ప్రయాణికులు లేక 8 రైళ్ల రద్దు

ఈనాడు, హైదరాబాద్‌: కరోనా రెండోదశ ఉద్ధృతి, పలు రాష్ట్రాల్లో లాక్‌డౌన్‌ ప్రభావంతో రైలు ప్రయాణాలు తగ్గుతున్నాయి. ప్రయాణికుల సంఖ్య స్వల్పంగా ఉన్న రైళ్లను రైల్వేశాఖ దశలవారీగా తాత్కాలికంగా రద్దు చేస్తోంది. ఈ క్రమంలోనే తాజాగా 8 రైళ్లను రద్దు చేస్తున్నట్లు శుక్రవారం ప్రకటించింది. ఇందులో 6 రైళ్లు తెలుగు రాష్ట్రాలకు సంబంధించినవి కాగా రెండు దక్షిణమధ్య రైల్వేజోన్‌ మీదుగా రాకపోకలు సాగించేవి.
రద్దు చేసిన రైళ్లు.. విశాఖపట్నం-కాచిగూడ (నం.08561) జూన్‌ 1-10 వరకు, కాచిగూడ-విశాఖపట్నం (నం.08562) జూన్‌ 2-11, విశాఖపట్నం-కడప (నం..07488) జూన్‌ 1-10, కడప-విశాఖపట్నం (నం.07487) జూన్‌ 2-11, విశాఖపట్నం-లింగంపల్లి (నం.02831) జూన్‌ 1-10, లింగంపల్లి-విశాఖపట్నం (నం.02832) జూన్‌ 2-11, పుణె-భువనేశ్వర్‌(నం.02881) జూన్‌ 3-10, భువనేశ్వర్‌-పుణె(నం.02882) జూన్‌ 1-8 వరకు రద్దయ్యాయి.
వేసవి ప్రత్యేక రైళ్లు.. త్రివేండ్రం-మాల్దాటౌన్‌ (06185) రైలు జూన్‌ 1న, మాల్దాటౌన్‌-త్రివేండ్రం (06186) రైలు జూన్‌ 4న బయలుదేరుతాయి. ఈ రైళ్లు రాజమహేంద్రవరం, సామర్లకోట జంక్షన్‌ రైల్వేస్టేషన్లలో ఆగనున్నాయి.

► Read latest State News and Telugu News

► Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.