Updated : 29/11/2022 12:51 IST

ముడతలకు తేనె..

తేనెలోని ఔషధ గుణాలు ఆరోగ్యానికే కాదు.. అందానికీ మేలుచేస్తాయి. అయితే దాన్నెలా వాడాలో తెలుసుకుంటే చాలు..

ముఖ కాంతికి: తరచూ బయట తిరిగే వారి చర్మం నల్లగా మారుతుంది. కళ తగ్గుతుంది. ఇలాంటప్పుడు తేనె చక్కగా ఉపయోగపడుతుంది. ఉదయాన్నే కాసిని పచ్చిపాలలో చెంచా తేనె, రెండు చెంచాల సెనగపిండి కలపాలి. దాన్ని ముఖానికి పూతలా వేసుకోవాలి. ఇరవై నిమిషాలయ్యాక చన్నీళ్లతో ముఖాన్ని కడిగేసుకుంటే చాలు. ఇలా రోజూ చేస్తుంటే చర్మంపై పేరుకున్న నలుపుదనం పోతుంది. ముఖం కాంతిమంతంగా మెరిసిపోతుంది.
మొటిమలకు: టీనేజీ అమ్మాయిల ప్రధాన సమస్య మొటిమలు. వాటి తాలూకు మచ్చలూ ఇబ్బంది పెడుతుంటాయి కూడా. ఇలాంటప్పుడు చెంచా తేనెలో రెండు చెంచాల నిమ్మరసం, కాస్త గులాబీనీరూ కలిపి ముఖానికి రాసుకోవాలి. దీన్ని పడుకోవడానికి ముందు రాసుకుని ఆరాక కడిగేసుకుంటే సరి. ఇలా రోజూ చేస్తుంటే ఫలితం కనిపిస్తుంది.
ముడతలు: అవును ఏ మాత్రం అశ్రద్ధ చేసినా ముఖంపై ముడతలు ఇట్టే మొదలవుతాయి. ఇలాంటప్పుడు పావుకప్పు తేనెలో గుడ్డులోని తెల్లసొన కలపాలి. దానికి చెంచా నిమ్మరసం చేర్చి బాగా గిలకొట్టి ముఖం, మెడా, చేతులకు పూతలా వేయాలి. బాగా ఆరాక కడిగేయాలి. ఇది ముడతల ప్రభావాన్ని తగ్గించడమే కాదు.. ముఖానికి యౌవనకాంతినీ ఇస్తుంది.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

బ్యూటీ & ఫ్యాషన్

ఆరోగ్యమస్తు

అనుబంధం

యూత్ కార్నర్

'స్వీట్' హోం

వర్క్ & లైఫ్

సూపర్ విమెన్