Published : 17/10/2022 00:28 IST

వయసు తగ్గించే పసుపు..

వంటింట్లో దొరికే అద్భుతమైన సౌందర్య సాధనం పసుపు. ఇది వయసు ప్రభావాన్నీ కనిపించకుండా చేస్తుంది. ఎలాగంటే..

* పసుపూ, సెనగపిండీ, పచ్చి పాలూ సమపాళ్లలో కలపాలి. ఈ మిశ్రమాన్ని ముఖానికి రాసి ఇరవై నిమిషాల తర్వాత గోరువెచ్చని నీళ్లతో కడిగేయాలి. ఇది యాంటీ ఏజింగ్‌గానూ పనిచేస్తుంది. తక్కువ మోతాదులో పసుపు వాడి వేసుకునే ఈ ప్యాక్‌ చర్మ ఛాయనీ మెరుగుపరుస్తుంది.

* ఇందులోని యాంటీ ఆక్సిడెంట్లు వయసు కారణంగా వచ్చే ముడతలు రాకుండా నివారిస్తాయి. కొత్త కణాలనూ వృద్ధిచేస్తాయి. చర్మాన్ని బిగుతుగా మారుస్తాయి. ఆ ఫలితం రావాలంటే.. పసుపుని ముఖానికి రాసి, పది నిమిషాల తర్వాత నీళ్లతో కడగాలి.

* సమపాళ్లలో పసుపూ, బియ్యప్పిండీ, చెంచా చొప్పున పచ్చి పాలూ, టొమాటో రసం చేర్చి మెత్తగా చేయాలి. ఈ మిశ్రమాన్ని ముఖం, మెడకు రాసి అరగంట తర్వాత గోరువెచ్చని నీళ్లతో కడిగేయాలి. దీంతో కళ్లకింది నల్లటి వలయాలూ, ముడతలూపోతాయి.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని