మొక్కలమ్మి రూ.కోట్లు సంపాదిస్తోంది!
తపన, పట్టుదల ఉంటే ఏ కలనైనా నెరవేర్చుకోవచ్చని నిరూపిస్తోంది రమణ్దీప్ కౌర్. కొత్తగా ఏదైనా చేయాలనే ఆలోచనతో ఉద్యోగం మానేసి నర్సరీ వ్యాపారం మొదలుపెట్టిన కౌర్కి లాక్డౌన్ రూపంలో ఎదురుదెబ్బ తగిలింది.
తపన, పట్టుదల ఉంటే ఏ కలనైనా నెరవేర్చుకోవచ్చని నిరూపిస్తోంది రమణ్దీప్ కౌర్. కొత్తగా ఏదైనా చేయాలనే ఆలోచనతో ఉద్యోగం మానేసి నర్సరీ వ్యాపారం మొదలుపెట్టిన కౌర్కి లాక్డౌన్ రూపంలో ఎదురుదెబ్బ తగిలింది. ఆశలన్నీ చెదిరినా... పరిస్థితులకు ఎదురీది అవకాశాలు సృష్టించు కోవటమే కాదు... రూ.5 కోట్ల టర్నోవర్నూ సాధించింది. ఆ విజయ గాథను మనమూ తెలుసుకుందామా!
మాన్సాలో పుట్టి పెరిగిన రమణ్దీప్ కౌర్ 2013లో పెళ్లయ్యాక లూథియానాలో స్థిరపడింది. చేసే ఉద్యోగంలో కొత్తదనమేమీ కనిపించలేదు కౌర్కి. దాంతో ఉద్యోగానికి స్వస్తి చెప్పి 2020లో ‘బొటానికా ది నర్సరీ’ ప్రారంభించింది. అయితే, కొవిడ్ రాకతో వ్యాపార కార్యకలాపాలు ఏడాదిపాటు పూర్తిగా స్తంభించిపోయాయి. ఏం చేయాలో తెలియని స్థితి.. అయినా ఆత్మ విశ్వాసాన్ని కోల్పోలేదు కౌర్. కొత్త అవకాశాలు వెతికింది. కొవిడ్ సమయంలోనూ అవసరమైన వారికి ఇంటికే మొక్కలను డెలివరీ చేయటం మొదలుపెట్టింది.
విదేశాలకూ..
తొలినాళ్లలో ఒక ఎకరాలో నర్సరీని నిర్వహించిన కౌర్.. తను తీసుకొచ్చిన డెలివరీ విధానానికి మంచి స్పందన లభించడంతో మరో 3 ఎకరాలు లీజుకు తీసుకుంది. ప్రస్తుతం లూథియానాలోని బిర్మి గ్రామంలో ఐదున్నర ఎకరాల్లో బొటానికల్ నర్సరీ నిర్వహిస్తోంది. ఇందులో వెయ్యి రకాల మొక్కలు సాగుచేస్తోంది. అన్నిరకాల పూలు, బోన్సాయ్, పండ్ల మొక్కలు, విత్తనాల వంటి వాటిని స్పెయిన్, చైనా తదితర దేశాలకూ ఎగుమతి చేస్తోంది. దేశవిదేశాల్లోని ప్రఖ్యాత సంస్థలకూ బొకేలు, మొక్కలను సరఫరా చేస్తోంది. ఎంపిక చేసుకున్న మొక్కలను 3 నెలలపాటు ప్రత్యేక శ్రద్ధతో పర్యవేక్షిస్తోంది కూడా. ఇన్స్టాగ్రామ్లో ‘బొటానికా ది నర్సరీ’ పేరుతో వీడియోలు పోస్టు చేస్తోన్న కౌర్..,అవసరమైన వారికి ఇంటికే మొక్కలను పంపిస్తుంది. ప్రస్తుతం రూ.5 కోట్లుగా ఉన్న టర్నోవర్ను, 5 ఏళ్లలో రూ.50కోట్లకు చేర్చడమే తన ధ్యేయమంటోంది. తల్లిదండ్రులు పిల్లల విదేశీ చదువులకు అయ్యే ఖర్చుని వాళ్ల ఆలోచనలకు పెట్టుబడిగా పెడితే..యువత అద్భుతాలు సాధించడం ఖాయమంటోందీమె. తన వద్ద ఉపాధి పొందుతున్న వారిలో ఎక్కువమంది మహిళలే కావటం విశేషం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- పాదాలు పదిలంగా
- స్లిట్... మరింత స్టైల్గా!
- చల్లటి పాలతో..!
- Makeup: ఈ పొరపాట్లు వద్దు!
- మ్యాచింగ్ పోట్లీ మస్తుంది!
ఆరోగ్యమస్తు
- కోపాన్ని తగ్గించే శశాంకాసనం!
- పోషకాల ‘పుట్ట’... ఆరోగ్యానికి ‘గొడుగు’
- అలసట లేకుండా పని చేయాలంటే..!
- ఎత్తును బట్టే..!
- Nayanthara : నచ్చిందే తింటా.. నోరు కట్టేసుకోను!
అనుబంధం
- మీరైతే ఏం చేస్తారు?
- కొలీగ్తో రెండో పెళ్లి.. పేరెంట్స్ వద్దంటున్నారు!
- ‘777’ నియమంతో... బంధం బలోపేతం!
- పిల్లలకు ఎలాంటి పుస్తకం కొంటున్నారు..?
- వాళ్ల ప్రేమ నిజమా? నకిలీనా?
యూత్ కార్నర్
- ఒలింపిక్స్ బరిలో... బిహార్ ఎమ్మెల్యే!
- Paris Olympics: అందుకే ఈసారి వీళ్లు ప్రత్యేకం!
- పాపులారిటీ కోసం ప్రాణాలెందుకు రిస్క్లో పెడతారు?!
- తెలుగమ్మాయి... బ్రిటన్లో మెరిసింది!
- వాళ్లున్నప్పుడు మారిపోతాడు!
'స్వీట్' హోం
- వర్షాలకు మొక్కలు పాడవకుండా..!
- మొక్కలకు కాఫీ పొడి వేస్తున్నారా?
- తగిలిస్తే... పిల్లి వచ్చే!
- నూరు వరహాలతో నిండుగా
- వ్యాపారమా... ఉద్యోగమా?
వర్క్ & లైఫ్
- కత్రినా ‘స్లిమ్’ బాడీ.. ఆ సీక్రెట్స్ ఇవే!
- Flower Truck Business: అందమైన పూల బొకేలతో.. లక్షలు సంపాదిస్తూ..!
- బరువెక్కుతున్న తెలుగు రాష్ట్రాలు!
- ఈ అలవాట్లే మనల్ని ధనవంతుల్ని చేస్తాయట!
- కేర్ టేకర్లు... కోట్లలో కావలెను!