కమ్మలమ్మి... కుట్టుపని నేర్చుకుని!
ఊళ్లో ఏడోతరగతి వరకే ఉంది...పైచదువులకి వెళ్లాలంటే బస్సు సదుపాయం లేని పల్లెటూరు. అయితేనేం... కుట్టుపని నేర్చుకుని.. వ్యాపారవేత్తగా ఎదిగారు లత నడుకుడ. ఉచిత శిక్షణ- ఉపాధి కల్పన అనే నినాదంతో మహిళలకు అండగా నిలుస్తున్న ఆమె విజయగాథ ఇది.
ఊళ్లో ఏడోతరగతి వరకే ఉంది...పైచదువులకి వెళ్లాలంటే బస్సు సదుపాయం లేని పల్లెటూరు. అయితేనేం... కుట్టుపని నేర్చుకుని.. వ్యాపారవేత్తగా ఎదిగారు లత నడుకుడ. ఉచిత శిక్షణ- ఉపాధి కల్పన అనే నినాదంతో మహిళలకు అండగా నిలుస్తున్న ఆమె విజయగాథ ఇది..
జగిత్యాల జిల్లాలోని యూసుఫ్నగర్లో ఉండేవాళ్లం. ఇద్దరన్నయ్యల తర్వాత నేను. ఏడో తరగతి వరకే చదువుకున్నా. ఆపై చదువుకుందామని ఉన్నా... మండల కేంద్రం కోరుట్లకి వెళ్లాలి. కానీ బస్సు సదుపాయం లేకపోవడంతో ఆ ఆలోచన మానుకున్నా. ఇంట్లో ఖాళీగా ఉండటం ఇష్టం లేక కుట్టుపని నేర్చుకుందామనుకున్నా. ఆ పనికీ చేతిలో డబ్బుల్లేవు. దాంతో నా చెవికమ్మలు తాకట్టు పెట్టి ఫీజు కట్టాను. ఇష్టంగా నేర్చుకున్నానేమో బ్లవుజులు, డ్రెస్సులు ఏవైనా ఇట్టే కుట్టేసేదాన్ని. ఆసక్తి ఉన్నవాళ్లకి ఫీజు తీసుకుని నేర్పించేదాన్ని. మావారు దేవేందర్ది నిజామాబాద్ జిల్లాలోని మోతే గ్రామం. హోంగార్డుగా పనిచేసేవారు. అనుకోని కారణాలతో ఆయన ఉద్యోగం కోల్పోయారు. అప్పటికే మాకో పాప. దాంతో ఆర్థికంగా అనేక సమస్యలు ఎదుర్కోవాల్సి వచ్చింది. ఆ సమయంలో నేను నేర్చుకున్న టైలరింగే నా కుటుంబానికి బాసటగా నిలిచింది. బ్యాంకు రుణం తీసుకొని 2014లో ఇంట్లోనే ‘శ్రీలత లేడీస్ టైలర్స్ అండ్ గార్మెంట్స్’ని ప్రారంభించా. చిన్నచిన్న ఆర్డర్లనీ వదలకుండా బ్లవుజులు, దుస్తులు కుట్టేదాన్ని. ప్రభుత్వ పాఠశాలల యూనిఫామ్స్, టై, బెల్టులు... ఆర్డర్స్ తీసుకుని నలుగురు మహిళలతో కుట్టించేదాన్ని. ఇంతలో నాకు మూడోసారి ప్రెగ్నెన్సీ వచ్చి, గర్భస్రావం అయ్యింది. ఆ సమయంలో ఆపరేషన్ చేయించుకోవడానికి రూ.లక్ష ఖర్చవుతుందన్నారు. చేతిలో అంత డబ్బులేదు. మా డాక్టరమ్మ మంచిది కాబట్టి డబ్బులేకపోయినా శస్త్రచికిత్స చేసి ప్రాణాలు కాపాడింది. అలాంటి పరిస్థితి ఎవరికీ రాకూడదని.. ఆ సమయంలో మహిళలకి ఉచిత శిక్షణ ఇవ్వాలని అనుకున్నా. అప్పట్నుంచీ పెద్ద మొత్తంలో ఆర్డర్లు తీసుకుని, తోటి మహిళలకి ఉపాధి కల్పిస్తున్నా.
కొవిడ్ మార్చేసింది...
కొవిడ్ సమయంలో మాస్క్లకు గిరాకీ పెరిగింది కదా! అప్పుడు జిల్లా కలెక్టర్ ఆదేశాల మేరకు 15 రోజుల్లో లక్ష మాస్కులు కుట్టివ్వాలన్నారు. అందుకు అవసరమైన ముడిసరకు కోసం బంగారం తాకట్టు పెట్టి, మెషినరీ సమకూర్చుకున్నా. అప్పుడే మొదటిసారి రూ. 3లక్షల ఆదాయం లభించింది. అందులోంచి లక్ష రూపాయలతో మా దగ్గరున్న మహిళలకు ఇంటి సరకులు పంపిణీ చేశా. ప్రభుత్వ, ప్రైవేటు ఆసుపత్రుల్లోని వైద్యులకు పీపీఈ కిట్లు కుట్టాం. ఆ తర్వాత తెలంగాణలోని 15 జిల్లాల్లోని 20 వేల మంది ఆశావర్కర్లకు బ్లవుజులు కుట్టడానికి ఆర్డర్ వచ్చింది. వాటిని సకాలంలో అందించడంతో... ప్రభుత్వ, ప్రైవేటు ఆసుపత్రులకు కావాల్సిన బెడ్ షీట్స్, పిల్లో కవర్స్ కుట్టేందుకు ఆర్డర్లు వచ్చాయి. అలా ఆర్డర్లని సకాలంలో అందిస్తూ ప్రస్తుతం దాదాపు వెయ్యి మందికి పైగా ఉపాధి కల్పిస్తున్నాం. వీరికి నెలకి రూ. 15 నుంచి 20 వేల ఆదాయం లభిస్తుంది. తెలంగాణ దశాబ్ది ఉత్సవాల్లో ఉత్తమ వ్యాపారవేత్తగా అవార్డునీ అందుకున్నా. భవిష్యత్లో మరింత మందికి ఉపాధి కల్పించాలనే లక్ష్యంతో ముందుకు సాగుతున్నా.
మంత్రి భాస్కర్, ఈటీవీ
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- Makeup: ఈ పొరపాట్లు వద్దు!
- మ్యాచింగ్ పోట్లీ మస్తుంది!
- అందానికి చింతపండు..!
- నిర్మలమ్మ ‘బడ్జెట్’ శారీస్.. చీరచీరకో ప్రత్యేకత!
- చినుకుల్లో కురులు జాగ్రత్త!
ఆరోగ్యమస్తు
- ఎత్తును బట్టే..!
- Nayanthara : నచ్చిందే తింటా.. నోరు కట్టేసుకోను!
- ‘అమ్మా’ అనే పిలుపు వినాలని!
- మీ మౌత్వాష్ ఎలాంటిది?
- చాందీపుర వైరస్.. పిల్లల విషయంలో ఈ జాగ్రత్తలు తప్పనిసరి!
అనుబంధం
- కొలీగ్తో రెండో పెళ్లి.. పేరెంట్స్ వద్దంటున్నారు!
- నియమం ‘777’తో... బంధం బలోపేతం!
- పిల్లలకు ఎలాంటి పుస్తకం కొంటున్నారు..?
- వాళ్ల ప్రేమ నిజమా? నకిలీనా?
- Sushmita Sen: లైంగిక అంశాల గురించి నా పిల్లలతో అలా చర్చిస్తా!
యూత్ కార్నర్
- పాపులారిటీ కోసం ప్రాణాలెందుకు రిస్క్లో పెడతారు?!
- తెలుగమ్మాయి... బ్రిటన్లో మెరిసింది!
- వాళ్లున్నప్పుడు మారిపోతాడు!
- రెండేళ్ల కష్టం... రూ.54 లక్షల ఉద్యోగం!
- మలార్ వాట్సాప్... టీచర్!
'స్వీట్' హోం
- వర్షాలకు మొక్కలు పాడవకుండా..!
- మొక్కలకు కాఫీ పొడి వేస్తున్నారా?
- తగిలిస్తే... పిల్లి వచ్చే!
- నూరు వరహాలతో నిండుగా
- వ్యాపారమా... ఉద్యోగమా?
వర్క్ & లైఫ్
- Flower Truck Business: అందమైన పూల బొకేలతో.. లక్షలు సంపాదిస్తూ..!
- బరువెక్కుతున్న తెలుగు రాష్ట్రాలు!
- ఈ అలవాట్లే మనల్ని ధనవంతుల్ని చేస్తాయట!
- కేర్ టేకర్లు... కోట్లలో కావలెను!
- ఆఫీసులో ఒత్తిడి తగ్గుతుందిలా..