ముక్కుకో ఫిల్టర్‌

విడ్డూరం-ఆశ్చర్యం

ముక్కుకో ఫిల్టర్‌

దిల్లీ ప్రపంచంలోనే అత్యంత కాలుష్యపూరిత రాజధానిగా రికార్డులకెక్కింది. ఇక శీతాకాలం వచ్చిందంటే ఊపిరి ఆడటమే కష్టమక్కడ. మాస్కులూ జనానికి సరైన రక్షణ కల్పించలేవు. దీనికి పరిష్కారంగా.. ఐఐటీ దిల్లీ, నానోక్లీన్‌ గ్లోబల్‌ వారు సంయుక్తంగా 2016లో ఓ ఆవిష్కరణకు రూపం పోశారు. దాని పేరే ‘నాజోఫిల్టర్‌’. ఈ స్టార్టప్‌లో అప్పటి ఐఐటీ దిల్లీ విద్యార్థి, ప్రస్తుత నానోక్లీన్‌ గ్లోబల్‌ ప్రైవేట్‌ లిమిటెడ్‌ సీఈఓ ప్రతీక్‌ శర్మ ప్రముఖ పాత్ర పోషించారు. ఈయనకు బృంద సభ్యులు సహాయ సహకారాలు అందించారు. ఈ ‘నాజోఫిల్టర్‌’ సూక్ష్మమైనది. ఇందులో కార్బన్‌ ఫిల్టర్లుంటాయి. వీటిని ముక్కు రంధ్రాలకు అతికించుకుంటే సరి. ఎనిమిది గంటల వరకు దుమ్మూధూళి కణాలను వడగడతాయి. ఫిల్టర్లు చాలా తేలికగా ఉంటాయి. ఒక్కసారి వాడుకోగలిగే వాటి ఖరీదు 10 నుంచి 15 రూపాయల మధ్య ఉంటుందంతే! ఈ అద్భుత ఆవిష్కరణకు వీరు అప్పటి రాష్ట్రపతి ప్రణబ్‌ముఖర్జీ నుంచి ‘నేషనల్‌ స్టార్టప్స్‌ అవార్డ్‌’ సైతం తీసుకున్నారు. ఈ ఆవిష్కరణకు ప్రపంచంలోనే అత్యద్భుతమైన 25 సాంకేతిక స్టార్టప్‌లలో ఒకటిగా కొరియా స్థానం కల్పించింది. ఈ ‘నాజో ఫిల్టర్‌’కు వీరు పేటెంట్‌ తీసుకున్నారు. ప్రస్తుతం వీరు వీటిని విదేశాలకూ ఎగుమతి చేస్తున్నారు. ఆస్తమాతో తరచూ బాధపడే తన తల్లి అవస్థను చూసి.. ఈ ‘నాజో ఫిల్టర్‌’కు రూపమిచ్చానని ప్రతీక్‌ శర్మ చెబుతున్నారు. గాలిలోని అతిసూక్ష్మ కాలుష్య కారకాలైన పీఎం 2.5 నుంచి సైతం ఇవి 95 శాతం రక్షణ కల్పిస్తాయంటున్నారీయన.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు