పండక్కి పోషకాల విందు
ఈ మూడ్రోజులూ నోరూరించే పిండి వంటలూ, కాలానుగుణంగా పండే పంటలూ రుచి చూడకుండా ఉండలేం. మితంగా తింటే చాలు బోలెడు పోషకాలను అందిస్తాయివి.
ఈ మూడ్రోజులూ నోరూరించే పిండి వంటలూ, కాలానుగుణంగా పండే పంటలూ రుచి చూడకుండా ఉండలేం. మితంగా తింటే చాలు బోలెడు పోషకాలను అందిస్తాయివి. మరి అవేంటో ఆ ప్రయోజనాలేంటో తెలుసుకుందామా!
పరమాన్నం/పొంగలి...
సంక్రాంతి నాడు పరమాన్నం/పొంగలి తప్పనిసరిగా వండుకుంటాం. పాలూ, బెల్లం, బియ్యం, యాలకులపొడి వేసి చేసే ఈ వంటకం ఉడికేటప్పుడు గరిటెకు బదులు చెరకు ముక్కలతో తిప్పుతూ ఉంటారు. దీంతో దీనికి మరింత రుచి వస్తుంది. చెరకు జీర్ణశక్తికి మేలు చేస్తుంది. ఒంట్లోని వేడిని తగ్గిస్తుంది. ఇందులో వాడే పాల నుంచి క్యాల్షియం, ఫాస్ఫరస్ మెగ్నీషియం... తక్షణ శక్తిని అందిస్తాయి. ఎముకలూ, దంతాల ఆరోగ్యానికి మేలు చేస్తాయి. ఇక, ఉడికించిన అన్నం నుంచి జింక్, మాంగనీస్ అధికంగా లభిస్తాయి. పరమాన్నంలో బెల్లందే కీలక పాత్ర. ఇందులోని ఖనిజాలు రోగ నిరోధక శక్తిని పెంచి, జీర్ణవ్యవస్థను మెరుగ్గా పనిచేసేలా చేస్తాయి. రక్తహీనతనూ దరిచేరనివ్వవు. యాలకులు నోటి దుర్వాసన దూరం చేస్తాయి.
అరిసెలు...
సంక్రాంతి పండగ వచ్చిందంటే చాలు మొదట గుర్తొచ్చేవి అరిసెలే.. బెల్లంతో చేసిన అరిసెలు ఆరోగ్యానికి శ్రేష్టం. వీటి తయారీలో కొత్త బియ్యపు పిండి, నూనె, బెల్లం, నువ్వులు వాడతారు. ఇందులో వాడే బెల్లం రక్తాన్ని శుద్ధి చేయడంతోపాటు శరీరంలో ఉన్న వ్యర్థాలను తొలగిస్తాయి. వీటిలో కార్బొహైడ్రేట్లు అధికంగా ఉంటాయి. ఐరన్తో పాటు పలు పోషకాలూ శరీరానికి లభిస్తాయి.
సున్నుండలు...
పండక్కి వచ్చే కొత్త అల్లుళ్లను మెప్పించడానికే కాదు... ఆటలతో అలసిపోయే చిన్నారులకూ, పనులతో ఒత్తిడికి గురయ్యే మహిళలకూ తక్షణ శక్తినీ, పోషకాలనూ పుష్కలంగా అందించే స్వీటు సున్నుండ. దీని తయారీకి వాడే మినపప్పులో శరీరానికి కావలసిన ప్రొటీన్లూ, కొవ్వులూ, కార్బోహైడ్రేట్లూ పుష్కలంగా దొరుకుతాయి. ఇవి రోజంతా ఉత్సాహంగా ఉండగలిగే శక్తిని అందిస్తాయి. శరీర జీవక్రియా రేటుని మెరుగుపరుస్తాయి. బెల్లం రక్తాన్ని శుద్ధిచేస్తే, నెయ్యి ద్వారా ప్రొటీన్లు, అందుతాయి. హోర్మోన్లను సమతుల్యంగా ఉంచడంలో సున్నుండలు బాగా పనిచేస్తాయి.
గారెలు...
పెద్ద పండక్కి చేసుకునే పిండివంటల్లో గారెలు లేకపోతే ఎలా? చిల్లు గారెల్ని నాటుకోడి మాంసంతో నంజుకుని తింటుంటే ఆ రుచే వేరు కదా! చికెన్ సంగతి అలా ఉంచితే గారెల రుచీ, పోషకాల గురించి ఎంత చెప్పినా తక్కువే. మాంసకృత్తులతో పాటూ ఖనిజాలూ ఎక్కువ మోతాదులో ఉండే ఇవి రెండు తింటే చాలు పొట్ట నిండిన భావన కలుగుతుంది. అచ్చంగా మినపప్పుతో చేసే ఇవి తక్షణ శక్తినీ, ఎముక, కండరాలకూ బలాన్నిస్తాయి.
గుమ్మడి పులుసు/కలగూర కూర...
సాధారణంగా ఎప్పుడూ గుర్తుకురాని గుమ్మడి చాలా ప్రాంతాల వారికి సంక్రాంతి పండక్కి కచ్చితంగా గుర్తొస్తుంది. పోషకాలన్నీ పొట్టలో నింపేసుకొన్న ఈ కాయతో పులుసూ, కూర వంటివి చేస్తారు. దీనిలో మెగ్నీషియంతో పాటూ ఐరన్, విటమిన్ ఎ, డి, ఇ, కె వంటివెన్నో దొరుకుతాయి. హార్మోన్లను సమతుల్యం చేసి రోగనిరోధక వ్యవస్థని బలపరుస్తాయి. ఇక, కొన్ని ప్రాంతాల్లో కలగూరనూ వండుతారు. ఈ కాలంలో దొరికే కూరగాయలన్నీ కలిపి వండటం వల్ల విటమిన్లూ, పోషకాలూ, ఖనిజాలు వంటివన్నీ శరీరానికి సక్రమంగా అందుతాయి. ఇవి జీవ క్రియలు చక్కగా జరిగేలా చూస్తాయి.
జంతికలు...
అన్నీ తీపి పదార్థాలే తిన్నప్పుడు...జిహ్వకు కాస్త కారం తగిలితే బాగుండును అనిపిస్తుంది. అలాంటివారికి పండగ పూట వెంటనే గుర్తొస్తాయి జంతికలు. ఇందులో వాడే శనగ పిండి, బియ్యపు పిండి కార్బోహైడ్రేట్లను, ప్రోటీన్లను అందిస్తే నువ్వులు ఇనుమూ, క్యాల్షియం వంటి ఖనిజాల్ని అందిస్తాయి. ఇక ఇందులో ఉపయోగించే కారం నుంచి విటమిన్ ఎ, సిలు రోగ నిరోధక శక్తిని పెంచడంలో కీలకంగా పనిచేస్తాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- పాదాలు పదిలంగా
- స్లిట్... మరింత స్టైల్గా!
- చల్లటి పాలతో..!
- Makeup: ఈ పొరపాట్లు వద్దు!
- మ్యాచింగ్ పోట్లీ మస్తుంది!
ఆరోగ్యమస్తు
- అలసట లేకుండా పని చేయాలంటే..!
- కోపాన్ని తగ్గించే శశాంకాసనం!
- పోషకాల ‘పుట్ట’... ఆరోగ్యానికి ‘గొడుగు’
- ఎత్తును బట్టే..!
- Nayanthara : నచ్చిందే తింటా.. నోరు కట్టేసుకోను!
అనుబంధం
- నా ఉత్తరాలు చూసి.. కన్నీళ్లతో హత్తుకున్నారు.. తీరు మార్చుకున్నారు!
- కొలీగ్తో రెండో పెళ్లి.. పేరెంట్స్ వద్దంటున్నారు!
- ‘777’ నియమంతో... బంధం బలోపేతం!
- పిల్లలకు ఎలాంటి పుస్తకం కొంటున్నారు..?
- వాళ్ల ప్రేమ నిజమా? నకిలీనా?
యూత్ కార్నర్
- Paris Olympics: అందుకే ఈసారి వీళ్లు ప్రత్యేకం!
- ఒలింపిక్స్ బరిలో... బిహార్ ఎమ్మెల్యే!
- పాపులారిటీ కోసం ప్రాణాలెందుకు రిస్క్లో పెడతారు?!
- తెలుగమ్మాయి... బ్రిటన్లో మెరిసింది!
- వాళ్లున్నప్పుడు మారిపోతాడు!
'స్వీట్' హోం
- ఏడిపిస్తోంటే... ప్రేమంటున్నారు!
- వర్షాలకు మొక్కలు పాడవకుండా..!
- మొక్కలకు కాఫీ పొడి వేస్తున్నారా?
- తగిలిస్తే... పిల్లి వచ్చే!
- నూరు వరహాలతో నిండుగా
వర్క్ & లైఫ్
- కత్రినా ‘స్లిమ్’ బాడీ.. ఆ సీక్రెట్స్ ఇవే!
- Flower Truck Business: అందమైన పూల బొకేలతో.. లక్షలు సంపాదిస్తూ..!
- బరువెక్కుతున్న తెలుగు రాష్ట్రాలు!
- ఈ అలవాట్లే మనల్ని ధనవంతుల్ని చేస్తాయట!
- కేర్ టేకర్లు... కోట్లలో కావలెను!