కొండంత రెస్టారెంట్‌.. 5,800 మంది విందు ఆరగించొచ్చు

ఇంటర్నెట్‌ డెస్క్‌: చైనాలోని చాంగ్‌క్వింగ్‌ పట్టణ సమీపంలో ప్రపంచంలోనే అతిపెద్ద ‘హాట్‌పాట్‌’ రెస్టారెంట్‌ ఉంది. ‘హాట్‌పాట్‌’ అంటే కొందరు సమూహంగా ఏర్పడి టేబుల్‌ మధ్య పాత్ర పెట్టి ఏదైనా వంటకం వండుకుంటారు. తరువాత దాన్ని వడ్డించుకుని, కబుర్లు చెబుతూ తింటారు. కానీ ఇప్పుడు మాత్రం షెఫ్‌లు తయారుచేసి తెచ్చిపెట్టిన ఆహారాన్ని తినడానికి ప్రాధాన్యం ఇస్తున్నారు. ఓ కొండపైనున్న ఈ రెస్టారెంట్‌లో సుమారు 900 టేబుళ్లున్నాయి. ఏకకాలంలో వాటిపై 5,800 మంది విందు ఆరగించవచ్చు. కొండప్రాంతంలో ఉన్న ఈ రెస్టారెంట్‌ పేరు పిపా యువాన్‌. 3,300 చదరపు అడుగుల విస్తీర్ణంతో ఇది అతి పెద్ద హాట్‌పాట్‌ రెస్టారెంట్‌గా గిన్నిస్‌ బుక్‌లో చోటు సంపాదించింది. ఈ రెస్టారెంట్‌లో నిత్యం టన్నుల కొద్దీ వంటలు తయారు చేస్తుంటారు. ఇక్కడ వెయిటర్లు, కుక్‌లు, కిచెన్‌ సిబ్బంది అంతా కలిపి వందల సంఖ్యలో ఉంటారు.