ప్రాణాలు కాపాడుతున్న క్యాన్సర్‌ టీకా

లండన్‌: చర్మ క్యాన్సర్‌ (మెలనోమా)కు రూపొందించిన ఎంఆర్‌ఎన్‌ఏ టీకాను బ్రిటన్‌లో రోగులపై పరీక్షిస్తున్నారు. ఇది బాధితులకు ఆశాకిరణంగా ఉందని వారు చెప్పారు. ఒక్కో రోగి అవసరాలకు తగ్గట్లు ప్రత్యేకంగా ఈ వ్యాక్సిన్‌ను కొద్దివారాల్లోనే సిద్ధంచేయవచ్చని వివరించారు. మెలనోమా మళ్లీ ఉత్పన్నం కాకుండా గణనీయంగా అది తగ్గించగలుగుతోందని ప్రయోగాల్లో వెల్లడైందని తెలిపారు. దీనిపై తుదివిడత ప్రయోగాలు జరుగుతున్నాయి. క్యాన్సర్‌ కణాలను లక్ష్యంగా చేసుకొని, వాటిని నాశనం చేయాలని శరీర రోగనిరోధక వ్యవస్థకు ఈ టీకా సూచనలిస్తుంది. ఇది ఊపిరితిత్తులు, మూత్రాశయం, మూత్రపిండాల క్యాన్సర్లపైనా పనిచేస్తుందని పరిశోధకులు వివరించారు. దీన్ని మోడెర్నా, ఎంఎస్‌డీ సంస్థలు అభివృద్ధి చేశాయి.