Flight: 13 గంటలు ప్రయాణించి టేకాఫ్ అయిన చోటే ల్యాండింగ్..

సుమారు 13 గంటలపాటు ప్రయాణించిన విమానం.. ఎక్కడి నుంచి టేకాఫ్‌ అయిందో, మళ్లీ అక్కడే దిగేసరికి ప్రయాణికులు తీవ్ర అసహనానికి గురయ్యారు. గత శుక్రవారం జరిగిన ఈ ఘటన నెట్టింట వైరల్‌గా మారింది. దుబాయ్‌ నుంచి న్యూజిలాండ్‌కు వెళ్లాల్సిన ఎమిరేట్స్‌ విమానానికి ఈ అనుభవం ఎదురైంది. భారీ వరదల కారణంగా న్యూజిలాండ్‌లోని ఆక్లాండ్‌ విమానాశ్రయం నీటితో నిండిపోయి అంతర్జాతీయ విమానాల రాకపోకలకు అంతరాయం ఏర్పడింది. దీంతో దాదాపు సగం దూరం ప్రయాణించిన ఎమిరేట్స్‌ విమానం వెనుదిరగాల్సి వచ్చింది. దీనిపై ఆక్లాండ్‌ విమానాశ్రయ సిబ్బంది ట్విటర్‌ వేదికగా స్పందించారు. ‘ఈ పరిస్థితి తీవ్ర అసహనానికి గురిచేస్తుంది. కానీ, ప్రయాణికుల భద్రతే మాకు ముఖ్యం’ అని వెల్లడించారు.