జుట్టుకు తేమనందించండిలా!
ప్రస్తుతమున్న వాతావరణ కాలుష్యం, మనం తీసుకునే ప్రాసెస్డ్ ఫుడ్ కారణంగా కేశ సంపద రోజురోజుకీ తగ్గిపోవడంతో పాటు వివిధ రకాల జుట్టు సమస్యలు తలెత్తుతున్నాయి. అలా జరగకుండా ఉండాలంటే ఇంట్లో లభించే కొన్ని సహజసిద్ధమైన హెయిర్ మాస్కుల్ని....
ప్రస్తుతమున్న వాతావరణ కాలుష్యం, మనం తీసుకునే ప్రాసెస్డ్ ఫుడ్ కారణంగా కేశ సంపద రోజురోజుకీ తగ్గిపోవడంతో పాటు వివిధ రకాల జుట్టు సమస్యలు తలెత్తుతున్నాయి. అలా జరగకుండా ఉండాలంటే ఇంట్లో లభించే కొన్ని సహజసిద్ధమైన హెయిర్ మాస్కుల్ని ప్రయత్నించాల్సిందే!
పెరుగు
పెరుగు ముఖవర్చస్సును పెంపొందించడానికి మాత్రమే కాదు.. కేశాలకు సహజసిద్ధంగా తేమను అందించడానికి కూడా ఉపయోగపడుతుంది. ఇందులో అధిక మొత్తంలో ఉండే ప్రొటీన్ జుట్టు కోల్పోయిన తేమను తిరిగి అందించడానికి దోహదం చేస్తుంది. కప్పు పెరుగులో గుడ్డు, నిమ్మరసం.. కొద్ది మోతాదులో వేసి బాగా కలుపుకోవాలి. ఈ మిశ్రమాన్ని ఉదయాన్నే తలకు పట్టించి కొద్దిసేపు అలాగే ఉంచుకోవాలి. తర్వాత శుభ్రపరచుకుంటే జుట్టుకు తేమ అంది కేశాలు నిగనిగలాడతాయి.
అవకాడో
అవకాడో జుట్టుకు సహజసిద్ధమైన మాయిశ్చరైజర్గా పనిచేస్తుంది. ఇందులో భాగంగా.. సగం అవకాడో ముక్కను తీసుకుని మెత్తగా చేసుకోవాలి. తర్వాత పుదీనా ఆకుల పొడి, ఆలివ్ నూనె, తేనె.. ఈ మూడింటిని చెంచా చొప్పున తీసుకొని అవకాడో పేస్ట్లో వేసుకొని బాగా కలుపుకోవాలి. ఈ మిశ్రమాన్ని జుట్టుకు పట్టించిన అనంతరం పుదీనా టీతో తలపై స్ప్రే చేసుకోవాలి. కాసేపటి తర్వాత జుట్టును శుభ్రపరచుకుంటే సరిపోతుంది. ఈ మాస్క్ వల్ల నిర్జీవమైన జుట్టు తిరిగి ప్రకాశవంతంగా మారడంతో పాటు కేశాలకు తగినంత తేమ అందుతుంది.
అరటిపండు
అరటిపండు రుచికే కాదు.. జుట్టుకు సహజసిద్ధంగా తేమను అందించడానికి కూడా ఉపయోగపడుతుంది. బాగా పండిన అరటిపండును తీసుకొని మెత్తగా చేసుకోవాలి. అందులో చెంచా బాదం నూనె వేసి బాగా కలుపుకోవాలి. ఈ మిశ్రమాన్ని కుదుళ్లకు, జుట్టుకు పట్టించి కాసేపు ఉంచుకోవాలి. అనంతరం శుభ్రపరచుకుంటే మృదువైన కేశాలు మీ సొంతమవుతాయి. అలాగే జుట్టుకు సరైన పోషణ లభించి, అవి తేమను సంతరించుకుంటాయి.
కోడిగుడ్డు
ఒక కోడిగుడ్డు మిశ్రమంలో కొద్దిగా ఆలివ్ నూనె వేసి బాగా కలుపుకోవాలి. ఈ మిశ్రమాన్ని జుట్టుకు, కుదుళ్లకు పట్టించి కాసేపు అలాగే ఉంచుకోవాలి. తర్వాత కడిగేస్తే జుట్టు పట్టులా తయారవుతుంది. ముఖ్యంగా గుడ్డులోని పచ్చసొన జుట్టుకు పటుత్వాన్ని అందించి దృఢంగా చేస్తుంది. దీనికి కారణం ఇందులోని ప్రొటీనే. అంతేకాదు.. ఈ మాస్క్ జుట్టుకు సహజసిద్ధమైన మాయిశ్చరైజర్లా పనిచేస్తుంది.
గుమ్మడికాయ
జుట్టుకు సహజసిద్ధంగా తేమను అందించడానికి గుమ్మడికాయ, తేనె మిశ్రమం కూడా తోడ్పడుతుంది. కొన్ని గుమ్మడికాయ ముక్కల్ని తీసుకుని మెత్తగా చేసుకోవాలి. అందులో రెండు చెంచాల తేనె వేసి పేస్ట్లా కలుపుకోవాలి. ఈ మిశ్రమాన్ని కేశాలకు, కుదుళ్లకు పట్టించి క్యాప్ పెట్టుకోవాలి. పావుగంట తర్వాత కేశాల్ని శుభ్రపరచుకోవాలి. అంతే.. తేమతో నిగనిగలాడే జుట్టును మీ సొంతం చేసుకోవచ్చు. ముఖ్యంగా గుమ్మడిలోని ఎ, సి విటమిన్లు, బీటా కెరోటిన్, జింక్, పొటాషియం.. వంటివన్నీ కురుల ఆరోగ్యానికి దోహదం చేస్తాయి. అలాగే కేశాల్ని మాయిశ్చరైజ్ చేయడంలో ముఖ్య పాత్ర పోషిస్తాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- పాదాలు పదిలంగా
- స్లిట్... మరింత స్టైల్గా!
- చల్లటి పాలతో..!
- Makeup: ఈ పొరపాట్లు వద్దు!
- మ్యాచింగ్ పోట్లీ మస్తుంది!
ఆరోగ్యమస్తు
- కోపాన్ని తగ్గించే శశాంకాసనం!
- పోషకాల ‘పుట్ట’... ఆరోగ్యానికి ‘గొడుగు’
- అలసట లేకుండా పని చేయాలంటే..!
- ఎత్తును బట్టే..!
- Nayanthara : నచ్చిందే తింటా.. నోరు కట్టేసుకోను!
అనుబంధం
- మీరైతే ఏం చేస్తారు?
- కొలీగ్తో రెండో పెళ్లి.. పేరెంట్స్ వద్దంటున్నారు!
- ‘777’ నియమంతో... బంధం బలోపేతం!
- పిల్లలకు ఎలాంటి పుస్తకం కొంటున్నారు..?
- వాళ్ల ప్రేమ నిజమా? నకిలీనా?
యూత్ కార్నర్
- ఒలింపిక్స్ బరిలో... బిహార్ ఎమ్మెల్యే!
- Paris Olympics: అందుకే ఈసారి వీళ్లు ప్రత్యేకం!
- పాపులారిటీ కోసం ప్రాణాలెందుకు రిస్క్లో పెడతారు?!
- తెలుగమ్మాయి... బ్రిటన్లో మెరిసింది!
- వాళ్లున్నప్పుడు మారిపోతాడు!
'స్వీట్' హోం
- వర్షాలకు మొక్కలు పాడవకుండా..!
- మొక్కలకు కాఫీ పొడి వేస్తున్నారా?
- తగిలిస్తే... పిల్లి వచ్చే!
- నూరు వరహాలతో నిండుగా
- వ్యాపారమా... ఉద్యోగమా?
వర్క్ & లైఫ్
- కత్రినా ‘స్లిమ్’ బాడీ.. ఆ సీక్రెట్స్ ఇవే!
- Flower Truck Business: అందమైన పూల బొకేలతో.. లక్షలు సంపాదిస్తూ..!
- బరువెక్కుతున్న తెలుగు రాష్ట్రాలు!
- ఈ అలవాట్లే మనల్ని ధనవంతుల్ని చేస్తాయట!
- కేర్ టేకర్లు... కోట్లలో కావలెను!