Published : 08/11/2021 00:37 IST

అవసరానికే అప్పు...

అబ్బాయిలతో సమానంగా అమ్మాయిలూ ఉద్యోగాలు చేస్తున్నారు. వాటిని తమ చేతిమీదిగా ఉపయోగించే ఆర్థిక స్వాతంత్య్రమూ పెరిగింది. అంతవరకూ బాగానే ఉన్నా...పొదుపుపై దృష్టిపెట్టకపోతే ఆర్థిక క్రమశిక్షణ దెబ్బతింటుంది. అందుకోసం ఏం చేయాలంటే....

* ఎంత చెట్టుకి అంతగాలి అన్నట్లు... రాబడికి తగ్గట్లే ఖర్చు లెక్కలు వేసుకోవాలి. అంతకు మించి ఖర్చుపెట్టేస్తున్నారంటే...మీ బండి గాడి తప్పుతున్నట్లే. దానికి అడ్డుకట్ట వేయాలంటే...మీ ఖర్చులకో ప్రణాళిక ఉండాలి. సర్దుబాట్లు చేసుకోవాలి. అప్పుడే...ఒత్తిడికి లోనవకుండా ఉండగలరు.

* ఖర్చు చేసే ప్రతిరూపాయికీ లెక్క ఉండాలి. దాన్ని నెల తిరిగాక చూసుకుని అనవసరమైన ఖర్చులకు కోత వేయవచ్చు. అలా ఖర్చు తగ్గించుకోగలిగేవాటిలో బయట తినే ఆహారం, షాపింగ్‌, ప్రయాణాలు, ఫోన్‌-ఇంటర్నెట్‌ వాడకం వంటివన్నీ ఉంటాయి. కష్టమైనా తప్పదు. క్రమంగా అదే అలవాటు అవుతుంది.

* అప్పు అవసరానికే అనే విషయం మరిచిపోతుంటారు. పొదుపు చేయకపోగా చిన్న చిన్న ఖర్చుల్నీ అదుపు చేసుకోలేకపోతే...ఈ అలవాటు తలకు మించిన భారం కావొచ్చు. అలానే జీతంలో కనీసం పదిశాతం భవిష్యత్తు అవసరాల కోసం దాచగలిగితే...ఒడిదొడుకులకు లోనుకాకుండా ఉంటారు.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

బ్యూటీ & ఫ్యాషన్

ఆరోగ్యమస్తు

అనుబంధం

యూత్ కార్నర్

'స్వీట్' హోం

వర్క్ & లైఫ్

సూపర్ విమెన్