Updated : 03/12/2022 05:03 IST

బీపీని తగ్గించే అవిసెగింజలు

పని ఒత్తిడి, మారిన ఆహారపుటలవాట్లు కారణం ఏమైతేనేమి? ఇటీవలి కాలంలో మహిళల్లో పోషకాల లేమి స్పష్టంగా కనబడుతుందంటున్నారు పోషకాహార నిపుణులు. దీన్ని అధిగమించడానికి తీసుకోవలసిన ఆహారంలో అవిసెగింజలు కూడా ఒకటి అని చెబుతున్నారు.

* ప్రొటీన్‌ ఎక్కువగా లభించే వాటిలో అవిసెగింజలు ఒకటి. వీటిని క్రమం తప్పకుండా ఓ చెంచా అయినా తినగలిగితే... కండరాలు ఆరోగ్యంగా ఉంటాయి.

* అవిసె గింజల్లో ఒమేగా-3 ఫ్యాటీ యాసిడ్లు, పీచు, ప్రొటీన్లు, యాంటీఆక్సిడెంట్లు తగినంతగా లభిస్తాయి. వీటిలోని ఆల్ఫాలినోలెనిక్‌ యాసిడ్‌ గుండెకు రక్తసరఫరా చేసే నాళాల్లో కొలెస్ట్రాల్‌ని పేరుకోనీయదు. ఈ గింజలను రాత్రంతా నానబెట్టి ఉదయాన్నే తీసుకుంటే మలబద్ధకం అదుపులోకి వస్తుంది. ఇందులో ఉండే థయామిన్‌... కణాల ఆరోగ్యాన్నీ, జీవక్రియల పనితీరునీ మెరుగు పరచడంలో కీలకం.

* అవిసెగింజలు హార్మోన్లను సమతులం చేస్తాయి. ఫలితంగా నెలసరులు క్రమం తప్పకుండా ఉంటాయి. అవిసె గింజల్లోని ఒమేగా-3 యాసిడ్లు కొలెస్ట్రాల్‌ స్థాయుల్ని నియంత్రిస్తాయి. ఫలితంగా బరువూ తగ్గొచ్చు.

* గింజల్లో దొరికే లిగ్నాన్స్‌ క్యాన్సర్‌ నిరోధకంగా పనిచేస్తాయి. రక్తపోటుని నియంత్రించి రక్తం గడ్డకట్టే సమస్యల్ని అదుపులో ఉంచుతాయి. ఒత్తిడినీ తగ్గిస్తాయి.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని