జంతువుల రంగుల లోకాన్ని చూపించే కెమెరా
జంతువులు, పక్షులు, తేనెటీగలకు ఈ ప్రపంచం ఏ విధంగా కనిపిస్తుంది? మనం చూసే రంగులు వాటికీ కనిపిస్తాయా? చాలామందికి ఇలాంటి సందేహం వచ్చే ఉంటుంది.
జంతువులు, పక్షులు, తేనెటీగలకు ఈ ప్రపంచం ఏ విధంగా కనిపిస్తుంది? మనం చూసే రంగులు వాటికీ కనిపిస్తాయా? చాలామందికి ఇలాంటి సందేహం వచ్చే ఉంటుంది. మరి దీన్ని తెలుసుకోవటమెలా? బ్రిటన్కు చెందిన యూనివర్సిటీ ఆఫ్ ససెక్స్, అమెరికాకు చెందిన జార్జ్ మాసన్ యూనివర్సిటీ శాస్త్రవేత్తల పుణ్యమాని ఇదిప్పుడు సాధ్యమైంది. ప్రత్యేక కెమెరా వ్యవస్థ, సాఫ్ట్వేర్తో జంతువుల కోణంలో రంగుల దృశ్యాలను చూసే పద్ధతిని ఆవిష్కరించారు.
రంగులను చూసే గుణం జంతువులకు చాలా చాలా ముఖ్యం. ఆహారాన్ని గుర్తించటం, దాడుల నుంచి కాపాడుకోవటం, సమాచార ప్రసారం, సంచారం వంటి పనులకు ఇది తోడ్పడుతుంది. అయితే మనకు కనిపించే అన్ని రంగులనూ జంతువులు చూడలేవు. అలాగే జంతువులు చూసే కొన్ని రంగులను మనమూ చూడలేం. మన కళ్లు ఎరుపు, ఆకుపచ్చ, నీలం కాంతులను మాత్రమే చూడగలవు. వీటితో మిళితమైన రకరకాల వర్ణాలే మనకు కనిపిస్తుంటాయి. అదే చాలా జంతువులు మన దృశ్య పరిధిలో లేని అతినీలలోహిత కాంతి వంటి రంగులనూ చూస్తాయి. మనకు ఈ కాంతి కనిపించదు. తేనెటీగలు, కొన్ని పక్షులు పువ్వుల మీద అతినీలలోహిత కాంతి తీరు ఆధారంగానే మకరందం జాడను గుర్తిస్తాయి. కుక్కలు, ఎలుకల వంటి కొన్ని జంతువులకు ఎరుపు రంగు కనిపించదు. అవి నీలి, పసుపు రంగుల్లో ప్రపంచాన్ని వీక్షిస్తాయి. ఈ నేపథ్యంలో జంతువులు, పక్షులు, తేనెటీగల వంటి జీవులు రంగులను ఎలా గ్రహిస్తాయో అర్థం చేసుకోవటం పర్యావరణం, పరిణామం, ప్రవర్తన వంటి శాస్త్ర రంగాల్లో బాగా ఉపయోగపడుతుంది. డాక్యుమెంటరీలు, కళలు, విద్య వంటి వాటిల్లో జంతువుల గుణగణాలను మరింత కచ్చితంగా పేర్కొనటానికీ వీలుంటుంది.
ఎలా పనిచేస్తుంది?
మన కళ్లు అతినీలలోహిత కాంతిని చూడలేవు కదా. జంతువుల కోణంలో వీడియో తీసినా అదెలా కనిపిస్తుంది? మంచి సందేహమే. ఇందుకోసం శాస్త్రవేత్తలు కొన్ని ప్రత్యామ్నాయ రంగులను ఎంచుకున్నారు. దీన్నే అవాస్తవ వర్ణ దృశ్యం అని పిలుచుకుంటున్నారు. అంటే జంతువులకు కనిపించే రంగులను మనిషి దృశ్య పరిధిలోకి మార్చటం అన్నమాట. అతినీలలోహిత కాంతి నీలంగా, నీలం రంగు ఆకుపచ్చగా మారి కనిపిస్తుంది. అయితే ఇలాంటి దృశ్యాలను గ్రహించటం అంత తేలికైన పనికాదు. వివిధ ఫిల్టర్లతో ఎన్నో ఫొటోలు తీయాల్సి ఉంటుంది. కదిలే దృశ్యాలను తీయటం అసలు సాధ్యమే కాదు. అతినీలలోహిత కాంతిని వికిరణం చెందించి, దాని గుండా దృశ్య కాంతి ప్రయాణించేలా చేసే ప్రత్యేక బీమ్ఫిల్టర్ సాయంతో శాస్త్రవేత్తలు ఇలాంటి అడ్డంకులను అధిగమించారు. తరచూ వాడే రెండు కెమెరాలను 3డీ ముద్రిత పెట్టెలో పెట్టి ఒకే సమయంలో అతినీలలోహిత కాంతి, దృశ్య కాంతి రెండింటినీ రికార్డు చేయటంలో విజయం సాధించారు. అనంతరం ఈ రికార్డులను ఒకదాని మీద మరోటి అమర్చి, ఒకో కెమెరా సెన్సర్ గ్రహించిన కాంతి మొత్తాన్ని లెక్కించారు. దీని ఆధారంగా జంతువుల కళ్లకు ఎంత కాంతి చేరుకుంటుందో అంచనా వేసి.. కంప్యూటర్ సాయంతో రంగులను ప్రక్షేపించి జంతువుల కోణంలో కనిపించే రంగుల దృశ్యాన్ని రూపొందించారు.
కొంగొత్త విషయాలు
వివిధ జంతువులు లోకాన్ని చూసే విధానంతో ఈ కొత్త కెమెరా వ్యవస్థ ప్రకృతిలోని అద్భుతమైన వైవిధ్యాన్ని, రంగుల శోభను కళ్లకు కట్టింది. ఉదాహరణకు- కొన్ని పువ్వులు మీది యూవీ ఆకారాలకు పుప్పొడిని వ్యాపింపజేసే తేనెటీగలు, పక్షుల వంటివి ఆకర్షితమవుతున్నట్టు పరిశోధకులు ప్రదర్శించారు. కొన్ని పువ్వులు జంతువులకు వేర్వేరు రంగుల్లో కనిపిస్తున్నట్టూ నిరూపించారు. అరటికాయలు మనకు ఆకుపచ్చగా కనిపిస్తే పక్షులకు నీలం రంగులో కనిపిస్తుండటం విచిత్రం. కొన్ని కీటకాలు, పక్షులు వర్ణదీప్తి కలిగుండటం విశేషం. సీతాకోకచిలుకలకు యూవీ వర్ణదీప్తి ఉంటే.. హమ్మింగ్బర్డ్కు ఎరుపు వర్ణదీప్తి ఉంటున్నట్ట వెల్లడైంది. నిజానికి జంతువులు ఈ ప్రపంచాన్ని ఎలా చూస్తాయనేది పూర్తిగా అవగతం కావటం ఎన్నటికీ జరిగే పనికాదు. కానీ జంతువుల కళ్లతో లోకాన్ని చాలావరకూ చూడటానికి ఈ పరిజ్ఞానం తోడ్పడుతుందనటం నిస్సందేహం. ఇది ఆచరణీయం, చవకైనది కావటం గమనార్హం. దీనికి వాడుకున్న సాఫ్ట్వేర్ ఓపెన్ సోర్స్ కావటం వల్ల ఎవరైనా డౌన్లోడ్ చేసుకోవచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
స్క్రీన్ లాక్ అయినా జెమినీతో పనులు
గూగుల్ జెమినీ ఏఐ అసిస్టెంట్ను ఇప్పుడు లాక్ చేసిన ఆండ్రాయిడ్ ఫోన్ల మీదా వాడుకోవచ్చు. ఇష్టమైన ఆదేశాలు జారీచేయొచ్చు. అలారమ్స్ పెట్టుకోవటం, మ్యూజిక్ ప్లే చేయటం వంటి పనులెన్నో చేసుకోవచ్చు. -
ఐఫోన్లో కృత్రిమ గొంతు
యాపిల్ ఇటీవల పర్సనల్ వాయిస్ ఫీచర్ను పరిచయం చేసింది. మన గొంతు మాదిరిగానే అనిపించే కృత్రిమ గొంతుతో స్నేహితులు, కుటుంబసభ్యులతో మాట్లాడటానికి వీలు కల్పించటం దీని ప్రత్యేకత. -
కొత్తగా పోకో ఎం6 5జీ ఫోన్లు
మనదేశంలో కొత్త 4జీబీ ర్యామ్, 64జీబీ స్టోరేజీతో పోకో ఎం6 5జీ ఫోన్లు అందుబాటులోకి వచ్చాయి. మొదట్లో 4జీబీ ర్యామ్, 128 జీబీ స్టోరేజీ.. 6జీబీ ర్యామ్, 128 జీబీ స్టోరేజీ.. 8జీబీ ర్యామ్, 256 జీబీ స్టోరేజీతో వీటిని ప్రవేశపెట్టారు. -
త్వరలో నథింగ్ 2ఏ ప్లస్
ఈ సంవత్సరం ఆరంభంలో వచ్చిన నథింగ్ ఫోన్ 2ఏ కోవలో మరో కొత్త వేరియంట్ రాబోతోంది. నథింగ్ ఫోన్ 2ఏ ప్లస్ రూపంలో త్వరలోనే మార్కెట్లో అందుబాటులోకి వస్తోంది. -
ఐఫోన్ను కంటితోనే కదిలించండి
తాజా ఐఓఎస్ 18 బీటా యూజర్లకు కొత్తగా ‘ఐ ట్రాకింగ్’ సదుపాయం అందుబాటులోకి వచ్చింది. పేరుకు తగ్గట్టుగానే దీని సాయంతో కళ్లతోనే ఐఫోన్ను నియంత్రించొచ్చు. -
ఇంటికి కావాలో కెమెరా..
గ్రామాలు, పట్టణాలు, నగరాలనే తేడా లేకుండా భద్రత కోసం సీసీటీవీ కెమెరాల నిఘా తప్పనిసరైంది. వీటిల్లో తీగతో కూడినవి, తీగలు లేనివి.. రెండు రకాలున్నాయి. వీటికి బయటి నుంచి విద్యుత్తు సరఫరా తప్పనిసరి. -
యాపిల్ ఇంటెలిజెన్స్ వచ్చేంతవరకూ ఆగాలా?
ఇంటెలిజెన్స్ అనే సొంత ఏఐ పరిజ్ఞానాన్ని తీసుకొస్తున్నట్టు యాపిల్ సంస్థ ఇటీవల ప్రకటించిన సంగతి తెలిసిందే. అయితే ఇది అందుబాటులోకి రావటానికి ఇంకా చాలా నెలలు వేచి చూడాల్సిందే. -
ఐఫోన్ మాయలు
వచ్చే ఐఓఎస్ 18, ఐప్యాడ్ఓఎస్ 18, మ్యాక్ఓఎస్ సుకోయాతో బోలెడన్ని కొత్త ఫీచర్లు రానున్నట్టు యాపిల్ సంస్థ వార్షిక డెవలపర్ సమావేశంలో (డబ్ల్యూడబ్ల్యూడీసీ) ప్రకటించారు. -
పీసీ జోష్
డెస్క్టాప్, ల్యాప్టాప్ వంటి పీసీలతో గొప్ప ప్రయోజనం బోలెడన్ని అప్లికేషన్లు అందుబాటులో ఉండటం. గేమింగ్, గ్రాఫిక్ డిజైన్, వీడియో ఎడిటింగ్, వ్యాపార అవసరాలు.. ఇలా ఎలాంటి పనులకైనా సాయం చేయటానికి సిద్ధంగా ఉంటాయి. -
ఆనాటి పాత ఫోన్లే ముద్దు
ఇప్పుడు ఎవరిచేతిలో చూసినా అధునాతన టెక్ పరికరాలే కనిపిస్తున్నాయి కదా. అయితే స్మార్ట్ఫోన్లు అధికంగా వాడటం మానసిక సమస్యలు పెరగటానికి కారణమవుతోందని వరల్డ్ ఎకనమిక్ ఫోరమ్ తాజా నివేదిక పేర్కొంటోంది. -
ఫోన్ టైపింగ్ వేగంగా
కీబోర్డుల్లో మైక్రోసాఫ్ట్ స్విఫ్ట్కీ ప్రత్యేకతే వేరు. ఉచితంగా లభించే దీన్ని ఆండ్రాయిడ్, ఐఓఎస్ పరికరాలు రెండింటిలోనూ వాడుకోవచ్చు. వేగంగా టైప్ చేయటానికి తోడ్పడే కృత్రిమ మేధ (ఏఐ) సపోర్టుతో కూడిన ఇందులో ఫీచర్లూ చాలానే ఉన్నాయి. -
జీబోర్డు మాయ
ఆండ్రాయిడ్ ఫోన్లయినా, ఐఓఎస్ ఫోన్లయినా ఎక్కువమంది గూగుల్ కీబోర్డు వాడుతుంటారు. తేలికగా టైప్ చేయటానికి, ఇతరత్రా అవసరాలకు వన్ హ్యాండెడ్ మోడ్ దగ్గరి నుంచి ప్రత్యేక ఎమోజీలు పంపటం వరకూ ఇందులో బోలెడన్ని ఫీచర్లున్నాయి. వీటిని ఎలా ఉపయోగించుకోవాలో చూద్దాం. -
ఐఫోన్లో సొంత రింగ్టోన్
ఐఫోన్లో హోం స్క్రీన్ మీద వాల్పేపర్ మార్చుకోవటం, లాక్ స్క్రీన్, విడ్జెట్స్ జత చేయటం వంటివి తప్పితే ఫీచర్లను ఇష్టమైనట్టుగా మార్చుకునే అవకాశం తక్కువ. షార్ట్కట్స్ యాప్తో ఐకన్లను మార్చుకోవచ్చు గానీ అదో పెద్ద ప్రయాస. అయితే ఇష్టమైన రింగ్టోన్ను పెట్టుకునే అవకాశముంది. -
ఐఫోన్తో సొంత డొమైన్
సొంత డొమైన్ కొనుక్కోవాలని అనుకుంటున్నారా? ఫోన్ ద్వారానే కొనుక్కోవచ్చు. చేతిలో ఐఫోన్, ఐక్లౌడ్ సబ్స్క్రిప్షన్ ఉంటే చాలు. సొంత డొమైన్ పొందొచ్చు. -
వావ్.. మైక్రోసాఫ్ట్ డిజైనర్
కృత్రిమ మేధ (ఏఐ) సాయంతో ఫొటోలు, బొమ్మలు చిత్రించాలని అనుకుంటున్నారా? అయితే మైక్రోసాఫ్ట్ డిజైనర్(https://designer.microsoft.com/) టూల్ను ప్రయత్నించి చూడండి. -
పీసీ వేగంగా స్టార్ట్
కొత్త విండోస్ పీసీ కొద్ది సెకండ్లలోనే బూటప్ అవుతుంది. కానీ క్రమంగా నెమ్మదిస్తూ వస్తుంది. మరి పీసీ త్వరగా స్టార్టయ్యేలా చేయాలంటే? ఇందుకు కొన్ని ట్రిక్కులు లేకపోలేదు. -
స్మార్ట్ఫోనే రిమోట్
టెలివిజన్లలో ఇప్పుడు స్మార్ట్ టీవీల హవా నడుస్తోంది. టీవీ కార్యక్రమాలే కాకుండా ఓటీటీలు, యూట్యూబ్, అంతర్జాల వీక్షణ వంటి వాటికివి ఎంతగానో ఉపయోగపడుతున్నాయి. -
పీసీ షట్డౌన్ తేలికగా..
కంప్యూటర్ను షట్డౌన్ చేయటం పెద్ద పనేమీ కాదు. కానీ కొన్నిసార్లు చాలా త్వరగా షట్డౌన్ చేయాల్సి రావొచ్చు. అప్పుడు కీబోర్డు మీటలు కలిపి నొక్కే పద్ధతులు బాగా ఉపయోగపడతాయి. అలాంటి కొన్ని చిట్కాలు చూద్దాం. -
వెబ్క్యామే స్కానర్
డెస్క్టాప్ ఉంది గానీ స్కానర్ లేదా? పోనీ వెబ్క్యామ్ అయినా ఉందా? అయితే దీన్నే స్కానర్లా వాడుకుంటే సరి. మ్యాక్లోనైతే- ఫొటో బూత్ను ఓపెన్ చేసి, డాక్యుమెంట్ను వెబ్క్యామ్ ముందుకు తీసుకురావాలి. -
ఐఓఎస్ 17.5 పబ్లిక్ బీటా వచ్చింది
ఐఓఎస్ 17.5 పబ్లిక్ బీటా అందుబాటులోకి వచ్చింది. అంటే డెవలపర్ అకౌంట్ లేకపోయినా తాజా ఫీచర్లు, అప్డేట్లను ఎవరైనా ప్రయత్నించొచ్చన్నమాట. ఐఓఎస్ 17.5 స్టేబుల్ వర్షన్ ఇప్పుడప్పుడే వచ్చే అవకాశం కనిపించటం లేదు. -
బహుబలి కెమెరా
అమెరికాలోని ఎస్ఎల్ఏసీ నేషనల్ యాక్సిలేటర్ లేబరేటరీ శాస్త్రవేత్తలు, ఇంజినీర్లు ప్రపంచంలోనే అత్యంత శక్తిమంత కెమెరాను రూపొందించారు.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ప్రాణాలతో స్వదేశానికి వస్తానని అనుకోలేదు: గల్ఫ్ బాధితుడు వీరేంద్రకుమార్
-
పేదలకు ఇళ్లు కట్టిస్తానని టోకరా.. ఎమ్మెల్యేనే బురిడీ కొట్టించిన నిందితుడి అరెస్టు
-
‘గరీబ్రథ్’లో కొత్త ప్రయాణ అనుభూతి..!
-
కమలా.. మా మద్దతు మీకే
-
‘రెడ్బుక్ తెరవక ముందే జగన్ గగ్గోలు’
-
మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి