు చేతులను ఉపయోగిస్తే గానీ వాడుకోలేం. టిఫిన్ చేస్తున్నపుడో, కాఫీ తాగుతున్నప్పుడో ఒక చేత్తోనే ఫోన్ను వాడుకోవాలంటే? ఇందుకు ‘వన్ హ్యాండ్ మోడ్’ బాగా ఉపయోగపడుతుంది. ఇది యూజర్ ఇంటర్ఫేస్ పై అర్ధభాగాన్ని కిందికి జరుపుతుంది. దీంతో నోటిఫికేషన్లు, యాప్ కంటెంట్ వంటి వాటిని ఒక చేత్తోనే చూసుకోవచ్చు. ఈ ఫీచర్ను సెట్ చేసుకోవటం ఒకో ఫోన్లో ఒకోలా ఉంటుంది. ఆండ్రాయిడ్ 12, అంతకన్నా ఎక్కువ వర్షన్ ఫోన్లలో సెటింగ్స్ యాప్ను ఓపెన్ చేసి ‘వన్ హ్యాండెండ్ మోడ్’ అని సెర్చ్ చేస్తే ఆప్షన్ కనిపిస్తుంది. దీన్ని టర్న్ ఆన్ చేసుకుంటే చాలు.
తెర విభజన
ఒకేసారి ఎక్కువ పనులు చేసేవారికిది ఎంతో మేలు చేస్తుంది. అందరూ రెండు స్మార్ట్ఫోన్లు కొనుక్కోలేరుగా. ఎన్ని పనులైనా ఒక్కదాంతో చేయాల్సిందే. ఇలాంటి సమయాల్లోనే స్ప్లిట్ స్క్రీన్ ఫీచర్ తోడు నిలుస్తుంది. దీంతో ఫోన్ తెర రెండుగా విడిపోతుంది. ఒక యాప్ పైన, మరో యాప్ కింద సెట్ చేసుకొని ఒకేసారి రెండింటినీ వాడుకోవచ్చు. ఇందుకోసం హోం స్క్రీన్ అడుగున ఉండే రీసెంట్ యాప్స్ గుర్తు మీద క్లిక్ చేయాలి. ఈ గుర్తు కొన్ని ఫోన్లలో మూడు నిలువు గీతలుగా, కొన్ని ఫోన్లలో చదరంగా కనిపిస్తుంది. ఇందులో స్ప్లిట్ స్క్రీన్లో వాడుకోవటానికి వీలుండే యాప్స్ ఉంటాయి. రీసెంట్ యాప్స్ మీద తాకగానే మెనూ కనిపిస్తుంది. ఇందులో స్ప్లిట్ స్క్రీన్ను ఎంచుకోవాలి. అవసరమైన యాప్ను ఎంచుకొని దీనికి జోడిస్తే చాలు. అది పైన కనిపిస్తుంది. కింది తెరలో మరో యాప్ను ఓపెన్ చేసుకోవచ్చు. పని ముగిశాక ఎగ్జిట్ బటన్ను నొక్కితే తిరిగి మామూలు తెర కనిపిస్తుంది. స్ప్లిట్ స్క్రీన్ను సెట్ చేసుకోవటం ఆయా ఫోన్లను బట్టీ మారొచ్చు.
తెలివైన తాళం
ఇంట్లో ఉన్నప్పుడు మన ఫోన్ను ఇతరులు చూసే అవకాశం తక్కువ. ఇలాంటి సురక్షిత ప్రాంతాల్లో ఫోన్ లాక్ కాకుండా స్మార్ట్ లాక్ ఫీచర్ ఉపయోగపడుతుంది. ఇది లొకేషన్ను తనకు తానే గుర్తించి, అథెంటికేషన్ లాక్ను తొలగిస్తుంది. దీంతో ఫోన్ను చూసుకోవటం తేలికవుతుంది. మాటిమాటికి అన్లాక్ చేయాల్సిన అవసరముండదు. ఆయా లొకేషన్లు మారగానే తిరిగి సెట్ చేసుకున్న లాకింగ్ సిస్టమ్కు మళ్లుతుంది. సెటింగ్స్లోకి వెళ్లి స్మార్ట్ లాక్ అని టైప్ చేస్తే ఫీచర్ కనిపిస్తుంది. దీన్ని ఓపెన్ చేయటానికి పిన్, ప్యాటర్స్ లేదా పాస్వర్డ్ ఎంటర్ చేయాలి. తర్వాత మూడు ఆప్షన్లు కనిపిస్తాయి. ఇందులో ట్రస్టెడ్ ప్లేసెస్ను ఎంచుకుంటే ఆ ప్రాంతాల్లోకి వెళ్లగానే ఫోన్ దానంతటదే అన్లాక్ అవుతుంది. అక్కడ్నుంచి రాగానే లాక్ పడుతుంది. ఇందులో ట్రస్టెడ్ డివైసెస్, ఆన్ బాడీ డిటెక్షన్ ఆప్షన్లు కూడా ఉంటాయి. అవసరాన్ని బట్టి వీటిని ఎంచుకోవచ్చు.
పదాల అనువాదం
విదేశాలకు వెళ్లినప్పుడు అక్కడి భాష తెలిసి ఉండటం తప్పనిసరి. లేకపోతే పట్టణాలు, దుకాణాల పేర్లు, వెళ్లే దారి తెలుసుకోవటం కష్టమవుతుంది. చేతిలో ఆండ్రాయిడ్ ఫోన్ ఉంటే ఇది తేలికే. కెమెరా యాప్తో ఫొటో తీస్తే చాలు టెక్స్ట్ అంతా అనువాదమైపోతుంది. గూగుల్ లెన్స్ ఫీచర్ గొప్పతనం. ఫోన్లో గూగుల్ యాప్ను ఓపెన్ చేసి.. సెర్చ్ పట్టీకి కుడివైపున ఉండే కెమెరా గుర్తును ట్యాప్ చేయాలి. అడిగిన అనుమతులకు అంగీకరించాలి. అప్పటికే ఫోన్లో ఉన్న స్క్రీన్ షాట్ల వంటి ఫొటోల్లోని టెక్స్ట్ను అనువాదం చేయటానికైతే వాటిని యాప్లోకి చేర్చి ట్యాప్ చేసి.. పేజీ అడుగున ట్రాన్స్లేట్ బటన్ను తాకితే ఇంగ్లిష్లోకి అనువాదమైపోతుంది. అప్పటికప్పుడు అనువదించుకోవాలనుకుంటే- కెమెరా ముందుకు ట్రాన్స్లేట్ చేయాలనుకునే దాన్ని తీసుకొచ్చి.. ట్రాన్స్లేట్ బటన్ను తాకాలి. అది ఇంగ్లిష్లోకి అనువాదమైపోతుంది. కావాలంటే పైన కనిపించే బాక్స్ ద్వారా భాషను మార్చుకోవచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
స్క్రీన్ లాక్ అయినా జెమినీతో పనులు
గూగుల్ జెమినీ ఏఐ అసిస్టెంట్ను ఇప్పుడు లాక్ చేసిన ఆండ్రాయిడ్ ఫోన్ల మీదా వాడుకోవచ్చు. ఇష్టమైన ఆదేశాలు జారీచేయొచ్చు. అలారమ్స్ పెట్టుకోవటం, మ్యూజిక్ ప్లే చేయటం వంటి పనులెన్నో చేసుకోవచ్చు. -
ఐఫోన్లో కృత్రిమ గొంతు
యాపిల్ ఇటీవల పర్సనల్ వాయిస్ ఫీచర్ను పరిచయం చేసింది. మన గొంతు మాదిరిగానే అనిపించే కృత్రిమ గొంతుతో స్నేహితులు, కుటుంబసభ్యులతో మాట్లాడటానికి వీలు కల్పించటం దీని ప్రత్యేకత. -
కొత్తగా పోకో ఎం6 5జీ ఫోన్లు
మనదేశంలో కొత్త 4జీబీ ర్యామ్, 64జీబీ స్టోరేజీతో పోకో ఎం6 5జీ ఫోన్లు అందుబాటులోకి వచ్చాయి. మొదట్లో 4జీబీ ర్యామ్, 128 జీబీ స్టోరేజీ.. 6జీబీ ర్యామ్, 128 జీబీ స్టోరేజీ.. 8జీబీ ర్యామ్, 256 జీబీ స్టోరేజీతో వీటిని ప్రవేశపెట్టారు. -
త్వరలో నథింగ్ 2ఏ ప్లస్
ఈ సంవత్సరం ఆరంభంలో వచ్చిన నథింగ్ ఫోన్ 2ఏ కోవలో మరో కొత్త వేరియంట్ రాబోతోంది. నథింగ్ ఫోన్ 2ఏ ప్లస్ రూపంలో త్వరలోనే మార్కెట్లో అందుబాటులోకి వస్తోంది. -
ఐఫోన్ను కంటితోనే కదిలించండి
తాజా ఐఓఎస్ 18 బీటా యూజర్లకు కొత్తగా ‘ఐ ట్రాకింగ్’ సదుపాయం అందుబాటులోకి వచ్చింది. పేరుకు తగ్గట్టుగానే దీని సాయంతో కళ్లతోనే ఐఫోన్ను నియంత్రించొచ్చు. -
ఇంటికి కావాలో కెమెరా..
గ్రామాలు, పట్టణాలు, నగరాలనే తేడా లేకుండా భద్రత కోసం సీసీటీవీ కెమెరాల నిఘా తప్పనిసరైంది. వీటిల్లో తీగతో కూడినవి, తీగలు లేనివి.. రెండు రకాలున్నాయి. వీటికి బయటి నుంచి విద్యుత్తు సరఫరా తప్పనిసరి. -
యాపిల్ ఇంటెలిజెన్స్ వచ్చేంతవరకూ ఆగాలా?
ఇంటెలిజెన్స్ అనే సొంత ఏఐ పరిజ్ఞానాన్ని తీసుకొస్తున్నట్టు యాపిల్ సంస్థ ఇటీవల ప్రకటించిన సంగతి తెలిసిందే. అయితే ఇది అందుబాటులోకి రావటానికి ఇంకా చాలా నెలలు వేచి చూడాల్సిందే. -
ఐఫోన్ మాయలు
వచ్చే ఐఓఎస్ 18, ఐప్యాడ్ఓఎస్ 18, మ్యాక్ఓఎస్ సుకోయాతో బోలెడన్ని కొత్త ఫీచర్లు రానున్నట్టు యాపిల్ సంస్థ వార్షిక డెవలపర్ సమావేశంలో (డబ్ల్యూడబ్ల్యూడీసీ) ప్రకటించారు. -
పీసీ జోష్
డెస్క్టాప్, ల్యాప్టాప్ వంటి పీసీలతో గొప్ప ప్రయోజనం బోలెడన్ని అప్లికేషన్లు అందుబాటులో ఉండటం. గేమింగ్, గ్రాఫిక్ డిజైన్, వీడియో ఎడిటింగ్, వ్యాపార అవసరాలు.. ఇలా ఎలాంటి పనులకైనా సాయం చేయటానికి సిద్ధంగా ఉంటాయి. -
ఆనాటి పాత ఫోన్లే ముద్దు
ఇప్పుడు ఎవరిచేతిలో చూసినా అధునాతన టెక్ పరికరాలే కనిపిస్తున్నాయి కదా. అయితే స్మార్ట్ఫోన్లు అధికంగా వాడటం మానసిక సమస్యలు పెరగటానికి కారణమవుతోందని వరల్డ్ ఎకనమిక్ ఫోరమ్ తాజా నివేదిక పేర్కొంటోంది. -
ఫోన్ టైపింగ్ వేగంగా
కీబోర్డుల్లో మైక్రోసాఫ్ట్ స్విఫ్ట్కీ ప్రత్యేకతే వేరు. ఉచితంగా లభించే దీన్ని ఆండ్రాయిడ్, ఐఓఎస్ పరికరాలు రెండింటిలోనూ వాడుకోవచ్చు. వేగంగా టైప్ చేయటానికి తోడ్పడే కృత్రిమ మేధ (ఏఐ) సపోర్టుతో కూడిన ఇందులో ఫీచర్లూ చాలానే ఉన్నాయి. -
జీబోర్డు మాయ
ఆండ్రాయిడ్ ఫోన్లయినా, ఐఓఎస్ ఫోన్లయినా ఎక్కువమంది గూగుల్ కీబోర్డు వాడుతుంటారు. తేలికగా టైప్ చేయటానికి, ఇతరత్రా అవసరాలకు వన్ హ్యాండెడ్ మోడ్ దగ్గరి నుంచి ప్రత్యేక ఎమోజీలు పంపటం వరకూ ఇందులో బోలెడన్ని ఫీచర్లున్నాయి. వీటిని ఎలా ఉపయోగించుకోవాలో చూద్దాం. -
ఐఫోన్లో సొంత రింగ్టోన్
ఐఫోన్లో హోం స్క్రీన్ మీద వాల్పేపర్ మార్చుకోవటం, లాక్ స్క్రీన్, విడ్జెట్స్ జత చేయటం వంటివి తప్పితే ఫీచర్లను ఇష్టమైనట్టుగా మార్చుకునే అవకాశం తక్కువ. షార్ట్కట్స్ యాప్తో ఐకన్లను మార్చుకోవచ్చు గానీ అదో పెద్ద ప్రయాస. అయితే ఇష్టమైన రింగ్టోన్ను పెట్టుకునే అవకాశముంది. -
ఐఫోన్తో సొంత డొమైన్
సొంత డొమైన్ కొనుక్కోవాలని అనుకుంటున్నారా? ఫోన్ ద్వారానే కొనుక్కోవచ్చు. చేతిలో ఐఫోన్, ఐక్లౌడ్ సబ్స్క్రిప్షన్ ఉంటే చాలు. సొంత డొమైన్ పొందొచ్చు. -
వావ్.. మైక్రోసాఫ్ట్ డిజైనర్
కృత్రిమ మేధ (ఏఐ) సాయంతో ఫొటోలు, బొమ్మలు చిత్రించాలని అనుకుంటున్నారా? అయితే మైక్రోసాఫ్ట్ డిజైనర్(https://designer.microsoft.com/) టూల్ను ప్రయత్నించి చూడండి. -
పీసీ వేగంగా స్టార్ట్
కొత్త విండోస్ పీసీ కొద్ది సెకండ్లలోనే బూటప్ అవుతుంది. కానీ క్రమంగా నెమ్మదిస్తూ వస్తుంది. మరి పీసీ త్వరగా స్టార్టయ్యేలా చేయాలంటే? ఇందుకు కొన్ని ట్రిక్కులు లేకపోలేదు. -
స్మార్ట్ఫోనే రిమోట్
టెలివిజన్లలో ఇప్పుడు స్మార్ట్ టీవీల హవా నడుస్తోంది. టీవీ కార్యక్రమాలే కాకుండా ఓటీటీలు, యూట్యూబ్, అంతర్జాల వీక్షణ వంటి వాటికివి ఎంతగానో ఉపయోగపడుతున్నాయి. -
పీసీ షట్డౌన్ తేలికగా..
కంప్యూటర్ను షట్డౌన్ చేయటం పెద్ద పనేమీ కాదు. కానీ కొన్నిసార్లు చాలా త్వరగా షట్డౌన్ చేయాల్సి రావొచ్చు. అప్పుడు కీబోర్డు మీటలు కలిపి నొక్కే పద్ధతులు బాగా ఉపయోగపడతాయి. అలాంటి కొన్ని చిట్కాలు చూద్దాం. -
వెబ్క్యామే స్కానర్
డెస్క్టాప్ ఉంది గానీ స్కానర్ లేదా? పోనీ వెబ్క్యామ్ అయినా ఉందా? అయితే దీన్నే స్కానర్లా వాడుకుంటే సరి. మ్యాక్లోనైతే- ఫొటో బూత్ను ఓపెన్ చేసి, డాక్యుమెంట్ను వెబ్క్యామ్ ముందుకు తీసుకురావాలి. -
ఐఓఎస్ 17.5 పబ్లిక్ బీటా వచ్చింది
ఐఓఎస్ 17.5 పబ్లిక్ బీటా అందుబాటులోకి వచ్చింది. అంటే డెవలపర్ అకౌంట్ లేకపోయినా తాజా ఫీచర్లు, అప్డేట్లను ఎవరైనా ప్రయత్నించొచ్చన్నమాట. ఐఓఎస్ 17.5 స్టేబుల్ వర్షన్ ఇప్పుడప్పుడే వచ్చే అవకాశం కనిపించటం లేదు. -
బహుబలి కెమెరా
అమెరికాలోని ఎస్ఎల్ఏసీ నేషనల్ యాక్సిలేటర్ లేబరేటరీ శాస్త్రవేత్తలు, ఇంజినీర్లు ప్రపంచంలోనే అత్యంత శక్తిమంత కెమెరాను రూపొందించారు.