బీపీని ఇలా అదుపులో ఉంచుకుందాం! - bhagyashree shares a cinnamon recipe to manage hypertension
close
Published : 11/07/2021 12:24 IST

బీపీని ఇలా అదుపులో ఉంచుకుందాం!

ప్రస్తుతం చాలామంది ఎదుర్కొంటోన్న ఆరోగ్య సమస్యల్లో అధిక రక్తపోటు (హైపర్‌టెన్షన్‌) ఒకటి. ధమనుల్లో రక్తం అధిక ఒత్తిడితో ప్రసరించడం వల్ల ఈ సమస్య తలెత్తుతుంది. మొదట్లోనే దీనిని గుర్తించి జాగ్రత్త పడకపోతే గుండెపోటు, మూత్రపిండాల వ్యాధులు, కంటిచూపు దెబ్బతినడం.. వంటి దీర్ఘకాలిక సమస్యలు తప్పవు. అయితే ఈ రక్తపోటును అదుపు చేసుకోవడం మన చేతుల్లోనే ఉందంటోంది అలనాటి అందాల నటి భాగ్యశ్రీ. సహజ పద్ధతిలో రక్తపోటును నియంత్రించుకోవడమెలాగో ఇన్‌స్టా ద్వారా ఓ వీడియోను విడుదల చేసింది.

‘మైనే ప్యార్‌ కియా’ అంటూ మొదటి సినిమాతోనే అందరి దృష్టిని ఆకర్షించిన భాగ్యశ్రీ ప్రస్తుతం సామాజిక మాధ్యమాల్లోనూ యాక్టివ్‌గా ఉంటోంది. తాను పాటించే సౌందర్య, ఆరోగ్య, ఫిట్‌నెస్‌ రహస్యాల్ని.. కుకింగ్‌ టిప్స్‌ని వీడియోల రూపంలో ఎప్పటికప్పుడు షేర్‌ చేసుకుంటోంది. కొద్ది రోజుల క్రితం కంటి ఆరోగ్యానికి సంబంధించిన చిట్కాలు పంచుకున్న ఈ ముద్దుగుమ్మ.. తాజాగా అధిక రక్తపోటును ఎలా నియంత్రించుకోవాలో చెప్పుకొచ్చింది.

ఈ చిట్కాతో..

‘అధిక రక్తపోటు ఈ రోజుల్లో చాలామందిని వేధిస్తోన్న సమస్య. ముఖ్యంగా నగరాల్లో నివాసముండే వారు నిత్యం ఒత్తిడి, ఆందోళనతో సతమతమవుతుంటారు. అయితే దీన్ని అధిగమించడం మన చేతిలోనే ఉంది. ఇందుకోసం నా దగ్గర ఓ అద్భుత చిట్కా ఉంది. రక్తపోటు ప్రారంభ దశలో ఉన్న వారికి ఇది బాగా ఉపయోగపడుతుంది. ‘పావు టీస్పూన్‌ దాల్చిన చెక్క పొడిని పావు టీస్పూన్‌ తేనెలో కలిపి రోజూ ఉదయాన్నే తీసుకోవాలి. ఆ తర్వాత 30 నిమిషాల పాటు ఏమీ తినకూడదు. తాగకూడదు. ఇలా రోజూ చేయడం వల్ల సిస్టోలిక్‌ రక్తపోటు నియంత్రణలో ఉంటుంది’ అని తాజా వీడియోలో చెప్పుకొచ్చింది భాగ్యశ్రీ.

బీపీ చెక్‌ చేయించుకుందాం!

ఈ వీడియోను ఇన్‌స్టాలో షేర్‌ చేసిన ఆమె ‘జాతీయ ఆరోగ్య కుటుంబ సర్వే ప్రకారం.. మన దేశంలో ప్రతి ఎనిమిది మందిలో ఒకరు రక్తపోటు బారిన పడుతున్నారు. చిన్న వయసులోనే చనిపోతున్న వారిలో ఇదే ప్రధాన కారణమని ఈ సర్వే చెబుతోంది. అందుకే ఎప్పటికప్పుడు రక్తపోటును చెక్‌ చేయించుకుంటూ ఉండాలి’ అని రాసుకొచ్చింది.

షుగర్‌ అదుపులో..!

అదేవిధంగా దాల్చిన చెక్కతో కలిగే అదనపు ప్రయోజనాలను కూడా చెప్పుకొచ్చిందీ బ్యూటీ. అవేంటంటే..

* దాల్చిన చెక్క వల్ల రక్తంలోని చక్కెర స్థాయులు అదుపులో ఉంటాయి. ఫలితంగా శరీరంలో కొవ్వులు పేరుకుపోకుండా ఉండడంతో పాటు స్థూలకాయం, మధుమేహం.. వంటి ఆరోగ్య సమస్యలు దరిచేరకుండా జాగ్రత్తపడచ్చు.

* ఇది ‘గ్రెలిన్‌’ అనే ఆకలి హార్మోన్‌ను అదుపులో ఉంచి బరువు తగ్గేలా చేస్తుంది.

* దాల్చిన చెక్కలోని హైడ్రాక్సీసినమాల్డిహైడ్‌ అనే సమ్మేళనం రక్తంలోని అనవసర కొవ్వులను తగ్గిస్తుంది.

* ఇందులోని యాంటీ బ్యాక్టీరియల్‌ గుణాలు పొట్టలోని చెడు బ్యాక్టీరియాను తొలగించి జీర్ణవ్యవస్థ పనితీరును మెరుగుపరుస్తాయి.

మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని