జీపీటీ దృష్టి!
టెక్నాలజీ రంగంలో ఇప్పుడు ఛాట్జీపీటీ పేరు మార్మోగుతోంది. ఆరంభమైనప్పటి నుంచే సంచలనాలు సృష్టిస్తోంది. రోజురోజుకీ కొత్త పోకడలు పోతోంది. ఆన్లైన్లో టెక్స్ట్ను సంగ్రహించి, మథించటంతోనే ఆగిపోలేదు.
టెక్నాలజీ రంగంలో ఇప్పుడు ఛాట్జీపీటీ పేరు మార్మోగుతోంది. ఆరంభమైనప్పటి నుంచే సంచలనాలు సృష్టిస్తోంది. రోజురోజుకీ కొత్త పోకడలు పోతోంది. ఆన్లైన్లో టెక్స్ట్ను సంగ్రహించి, మథించటంతోనే ఆగిపోలేదు. డాల్-4 సమ్మేళనంతో మాటల ఆధారంగా ఇమేజ్లను సృష్టించటాన్నీ నేర్చుకుంది. ఇది చాలదన్నట్టు జీపీటీ-4 విజన్ రాకతో పుస్తకాలు, కరపత్రాల ఇమేజ్లను అవగతం చేసుకునే స్థితికీ చేరుకుంది. ఇది పురాతన గ్రంథాలు, శాసనాల లిపులనూ తేలికగా, త్వరగా అర్థం చేసుకోవటానికి తోడ్పడుతోంది. దీంతో ఎంతో సమయం, శ్రమ ఆదా అవుతాయి. ఇంతకీ జీపీటీ-4 వెనకాల ఉన్న పరిజ్ఞానమేంటి? ఇదెలా పనిచేస్తుంది?
విజన్తో కూడిన జీపీటీ-4 అనేది ఇమేజ్ల ఇన్పుట్ ఆధారంగా, వాటిలోని అంశాలను విశ్లేషించే పరిజ్ఞానం. దీన్ని ముద్దుగా జీపీటీ-4వీ అనీ పిలుచుకుంటున్నారు. ఛాట్జీపీటీకి మెదడులాంటి లార్జ్ లాంగ్వేజ్ మోడళ్ల (ఎల్ఎల్ఎం)కు ఇలా ఇమేజ్ ఇన్పుట్ వంటి అదనపు విధానాలను జోడించటమనేది కృత్రిమ మేధ (ఏఐ) పరిశోధన, అభివృద్ధిలో ఒక మైలురాయిగా భావించొచ్చు. బహుళ విధ ఛాట్బాట్.. అంటే టెక్స్ట్, ఇమేజ్, ఆడియోలతో కూడిన మల్టీమోడల్ ఛాట్బాట్ రూపకల్పన దిశగా దీన్ని గొప్ప ముందడుగుగా భావిస్తున్నారు. ఇమేజ్ను ఇన్పుట్గా ఇచ్చి, దాని మీద ప్రశ్నలు అడగటానికిది వీలు కల్పిస్తుంది. ఒక రకంగా దీన్ని ‘దృశ్య-ప్రశ్న, సమాధాన’ ప్రక్రియ అనుకోవచ్చు. జీపీటీ-4 విజన్ వినూత్న లార్జ్ మల్టీమోడల్ మోడల్ (ఎల్ఎల్ఎం) కాబట్టే టెక్స్, ఇమేజ్ లేదా టెక్స్ట్, ఆడియో వంటి వివిధ విధానాలతో సమాచారాన్ని తీసుకుంటుంది. వాటి ఆధారంగా ప్రతిస్పందనలను సృష్టిస్తుంది. నిజానికి ఇదేమీ తొలి ఎల్ఎల్ఎం కాదు. ఇప్పటికే ఇలాంటివి చాలానే ఉన్నాయి. కాగ్వీఎల్ఎం, ఎల్ఎల్ఏవీఏ, కాస్మోస్-2 వంటివి ఉదాహరణలుగా చెప్పుకోవచ్చు. అయితే జీపీటీ-4 విజన్ రాకతో కొత్త సంచలనం మొదలు కావటం మాత్రం నిజం.
సామర్థ్యాలు ఏంటి?
ఫొటోలు, స్క్రీన్షాట్లు, డాక్యుమెంట్ల వంటి విజువల్ కంటెంట్ను విడమరచుకునే సామర్థ్యాలు జీపీటీ-4 విజన్ ప్రత్యేకత. తాజా వర్షన్ అయితే ఇమేజ్లోని వస్తువులనూ గుర్తిస్తుండటం గమనార్హం. గ్రాఫ్స్, ఛార్ట్స్ వంటి వాటిల్లోని సమాచారాన్ని అంచనా వేసి, విశ్లేషించగలదు కూడా. ఇమేజెస్లో ఉన్న చేతిరాత, ముద్రిత టెక్స్ట్నూ అంచనా వేయగలదు. కృత్రిమ మేధ పరిజ్ఞానం విషయంలో ఇదో గొప్ప మేలి మలుపు. దృశ్యాలను అర్థం చేసుకోవటం, వాటిల్లోని అంశాలను పదాల రూపంలో విశ్లేషించటం మధ్య ఇప్పటివరకూ ఉన్న ఖాళీని ఇది పూరించగలదు.
ఎంతో మేలు
పరిశోధకులకు, వెబ్ డెవలపర్లకు, డేటా అనలిస్టులకు, కంటెంట్ క్రియేటర్లకు జీపీటీ-4 విజన్ ఎంతగానో ఉపయోగపడగలదు. సాహిత్య పరిశోధనలో.. ముఖ్యంగా చారిత్రక డాక్యుమెంట్లు, రాత ప్రతులను అర్థం చేసుకోవటానికి దోహదం చేస్తుంది. చేత్తో రాసిన చారిత్రక డాక్యుమెంట్లు, శాసనాల వంటి వాటిని చదవటం, అర్థం చేసుకోవటం అంత తేలికైన పనికాదు. ఇందుకు చాలా సమయం పడుతుంది కూడా. అదే జీపీటీ-4 విజన్ అయితే సెకండ్లలోనే పని పూర్తి చేస్తుంది. మరింత కచ్చితత్వాన్ని సాధించేందుకు ఫలితాలను ఎన్నిసార్లయినా రిఫైన్ చేసుకోవచ్చు. అలాగే వెబ్ డెవలపర్లకూ ఎంతగానో సాయం చేస్తుంది. కేవలం డిజైన్ ఇమేజ్తోనే వెబ్సైట్ కోసం కోడ్ను రాసేయగలదు. కాగితం మీద గీసిన డిజైన్ ఇమేజ్నూ ఇన్పుట్గా తీసుకొని, కోడ్ రాయగలదు. డేటాను అంచనా వేయటం మరో ముఖ్యమైన పని. గ్రాఫ్స్లోని సమాచారాన్ని విశ్లేషించటమంటే చిన్న విషయం కాదు మరి. జీపీటీ-4 విజన్ను ఇప్పుడు డాల్-ఇతోనూ మేళవించాలనీ చూస్తున్నారు. అప్పుడు సోషల్ మీడియా కోసం సృజనాత్మక పోస్టులను సృష్టించటమూ సాధ్యమవుతుది. ఇది కంటెంట్ క్రియేటర్లకు ఎంతో అనువుగా ఉంటుంది.
పరిమితులు లేకపోలేదు
కచ్చితత్వం, విశ్వసనీయత విషయంలో జీపీటీ-4 విజన్ గొప్పదే కావొచ్చు గానీ అన్నిసార్లూ దోష రహితం కాకపోవచ్చు. ఇదీ కొన్ని తప్పులు చేయొచ్చు. అందువల్ల దీని ద్వారా తీసుకున్న సమాచారాన్ని ధ్రువీకరించుకోవటం మంచిది. కొన్ని విషయాల్లో పక్షపాతమూ చూపించొచ్చు. ఇమేజ్ల్లో ఉన్న కొందరు వ్యక్తులను వదిలేసేలా దీని మోడల్కు శిక్షణ ఇచ్చారు. దీన్నే ఓపెన్ ఏఐ సంస్థ ‘రిఫ్యూజల్’ ప్రవర్తనగా చెబుతోంది. కొన్ని పరిమితులు, అసంగతాలు ఉండటం వల్ల కచ్చితమైన శాస్త్రీయ, వైద్య సున్నిత అంశాల విశ్లేషణ వంటి పనులకు జీపీటీ-4 విజన్ను వాడుకోవద్దనీ సూచిస్తోంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
‘కీప్’ గోయింగ్!
రోజురోజుకీ నోట్-టేకింగ్ యాప్స్కు ఆదరణ పెరుగుతోంది. వివిధ ప్రయోజనాలు ఉండటంతో యువత వీటిని ఎక్కువగా వాడుతున్నారు. ఇప్పుడు బోలెడన్ని ఉచిత నోట్ టేకింగ్ యాప్లూ అందుబాటులో ఉన్నాయి. -
అమెజాన్ మ్యూజిక్లో ఏఐ ప్లేలిస్టు ఫీచర్
సంగీత ప్రియులను ఆకట్టుకోవటానికి మ్యూజిక్ యాప్లు కృత్రిమ మేధ (ఏఐ) సాయంతో కొత్త పుంతలు తొక్కుతున్నాయి. స్పోటిఫై ఇటీవల ప్రీమియం యూజర్ల కోసం ఏఐ ఆధారిత ప్లేలిస్ట్ జనరేటర్ను అందుబాటులోకి తెచ్చింది. -
వెబ్లోనూ ట్రూకాలర్
స్మార్ట్ఫోన్లలో ట్రూకాలర్ను చాలాకాలంగా వాడుతూనే ఉన్నాం. అజ్ఞాత, స్పామ్ కాల్స్ను గుర్తించటానికిది బాగా ఉపయోగపడుతుంది. ఇప్పుడిది వెబ్ బ్రౌజర్ రూపంలోకీ మారింది. -
హాయ్ ఐయామ్ నమో ఏఐ
ప్రధానమంత్రి నరేంద్ర మోదీ టెక్నాలజీ వాడకంలో ఎప్పుడూ ముందే ఉంటారు. ఆయన వ్యక్తిగత నమో యాప్ గురించి తెలిసిందే. దీనికి తాజాగా కృత్రిమ మేధతో కూడిన నమో ఏఐ ఫీచర్ కూడా జతచేరింది. -
ఆండ్రాయిడ్ పరికరాల్లో సరికొత్త ఫొటో ఎడిటింగ్
డిజిటల్ ప్రపంచం రోజురోజుకీ కొత్త పుంతలు తొక్కుతోంది. ఈ నేపథ్యంలో ఆండ్రాయిడ్ పరికరాలూ కొత్త సొబగులు అద్దుకుంటున్నాయి. వీటికి త్వరలో కొత్త ఏఐ ఫీచర్లు అందుబాటులోకి రానున్నాయి. -
రోడ్డు గుంతలను పూడ్చే రోబో
గుంతలు లేని రోడ్లను ఒకసారి తలచుకోండి. ఆ ప్రయాణం ఎంత హాయిగా ఉంటుందో! ఊహించుకుంటేనే ఎంత సంతోషం కలుగుతుందో కదా. అదే నిజమైతే? అది సాకారం కావటం మరెంతో దూరంలో లేదు. -
అశ్లీల బెదిరింపుల వలలో పడకుండా
ఆన్లైన్లో నగ్న చిత్రాలు, వీడియోలతో బెదిరించటాన్ని అడ్డుకోవటానికి ఇన్స్టాగ్రామ్ కొత్తగా న్యూడిటీ ప్రొటెక్షన్ ఫీచర్ను ప్రవేశపెట్టనుంది. ఇన్స్టాగ్రామ్ డీఎంలలో ఉండే ఈ ఫీచర్ దానంతటదే నగ్న చిత్రాలను పసిగడుతుంది. -
పాటలు నేర్పే పదనిస
హిందీ పాటలు పాడటం నేర్చుకోవాలని భావిస్తున్నారా? కానీ సమయం దొరకటం లేదని చింతిస్తున్నారా? అయితే పదనిస యాప్ను ప్రయత్నించి చూడండి. ప్రముఖ సంగీత కంపెనీ సరిగమ ఇటీవలే దీన్ని తీసుకొచ్చింది. -
సామాజిక వ్యసనం శ్రుతి మించుతోందా?
సామాజిక మాధ్యమాలు వ్యసనంగా మారాయా? దీన్నుంచి బయట పడటానికి ప్రయత్నిస్తున్నారా? అయితే పామ్సీ యాప్ సాయం తీసుకోవచ్చు. -
నిర్ణీత సమయానికి ఎస్ఎంఎస్
ఆత్మీయుల పుట్టినరోజు. సరిగ్గా అర్ధరాత్రి 12 గంటలకు ఎస్ఎంఎస్ పంపించాలని అనుకుంటాం. కానీ అప్పటివరకూ మెలకువగా ఉండకపోతే? నిద్రపోయినప్పుడు ఆ సమయానికి మెలకువ రాకపోతే? ఇలాంటి సమయాల్లోనే నిర్ణీత సమయానికి మెసేజ్లు అందే సదుపాయం ఉంటే బాగుండునని అనిపిస్తుంటుంది. -
వాట్సప్ కొత్త ఇమేజ్ ఎడిటర్
వాట్సప్ త్వరలో ఏఐ ఆధారిత కొత్త ఇమేజ్ టూల్ను ప్రవేశపెట్టనుంది. ఇది ఫొటోలను తేలికగా ఎడిట్ చేసుకోవటానికి వీలు కల్పిస్తుంది. ఈ ఫీచర్ ఇమేజ్లను షేర్ చేసుకునే పేజీలో పైన కనిపిస్తుందని చెబుతున్నారు. -
ఏఐ వీడియోకు సౌండ్ ట్రాక్ సొబగులూ
ఏఐతో వీడియోలు సృష్టించటం తేలికైపోయింది. ఎలాంటి వీడియో కావాలో పదాల్లో వర్ణిస్తే చాలు. దానికి తగ్గట్టుగా వీడియోలు రూపొందించే ఏఐ వేదికలు చాలానే ఉన్నాయి. -
వాట్సప్లో మరిన్ని మెసేజ్లు పిన్
వాట్సప్ ప్రియులకు శుభవార్త. ఇకపై ఒకే సమయంలో మూడు కన్నా ఎక్కువ ఛాట్స్, మెసేజ్లను పిన్ చేసుకోవచ్చు. కొత్త ఫీచర్లలో భాగంగా వాట్సప్ దీన్ని ఇటీవలే పరిచయం చేసింది. -
మీ అభ్యర్థి చరిత్రేంటి?
మీ నియోజకవర్గం అభ్యర్థి ఎలాంటివారు? నేర చరిత్ర ఏమైనా ఉందా? తెలుసుకోవాలంటే ‘నో యువర్ క్యాండిడేేట్’ (కేవైసీ) యాప్లో చూసుకోండి. ప్రధాన ఎన్నికల కమిషనర్ ఇటీవల ఎన్నికల క్రమాన్ని ప్రకటించటంతో పాటు ఈ యాప్నూ పరిచయం చేశారు -
గేమింగ్లో కృత్రిమ నేస్తం!
ఎక్కడికి, ఎలా దారితీస్తుందో తెలియదు గానీ కృత్రిమ మేధ (ఏఐ) రోజురోజుకీ కొత్త పుంతలు తొక్కుతోంది. ఇటీవల వృద్ధుల్లో ఒంటరితనాన్ని పోగొట్టటానికి తోడ్పడే ఏఐ రోబో, పూర్తిస్థాయి ఏఐ సాఫ్ట్వేర్ ఇంజినీర్ ఆవిష్కరణ ఆశ్చర్యచకితులను చేస్తే.. తాజాగా ఏఐ గేమింగ్ ఏజెంట్ పుట్టుకొచ్చింది -
ఏఐ పాట
కృత్రిమమేధ (ఏఐ) సాయంతో కొత్త పాటలను సృష్టించాలని అనుకుంటున్నారా? అయితే సునో ఏఐ (https://www.suno.ai/) సాయం తీసుకోండి. ఇదో ఏఐ మ్యూజిక్ జనరేటర్ వేదిక. -
డ్యూగూ.. సూర్యుడికే అన్న!
డ్యూగూ గ్రహ శకలం సూర్యుడి కన్నా ముందే పుట్టిందా? దీని నమూనాల ప్రాథమిక విశ్లేషణలో ఈ విషయమే వెల్లడైంది. ఇప్పుడిదే ఆశ్చర్యం కలిగిస్తోంది. -
గూగుల్ లెన్స్లో సెర్చ్ హిస్టరీ సేవ్
గూగుల్ లెన్స్తో ఇమేజ్లను వెతికేవారికి శుభవార్త. ఇకపై వెతికిన ఇమేజ్లను తేలికగా తెలుసుకోవచ్చు. అవసరమైతే అక్కడి నుంచే డౌన్లోడ్ చేసుకోవచ్చు. -
నిర్ధరణ తీరునూ వివరించే ఏఐ
వైద్యరంగంలో కృత్రిమ మేధ (ఏఐ) రోజురోజుకీ విస్తరిస్తోంది. జబ్బుల నిర్ధరణ దగ్గరి నుంచి చికిత్సలను నిర్ణయించుకోవటం వరకూ ఉపయోగపడుతుంది. -
ఫైల్స్లో స్కాన్!
డాక్యుమెంట్లు, ఫైళ్లను ఒకదగ్గర నిల్వ చేసుకోవటానికి, తేలికగా షేర్ చేయటానికి గూగుల్ ఫైల్స్ యాప్ బాగా ఉపయోగపడుతుంది. ఇప్పుడు దీనికి కొత్తగా స్కాన్ ఫీచర్ అందుబాటులోకి వచ్చింది.