బెల్జియం ప్రధానికి మోదీ ఫోను

దిల్లీ: బెల్జియం ప్రధానమంత్రి అలెగ్జాండర్‌ డి క్రుతో ప్రధాని మోదీ మంగళవారం ఫోనులో సంభాషించారు. పశ్చిమాసియాతో పాటు రష్యా- ఉక్రెయిన్‌ వివాదంలో శాంతి భద్రతల పునరుద్ధరణకు మద్దతు తదితర అంశాలపై ఇరు దేశాల నేతలు మాట్లాడుకున్నట్లు సమాచారం. ఈ విషయాన్ని మోదీ స్వయంగా తన ‘ఎక్స్‌’ ఖాతాలో వెల్లడించారు. బ్రస్సెల్స్‌లో తొలిసారిగా నిర్వహించిన అణుశక్తి సమావేశం విజయంపై అలెగ్జాండర్‌కు మోదీ అభినందనలు తెలిపారు. ఇరు దేశాల ద్వైపాక్షిక సంబంధాల బలోపేతం, ప్రాంతీయ, ప్రపంచ సమస్యలపై సహకారం, భారత్‌-ఈయూ భాగస్వామ్య అభివృద్ధిపై మోదీ, అలెగ్జాండర్‌ చర్చించుకున్నట్లు తెలిసింది.