తీవ్రస్థాయి కొవిడ్‌తో పేగుల్లో బ్యాక్టీరియా అసమతుల్యత

వాషింగ్టన్‌: పేగుల్లోని మంచి, చెడు బ్యాక్టీరియాల మధ్య ఉండే ఆరోగ్యకర సమతుల్యతను తీవ్రస్థాయి కొవిడ్‌-19 ఇన్‌ఫెక్షన్‌ దెబ్బతీస్తున్నట్టు శాస్త్రవేత్తలు కనుగొన్నారు. ముఖ్యంగా యాంటీబయోటిక్స్‌ చికిత్స పొందేవారిలో ఈ సమస్య ఎక్కువగా ఉంటున్నట్టు గుర్తించారు. కొవిడ్‌ ఉద్ధృతి వేళ చాలామంది బాధితులను గ్యాస్‌ సమస్యలు వేధించాయి. దీనిపై దృష్టి సారించిన రట్జర్స్‌ యూనివర్సిటీ పరిశోధకులు... ఆరోగ్యవంతులు, కొవిడ్‌ బాధితుల పేగుల్లోని బ్యాక్టీరియాను విశ్లేషించారు. ఇన్‌ఫెక్షన్‌, యాంటీబయోటిక్స్‌ కారణంగా పేగుల్లోని సూక్ష్మజీవుల మధ్య సమతుల్యత దెబ్బతింటోందని, దీన్ని అధిగమించేలా ప్రోబయోటిక్‌ సప్లిమెంట్లను అభివృద్ధి చేసేందుకు తమ పరిశోధన దోహదపడుతుందని పరిశోధనకర్త మార్టిన్‌ బ్లాసెర్‌ పేర్కొన్నారు.