ఆమె పాటకు 105 కోట్ల వ్యూస్‌!
close
Updated : 07/07/2021 13:09 IST
Facebook Share Twitter Share WhatsApp Share Telegram Share Link Share

ఆమె పాటకు 105 కోట్ల వ్యూస్‌!

ఈ పాట ఏ పెద్ద హీరోనో, పాప్‌ స్టారో, పెద్ద సింగర్‌దో అయ్యుంటుంది అనుకుంటున్నారా! ఓ ప్రైవేటు ఆల్బమ్‌దే కానీ.. పాడింది మాత్రం ఓ పంతొమ్మిదేళ్ల అమ్మాయి. పేరు.. రేణుక పన్వర్‌. మన అమ్మాయే. సోషల్‌ మీడియా మొత్తం ఇప్పుడు ఈమె గురించే!

రేణుకకి చిన్నప్పటి నుంచి పాటలన్నా, డ్యాన్స్‌ అన్నా చాలా ఇష్టం. అమ్మానాన్నలూ బాగా  ప్రోత్సహించారు. వాళ్లది ఉత్తర్‌ప్రదేశ్‌లోని ఖేక్‌డా. మధ్య తరగతి కుటుంబం. తండ్రి చిన్న వ్యాపారి. స్కూల్లో సాంస్కృతిక కార్యక్రమాలన్నింట్లో పాల్గొనేది. బోలెడన్ని బహుమతులూ తెచ్చుకుంది. ఓ హిందీ టీవీ ఛానెల్‌ నిర్వహించిన డ్యాన్స్‌ ప్రోగ్రామ్‌లో పాల్గొని టైటిల్‌నూ గెలుచుకుంది. పదో తరగతిలో ఉన్నప్పుడు తన గొంతు విని ఓ ప్రైవేట్‌ ఆల్బమ్‌ వాళ్లు అవకాశం ఇచ్చారు. అలా 16 ఏళ్ల వయసులో ‘సున్‌ సోనియో’తో తన మ్యూజికల్‌ కెరియర్‌ ప్రారంభమైంది. దానికి మంచి గుర్తింపు వచ్చింది.

రేణుక ప్రస్తుతం డిగ్రీ చదువుతోంది. హిందీ, హరియాణ్వీ భాషల్లో ప్రైవేటు ఆల్బమ్‌లకు పాడుతోంది. వాటిల్లో నటిస్తోంది కూడా. ఈమె పాటలకు ఒక్కోదానికీ కనీసం పది లక్షల వీక్షణలుండటం విశేషం. ఇప్పటివరకూ తను ఈ వీడియోల ద్వారా మూడు కోట్ల రూపాయలకుపైగా సంపాదించింది. కానీ తన ప్రయాణం సులువేమీ కాలేదంటుంది రేణుక. సంగీత సాధన, రిహార్సల్స్‌ కోసం వెళుతున్నప్పుడు చుట్టుపక్కల వాళ్లు ‘అమ్మాయికి ఇవన్నీ ఎందుకు?’ అనేవారట. చదువు చెప్పించి, ఇంటి పనులు నేర్పించమనీ, గాయనిని చేస్తే భవిష్యత్‌లో ఇబ్బందనీ సలహాలిచ్చేవారట. తన కుటుంబం అవేవీ పట్టించుకోకుండా తనను ప్రోత్సహించింది.

తాజాగా ఆమె వీడియో ‘52 గజ్‌ కా దమన్‌’ 105 కోట్లకుపైగా వ్యూస్‌ అందుకుంది. హరియాణ్వీ గర్బా ధరించి నీళ్లకోసం వెళుతున్న అమ్మాయిపై సాగే పాట ఇది. ఉర్రూతలూగించే సంగీతం, సంప్రదాయ దుస్తులు, సంస్కృతి, స్థానికతకు ప్రాధాన్యమివ్వడంతో ఈ పాట ఇప్పుడు ఊపేస్తోంది. తనకు సోషల్‌ మీడియాలోనూ ఫాలోయింగ్‌ ఎక్కువే. తన ఇన్‌స్టా ఖాతాని నాలుగు లక్షల మందికిపైగా అనుసరిస్తున్నారు. బాలీవుడ్‌లో అదీ అర్జిత్‌ సింగ్‌తో కలిసి పాడాలన్నది తన కలట. చూస్తోంటే ఆ కోరిక త్వరలోనే తీరేలా కనిపిస్తోంది కదూ!



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని