Afghanistan: అఫ్గాన్‌లో ఘోర రోడ్డు ప్రమాదం.. 21 మంది మృతి

కాందహార్: అఫ్గానిస్థాన్‌ (Afghanistan)లో ఘోర రోడ్డు ప్రమాదం చోటు చేసుకుంది. ఈ ఘటనలో 21 మంది మరణించగా.. 38 మంది గాయపడ్డారు. ఆదివారం హెల్మాండ్‌ ప్రావిన్స్‌లోని గెరాష్క్‌ జిల్లాలో జాతీయ రహదారిపై ఈ ప్రమాదం చోటు చేసుకుందని స్థానిక ట్రాఫిక్‌ నియంత్రణ అధికారి క్వద్రాతుల్లా తెలిపారు. కాందహార్‌ నుంచి హెరత్‌ ప్రావిన్స్‌కు వెళుతున్న బస్సును బైక్‌ ఢీ కొట్టింది. దీంతో బస్సు అదుపుతప్పి రోడ్డు పక్కన ఉన్న ఆయిల్‌ ట్యాంకర్‌పైకి దూసుకెళ్లింది. క్షతగాత్రుల్లో 11 మంది పరిస్థితి ఆందోళనకరంగా ఉండటంతో వారిని మెరుగైన చికిత్స కోసం జిల్లా ఆస్పత్రికి తరలించారు. ఈ ఘటనపై కేసు నమోదు చేసి దర్యాప్తు చేస్తున్నట్లు అధికారులు వెల్లడించారు.